Забава
(Видео) Силвестер Сталоне првпат за смртта на синот, кој почина на 36 години: од оваа трагедија никогаш не закрепнав
Познатиот актер Силвестер Сталоне доживеа тешка загуба, која никогаш не ја преболе. Во 2012 година Силвестер Сталоне го загуби својот син Сејџ Сталоне, кој почина на 36-годишна возраст.
Познатиот актер за оваа трагедија првпат проговори во својот нов документарен филм на Нетфликс, Sly.
Сејџ Сталоне наводно починал од срцева болест предизвикана од артериосклероза иако првичните извештаи сугерираа дека трагедијата е поврзана со злоупотреба на дрога.
Силвестер Сталоне го доби синот Сејџ Сталоне со Саша Чак, со која беше во брак од 1974 до 1985 година. Од тој брак го има и синот Серж, а со сегашната сопруга Џенифер Флавин, со која се ожени во 1997 година, ги има ќерките Скарлет, Систин и Софија. Покрај тоа, актерот беше во брак со Бриџит Нилсен од 1985 до 1987 година.
Познатиот актер ретко зборуваше за оваа трагедија, која длабоко го погоди. Тој глумеше со Сејџ во петтиот дел од филмот за славниот Роки, а како што рече, неговиот однос со синот не се разликуваше многу од оној на екранот, па овој филм многу го потсетува на неговото дете.
„Се обидувам да издвојам нешто што всушност посакував да го направам во реалниот живот, но не можев. И така често го правев тоа театрално, магично. Голем дел од ова е вистина. За жал, кога работите ги ставате пред семејството, последиците се прилично радикални и поразителни“, рекол актерот во документарниот филм Sly, додека беа прикажувани слики од него и неговиот син од премиерата на споменатиот филм.
„Во филмот има една реплика: „Многу ми е мило што се роди затоа што сега можам да живеам низ твоите очи“. Мислам дека тоа е она што татковците го сакаат од своите деца. Тоа е продолжение, парче бесмртност. Сè додека детето е живо, секогаш ќе ви биде живо сеќавањето, дека сте направиле нешто добро. Мислам, се надевате на тоа“, продолжи актерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Меланија Трамп ја украси Белата куќа за Ноќта на вештерките
Меѓу контроверзиите околу градежните работи во Белата куќа, Меланија Трамп ги покажа своите декорации за Ноќта на вештерките, подготвувајќи се за традиционалната прослава што ќе се одржи недалеку од срушеното Источно крило.
Нејзината канцеларија објави фотографии од подготовките со порака: „Белата куќа се подготвува за Ноќта на вештерките 🎃“.
The @whitehouse is getting ready for Halloween 🎃 pic.twitter.com/J7LAs6hqfl
— Office of the First Lady (@FirstLadyOffice) October 28, 2025
Есенска атмосфера и многу тикви
За разлика од претходните години, Меланија се чини дека се одлучила за поедноставна декорација за претстојната Ноќ на вештерките. Задниот влез и скалите се покриени со тикви, додека шарени лисја ги красат столбовите на тремот. Целокупниот впечаток повеќе потсетува на есенска тема отколку на Ноќта на вештерките, што можеби била намерна одлука за да не се исплашат најмладите гости кои доаѓаат на традиционалното собирање слатки.
Забава
Меган Фокс за мајчинството: Не сум спиела седум месеци
Американската актерка Меган Фокс (39) искрено проговори за предизвиците на мајчинството по раѓањето на ќерката Сага, која ја доби со свршеникот Колсон Бејкер.
На проекција на филмот Jennifer’s Body во Лос Анџелес, Фокс откри дека по породувањето, се соочува со силна исцрпеност.
„Само што родив бебе и страдам. Не сум спиела седум месеци“, изјавила таа објаснувајќи дека има тешкотии со концентрацијата и со меморијата.
Актерката додала дека по породувањето, се споредила со трансформацијата на својот лик во чудовиште од филмот, алудирајќи на психолошките промени што ги чувствува.
Иако постојат шпекулации за развод, таа и сопругот останале заедно и по тешкиот период, вклучувајќи го губењето на бременоста во 2023 година, што Меган го опиша како длабоко емотивно и болно искуство.
Забава
(Видео) Дакота Џонсон во спектакуларен фустан: актерката во креација на „Валентино“ по шест години
Популарната актерка Дакота Џонсон блесна на настанот Vogue World 2025: Hollywood кога се појави во спектакуларен фустан од модната куќа „Валентино“ и покажа зошто е една од најзаводливите холивудски ѕвезди.
Интересно е што таа не ги носела креациите на оваа престижна италијанска модна куќа на црвениот тепих веќе шест години, но соработката е обновена и сигурно ќе уживаме во нејзините спектакуларни изданија и во наредниот период.
@dakotajohnsonarg this cutieeeee!!! 💗🤏🏻🥹 #dakotajohnson #VogueWorld #vogue #voguemagazine #hollywood ♬ what is love haddaway – whitelinesprettybabyy
Дакота, во соработка со стилистката Кејт Јанг, избра многу впечатлива креација од колекцијата пролет 2026, фустан украсен со мониста во нежни, пастелни бои по целата должина.
Инспириран е од 20-тите, а е посебен поради везот на деколтето и делумно проѕирниот дел од тил во нежно розова боја. Друг интересен детаљ е високата јака, која исто така е изработена од тил, но во друга боја. Со овој фантастичен фустан Дакота избра нежно розови чевли од „Валентино“, како и дискретен накит.
@gbr.mag me encontro obcecada pelo look da dakota johnson no vogue world 🥹🤍 #tiktokfashion #dakotajohnson #vogueworld #fashion #moda ♬ original sound – lana del rey ୨୧
Провокативната и ефектна комбинација ја комплетира со црна чанта, а додека фотографите ја фотографираа, таа не можеше да ја тргне насмевката од лицето.
фото: принтскрин

