Забава
(Видео) Црниот „бугати“, најскапиот нов автомобил на сите времиња, на саемот во Женева продаден за неверојатна сума

Францускиот производител на автомобили „Бугати“ на женевскиот автосалон претстави уникатен автомобил со кој му оддаде почит на легендарниот предвоен Bugatti Type 57 SC Atlantic.
Bugatti's latest masterpiece is called 'La Voiture Noire' and it is stunning ?? pic.twitter.com/4dB8b4ZClW
— UNILAD Tech (@UNILADTECH) March 5, 2019
Покрај тоа што е најскапиот автомобил изложен на женевскиот саем на автомобили, Bugatti La Voiture Noire стана најскапиот нов автомобил на сите времиња, бидејќи се продава однапред за 16,7 милиони евра.
Bugatti La Voiture Noire (црн автомобил) е окарактеризиран како „ултимативен ГТ автомобил” и се базира на стандардната верзија на Bugatti Chiron.
Here is the mystery Bugatti !! Its name ? La Voiture Noire, a modern tribute to the missing Type 57 SC Atlantic ! #BugattiLaVoitureNoire #LaVoitureNoire #VoitureNoire #Bugatti #GIMS2019 #GIMS https://t.co/UUuosggK2H pic.twitter.com/S7fRYgQQd8
— alexsmolik (@alexsmolik) March 5, 2019
Во согласност со неговото име обоен е во црна боја, а рачно изработената каросерија е изработена од јаглеродни влакна.
The $18.9 million @Bugatti La Voiture Noire is the world’s most expensive new car: https://t.co/HdpbuZOpLl #GIMS19 pic.twitter.com/PFBwaMt0oH
— Car and Driver (@CARandDRIVER) March 5, 2019
Од „Бугати“ велат дека при дизајнирањето најмногу внимание посветиле на аеродинамиката на возилото, со цел автомобилот да има што поголема флуидна линија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.