Забава
(Видео) Успеав, жив сум: Оскаровецот Џаред Лето се искачи на врвот на Емпајер стејт билдинг
Оскаровецот Џаред Лето стана првиот актер што се искачи на Емпајер стејт билдинг.
За да го прослави почетокот на турнејата на својот бенд Thirty Seconds To Mars, актерот Лето реши да влезе во историјата и да се искачи на Емпајер стејт билдинг во Њујорк.
„Успеав, жив сум, стигнав до врвот. Кажував дека ја видов мајка ми на прозорецот на 80-тиот кат и тоа беше убаво изненадување“, изјави 51-годишниот музичар и актер за „Тудеј“ по искачувањето.
In 1933, King Kong climbed the Empire State Building.
In 2023, @JaredLeto took his place. pic.twitter.com/W0CTuZ6rQL
— Empire State Building (@EmpireStateBldg) November 9, 2023
„Неверојатно е да се гледа изгрејсонцето над град кој ми значел многу од детството. Њујорк беше местото каде што одите за да ги остварите вашите соништа. Како дете сакав да бидам уметник, а Њујорк беше местото каде што станав уметник. Емпајер стејт билдинг отсекогаш бил тој симбол за мене. Како што можете да видите, беше многу голем предизвик“, додаде тој.
Лето призна дека историското искачување било малку потешко отколку што очекувал.
„Искрено, бев повеќе возбуден отколку нервозен. Беше многу, многу тешко. Беше многу потешко отколку што мислев дека ќе биде“, рече Лето.
Светската турнеја на бендот „Thirty Seconds To Mars“ треба да почне во Јужна Америка на 15 март, по што ќе се упати кон Европа и Северна Америка, а треба да заврши на 19 септември во Нов Зеланд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Полицијата ја истражува смртта на Метју Пери, се обидуваат да откријат кој му го дал кетаминот
Актерот Метју Пери почина во октомври минатата година, а неговата смрт е под истрага. Портпаролот на судскиот вештак во Лос Анџелес изјави дека Пери починал од консумирање кетамин и давење.
Полициската управа во Лос Анџелес и Управата за борба против дрога ја истражуваат смртта бидејќи сè уште е отворено прашање – кој му дал на Метју кетамин.
Истрагата трае со месеци, а клучните личности од Холивуд се сослушани, изјави извор за TMZ.
Тие рекоа дека на оние на кои им пристапиле инспекторите биле „познати дека имале историја на употреба или злоупотреба на дрога“.
Изворот рече дека интервјуираните „не се нужно вистинските добавувачи на кетамин“, но се верува дека имаат информации што би можеле да доведат до изворот или до лицето кое му дало на актерот кетамин.
Засега никој не е уапсен.
Неговата поранешна девојка Кајти Едвардс пред два месеци побарала полицијата повторно да ја отвори истрагата бидејќи верува дека медицински персонал му давал лекови. Таа вели дека во екот на неговата зависност, актерот имал медицинска сестра која му носела лекови.
Забава
Салма Хајек и нејзиниот сопруг ги привлекоа погледите во Кан
Салма Хајек и оваа година не го пропушти Кан.
Актерката на филмскиот фестивал пристигна со сопругот и францускиот бизнисмен Франсоа Анри Пино, а парот се гушкаше и позираше пред фотографите и не ја симнуваше насмевката од своите лица.
Салма Хајек е 15 години во среќен брак со Франсоа-Анри Пино, а по повод нивната годишнина објави досега невидени фотографии од нејзината венчавка во април 2009 година, која се одржа во Венеција.
Забава
Принцот Вилијам за прв пат беше на забава без Кејт
Принцот Вилијам беше домаќин на традиционалната забава одржана во градините на Бакингемската палата овој вторник, а фотографите го фатија во добро расположение.
Вилијам на забавата присуствувал без сопругата Кејт која се опоравува од рак, а на забавата ја задржал насмевката на лицето. Како и Кејт, и кралот Чарлс се лекува од рак и не присуствуваше на забавата.
Кејт последен пат беше видена во јавноста минатиот Божиќ, а нејзиното ненадејно исчезнување од јавноста, како и тајноста околу нејзината здравствена состојба, ја вознемири јавноста.
Во март таа објави дека има рак, а оттогаш принцот Вилијам сам ги извршува кралските должности.