На некои хороскопски знаци им е тешко да останат во брак од различни причини, затоа проверете дали сте на таа астролошка „избрана“ листа.

Некои парови едноставно не можат да успеат во бракот, без разлика колку се трудат. Партнерите во ваквите врски едноставно не се компатибилни во однос на романтичниот интерес. Според астрологијата, ова се хороскопските знаци кои би можеле да имаат тежок брак, пишува „Тајмс оф Индија“.

Овен
Овните имаат тврд темперамент и се лутат на најмала провокација. Многу е тешко да се одржи смирен Овен во тешки ситуации, особено за време на брачни расправии. Откако конечно ќе се смират, се обидуваат да се извинат, но тоа станува сè потешко за нивниот партнер да го поднесе.

Близнаци
Луѓето родени под овој знак не ја сакаат идејата да бидат само со една личност до крајот на животот. Освен што се зафатени со своите полни распореди, тие едвај наоѓаат време за својот сопружник, поради што се оддалечуваат еден од друг.

Девица
Девиците се исклучително фокусирани на постигнување совршенство во сите аспекти од нивниот живот, вклучувајќи ги врските и бракот. Ова предизвикува сериозни проблеми во нивниот брак, бидејќи нивниот партнер се чувствува фрустриран бидејќи мора да биде апсолутно совршен во сè.

Шкорпија
Тие не дозволуваат никој да им се приближи, дури ни нивниот сопружник, бидејќи се плашат да не бидат повредени. Но, откако ќе се посветат на некоја личност, не можат да се држат настрана, дури и ако тоа значи нарушување на нивната приватност и личен простор. Тие се оние кои сакаат да имаат моќ во врската.

Јарец
Јарците се огромни работохоличари кои мислат само на својата работа и кариера. Ова многу го фрустрира нивниот партнер кој сака да поминува квалитетно време со нив. Со Јарците може да биде многу тешко да се справите.

фото: принтскрин

Еден од омилените холивудски актери, Кијану Ривс (61), наводно го кажал судбоносното „да“ на Александра Грант (52) ова лето во Европа, објавија американските медиуми.

„Кијану Ривс тајно се ожени, таа стана столб на неговата поддршка“, изјавиле извори за RadarOnline.

Сè се одржало на тајна церемонија, а со оглед на тоа колку е скромен Кијану Ривс и не сака да ја споделува својата приватност со други, не е изненадувачки што неговата свадба не се знаело со месеци.

„Свадбата се одржала во Европа претходно ова лето, многу интимна и многу незабележлива. Тие зборувале за тоа со години, но на крајот сакале нешто само за себе. Кијану и Александра ја ценат својата приватност, па затоа тајната свадба била совршена опција за нив“, рекле нивните пријатели, според RadarOnline.com.

Киану и Александра ја потврдија својата врска дури во 2019 година, а првпат се запознаа во 2009 година. Со текот на годините, двојката често била мета на критики, или поточно актерот, за неговиот избор на партнерка.

Се наведува дека многумина го критикувале што не нашол помлада жена и сè уште сметаат дека Александра не е доволно добра за Ривс.

фото: принтскрин

Патувањето понекогаш може да биде стресно. Иако вреди да се поминат неколку дена истражувајќи место што може да ви го промени животот, не секогаш бараме таков вид трансформација. Понекогаш само сакаме одмор што ќе ни помогне да се опуштиме и да се вратиме дома со насмевка на лицето.

За ваквите патници, агенцијата за јога патувања BookRetreats го разви „Индексот на среќа за време на одмор“. Студијата спореди 47 популарни дестинации низ целиот свет врз основа на пет клучни критериуми: сончеви часови, квалитет на спиење, здрава исхрана, пристап до природа и можности за вежбање, објавува Time Out.

Најсреќниот град за посета
По детална анализа на податоците, португалската престолнина Лисабон го освои првото место како најсреќен град за посета. Според BookRetreats, Лисабон „се издвојува по неколку фактори што придонесуваат за добро чувство“, а неговата храна се наведува како посебен адут. Гастрономската понуда на португалската престолнина, богата со здрави ресторани, ја смести на високо второ место во таа категорија.

Градот е опишан и како „компактен и лесен за прошетка“, а стрмните улици, иако можеби предизвикувачки по обилен оброк, ви помагаат да останете во форма.

Покрај тоа, Лисабон нуди многу зелени површини – речиси четири пати повеќе од Мадрид – и импресивни 2.828 часа сончеви зраци годишно. Накратко, градот постигнува високи резултати во сите аспекти на Индексот на среќа, што го прави јасен победник.

Хелсинки нуди природно бегство
На второто место е Хелсинки, кој особено се истакна во категоријата „поврзување со природата“. Финска е позната како среќна земја, па затоа не е изненадување што нејзиниот главен град се рангираше високо. BookRetreats ги истакнува „бујните паркови и булевари со дрвја“ кои „беспрекорно се вклопуваат со шумските патеки“. Исто така, се вели дека „мирното темпо на живот“ на Хелсинки е идеално за патници кои бараат релаксирачко бегство.

На третото место е Орландо, Флорида. Ако можете да ги избегнете толпите, овој град може да понуди изненадувачки релаксирачко искуство. Иако е познат по своите тематски паркови, Орландо се гордее и со многу зелени површини, плажи и целогодишно сонце.

Топ 5 најсреќни дестинации за одмор
1. Лисабон, Португалија
2. Хелсинки, Финска
3. Орландо, Флорида
4. Атина, Грција
5. Единбург, Шкотска

фото: принтскрин