Забава
Викторија и Дејвид Бекам ја поддржуваат врската на најстариот син со ќерката на американски милијардер
Бруклин Бекам, синот на поранешниот професионален фудбалер Дејвид Бекам (44) и поранешната членка на групата „Спајс грлс“, Викторија Бекам (45), е во врска со нова девојка, од која тие се многу задоволни.
Поточно, Бруклин Бекам (21) е во врска со ќерката на американскиот милијардер Нелсон Пелк (77) и со неа го поминува времето во карантин поради пандемијата на коронавирусот.

Бруклин ја користи секоја можност на социјалните мрежи да ја искаже својата љубов кон новата девојка Никола Пелц (25), која е четири години постара од него и која се занимава со глума.
Додека тој не ги крие својата заљубеност и среќата што ја најде кај американската актерка, се чини дека и неговите родители, конечно, ја одобруваат неговата избраничка по толку многу девојки.
Никол е ќерка на американскиот милијардер Нелсон Пелц, чие богатство се проценува на 1,3 милијарда фунти и е многу поголемо од богатството на Бекамови, кое минатата година е проценето на 350 милиони фунти.
Бруклин и Никола се во врска четири месеци, а таа веќе го запознала неговото семејство и била на големата прослава на неговиот 21. роденден во Лондон што му ја организирале родителите, каде што танцувала и со Викторија на песната на Глорија Гејнор, I will survive, па може да се претпостави дека двете станале вистински пријатели.
Младата двојка моментно се наоѓа во станот на Никола во Њујорк, каде што се во изолација поради коронавирусот, а Дејвид и Викторија се надеваат дека дополнителната блискост што ја имаат за време на кризата предизвикана од коронавирусот уште повеќе ќе ја зајакне нивната врска.
„Дејвид и Викторија дадоа голем благослов за нивната врска. Тие ги поддржуваа повеќето врски на Бруклин, но за оваа навистина сакаат да успее“, рече нивен близок пријател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Oткриено е зошто Ана де Армас ја прекинала врската со Том Круз: „Сè се одвиваше премногу брзо“
Холивудската актерка Ана де Армас и славниот Том Круз раскинале по девет месеци врска, пишува „Ју-ес викли“.
Извор близок до парот открил дека Ана се чувствувала „непријатно“ поради тоа колку брзо се одвивала нивната врска, иако меѓу нив, како што се наведува, „постоела неоспорна хемија“.
Двајцата глумци се запознале за време на снимањето на трилерот „Дипер“, а нивната блискост на сетот прераснала во романса. По прекинот, останале во пријателски односи и планираат да продолжат со заеднички проекти.
Забава
(Видео) „На брод сите знаат сè“ – работничка предупредува на љубовните драми на крузерите
Луси Саутертон, поранешна масерка од Бирмингем која од 19 години работела на крузери, споделува дека романтичните врски меѓу членови на екипажот ретко завршуваат добро. Таа објаснува дека на брод „нема бегство“ – сите живеат, работат и се дружат заедно, па љубовните врски брзо стануваат комплицирани.
„Кога врската ќе заврши, останувате заробени со бившиот. Го гледате секој ден, со сите заеднички колеги што знаат сè,“ раскажува Луси на својот YouTube канал Cruising As Crew.
Таа предупредува дека, иако животот на море изгледа гламурозно, љубовните драми на бродот можат брзо да се претворат во ноќна мора.
Забава
Реакции на социјалните мрежи по настапот на Цеца во Велес
Настапот на пејачката Светлана Цеца Ражнатовиќ во Велес предизвика бројни реакции на социјалната мрежа „Икс“ , откако за време на концертот таа се завитка во бугарско знаме кое и’ го дадоа од публиката.
Корисници од Македонија споделуваат видеа и коментари од настанот. „Ја би ги исвиркал сите што отидоа на концерт на Цеца“, напиша еден корисник, додека друг иронично праша: „Дали Цеца ќе го истетовира МК знамето?“
Има и коментари кои сугерираат дека моментот бил резултат на провокација: „Бугарското знаме ѝ го подметнаа обични провокатори и добија што си бараа“ стои во еден од постовите, како и многу кои на комичен начин се осврнаа на настанот.
“Дали УДБА преку искористување на Цеца со бугарско знаме во Велес, се обидува да го
опструира приближувањето на официјални Софија и Скопје околу т.н. француски предлог?”Утринско ВасКафе ☕️😄 pic.twitter.com/Pn5kmq1Wcq
— Далибор 🇲🇰 (@Pobeda2024) November 1, 2025
Цеца за Hallowen се преправи во бугарка 👻
— elizabethand (@eliza_and_beth) November 1, 2025
Колку од тие што и свиреле на Цеца се со бугарски пасош? Зна ли се шта?
— Iv0P0p Sivi 🦅 (@IvoPop_) November 1, 2025
И цеца не влезе во устав.
— Робин Луд (@vladimirmk) November 1, 2025
Цеца се огласи коментирајќи дека не сакала да навреди никого, најмалку домаќините, како и дека таа секогаш прифаќа знамиња од публиката.

