Забава
(Видео) Супермоделите од 90-тите откриваат што се случувало зад модните писти

Претстојната документарна серија на „Епл ТВ-плус“, со наслов The Super Models („Супермодели“), се враќа на модната сцена од 90-тите низ објективот на некои од најголемите супермодели на тоа време.
Манекенските легенди Синди Крафорд, Наоми Кембел, Кристи Тарлингтон и Линда Евангелиста откриваат детали од своите култни кариери.
Документарецот ќе содржи ексклузивни интервјуа со четирите супермодели, кои ќе овозможат увид во своите кариери и ќе се потсетат на своите почетоци во манекенството.
Во официјалното соопштение се наведува дека серијата ги носи гледачите зад камерите и зад модните писти и открива како Наоми, Синди, Линда и Кристи доминирале во елитниот свет на манекенството.
Режисер на серијата е Барбара Копл, а продуценти се Брајан Грејзер и Рон Хауард. Документарецот пристигнува на 20 октомври на „Епл ТВ плус“, а објавена е и кратка најава.
Мини-серијата патува во 80-тите кога четири жени од разни делови на светот се обединија во Њујорк. Иако поединечно силни, успехот што го постигнаа со здружување ја надмина самата индустрија. Нивниот престиж беше толку неверојатен што успеаја да ги надминат брендовите што ги претставуваа, станаа успешни како и дизајнерите што ги облекуваа.
Денес, четирите легенди остануваат во првите редови на културата преку активизам, филантропија и деловна моќ. Додека модната индустрија продолжува да се редефинира себеси, како и улогата на жените во неа, приказната за Наоми, Синди, Линда и Кристи останува една од најинспиративните приказни за моќта“, гласи најавата за оваа серија, како што пренесува „Харперс базар“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Дуа Липа конечно потврди: „Да, свршени сме, многу е возбудливо“

Дуа Липа конечно ја потврди својата свршувачка со актерот Калум Тарнер по месеци гласини и шпекулации. Во интервју за британскиот „Вог“, пејачката, која во август полни 30 години, за прв пат јавно проговори за големата животна пресвртница.
„Да, свршени сме. Многу е возбудливо“, рече таа. „Одлуката да остариме заедно, да ги споделиме нашите животи и, не знам, да бидеме најдобри пријатели засекогаш, тоа е навистина посебно чувство“, додаде таа.
Гласините за романтично запросување започнаа кон крајот на минатата година, а оттогаш таа често се гледа со блескав дијамантски прстен на прстот.
Иако во моментов не размислува интензивно за свадбата поради нејзината концертна турнеја, таа признава дека нејзините мисли се повеќе се вртат кон фустанот.
„Сакам да ја завршам турнејата, Калум снима, па засега уживаме во овој период. Никогаш не сум била од типот на личност која сонува да се омажи или замислува каква невеста би била. И одеднаш си велиш: Хмм, што би облекла?“
Забава
Конфликтот меѓу Лајвли и Балдони се продлабочува, уште едно познато име пристигнува на суд

Спорот меѓу Блејк Лајвли и Џастин Балдони продолжува, а нејзиниот правен тим сега планира да го повика Скутер Браун, поранешен публицист и извршен директор на HYPE America, да сведочи во овој сè посложен случај.
Според информациите објавени од „Пејџ Сикс“, тимот на Лајвли сака да истражи што компанијата на Браун знае за Мелиса Натан, специјалист за односи со јавноста ангажирана од Балдони во август 2024 година. Овој потег доаѓа по гласините за затегнати односи меѓу главните актери на снимањето на филмот „It Ends With Us“.
Мелиса Натан е едно од лицата именувани во тужбата на Лајвли против Балдони од декември 2024 година. Актерката го обвинува за сексуално вознемирување и кампања за оштетување на нејзиниот углед и кариера. Балдони наводно ја ангажирал Натан за да ја ублажи штетата предизвикана од тврдењата дека Блејк се чувствувала непријатно за време на снимањето, вклучувајќи инцидент во кој тој наводно ѝ се потсмевал поради нејзината тежина.
Кратко по обвинувањата, се појавија стари интервјуа во кои Блејк користела навредлив јазик кон трансродовите лица и навредила новинарка. Таа беше исто така жестоко критикувана за нејзините коментари за семејното насилство, централна тема на филмот.
Иако Балдони поднесе контратужба против Лајвли и нејзиниот сопруг Рајан Рејнолдс, таа тужба беше отфрлена претходно оваа недела. Неговиот правен тим објави дека ќе поднесат изменета верзија на тужбата.
Скутер Браун не е единствената позната личност што е именувана во случајот. Балдони претходно ја спомена пејачката Тејлор Свифт, долгогодишна пријателка на Блејк Лајвли, тврдејќи дека Блејк „го користела своето влијание за да ги оствари своите цели“. Иако Свифт првично беше повикана да сведочи, таа судска покана беше повлечена минатиот месец. Судењето за случајот треба да се одржи во март 2026 година.
Забава
(Фото) Сабрина Карпентер носи само чорапи на насловната страница на „Ролинг Стоун“

Сабрина Карпентер (26) се појави на насловната страница на списанието „Ролинг Стоун“ облечена само во чорапи високи до бутовите и долги платинести екстензии кои ги покриваа нејзините гради и задник.
Пејачката позираше облечена во бели чипкани хулахопки, додека нејзиното тело беше покриено со бујна коса.
Во остатокот од едиторијалот, Сабрина носи мрежести хулахопки со бел цветен корсет, сина карирана наметка со соодветна долна облека, жолт фустан со длабок шлиц и неколку други впечатливи комбинации.
Таа позираше во цветна ливада и беше фотографирана од познатиот фотограф Дејвид Лашапел.