Забава
Во Париз изложба на познати вагони меѓу кои и оние од „Ориент експрес“

Познати вагони од 20-тите години на минатиот век во текот на викендот беа изложени во Париз по повод Денот на европско наследство, откако тие беа целосно реставрирани од страна на француската државна железничка компанија СНЦФ.
Како што пренесува агенцијата „Хина“, дел од изложбата биле и три вагони-ресторани на „Ориент-експрес“, кои ја оживеале историјата за еден од веројатно најпознатите возови кој од 1883 до 1997 патувал меѓу Париз и Истанбул.
Се наведува дека во обновените вагони, кои своевремено биле инспирација за британската писателка Агата Кристи да го напише славниот роман „Убиство во Ориент експрес“, и денес може лесно да се замислат патниците во елегантни „чарлстон“ фустани и фракови.
На железничката станица во Париз како дел од изложбата може да се видат и други познати вагони, како што се оние кои припаѓаат на „Синиот воз“, кој сообраќал на линијата од Париз до Азурниот Bрег, потоа „Златната стрела“, која од францускиот главен град одела за Лондон, како и „Северна ѕвезда“, којa патувалa од Париз за Амстердам.
„За нивната реставрација учевме од архивите, со цел да најдеме оригинални цртежи и примероци“, открива Гијом де Сен-Лаже, извршен директор на компанијата „Ориент експрес“, која управува со наследството од оваа железничка линија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Доблест или маана? Во три хороскопски знаци се раѓаат со најскржави луѓе

Во животот, секогаш има луѓе кои внимателно го бројат секој денар, избегнуваат непотребни трошоци и ретко се препуштаат на екстраваганција.
Додека некои ја сметаат штедливоста за доблест, други ја сметаат за особина што може да ги засени врските и секојдневните ситуации.
Астрологијата често нагласува дека одредени знаци имаат посилна тенденција да штедат пари и материјална сигурност. Токму овие три хороскопски знаци се раѓаат со најскржави луѓе.
Јарец
Јарците се познати по својата дисциплина и практичен пристап кон животот, што ги вклучува и финансиите. Тие ретко трошат импулсивно и секогаш сакаат да имаат сигурни резерви за во иднина. Нивната скржавост произлегува од длабок страв од несигурност и желба секогаш да бидат подготвени за најлошото.
Иако другите понекогаш ги критикуваат за тврдоглаво држење на паричниците затворени, Јарците се чувствуваат најмирно кога знаат дека се финансиски стабилни. Нивната рационалност честопати им носи долгорочна сигурност, но и репутација дека се скржави.
Девица
Девиците не сакаат да трошат пари на непотребни работи и секогаш избираат практичност пред луксуз. Нивната скржавост произлегува од потребата за ред и контрола, па затоа секој денар го трошат внимателно. Често споредуваат цени, бараат попусти и се осигуруваат дека ништо не оди залудно.
Овој пристап може да ги фрустрира блиските, кои ги перцепираат како претерано критични и штедливи. Сепак, Девиците веруваат дека ова однесување обезбедува долгорочна стабилност и мир.
Бик
Биковите ја сакаат удобноста и безбедноста, но нивната љубов кон материјалните работи честопати оди рака под рака со тврдоглавост во трошењето. Иако уживаат во квалитетни работи, ретко преземаат ризици и трошат повеќе отколку што сметаат за разумно.
Тие ја ценат вредноста на парите и секогаш сакаат да бидат сигурни дека она што го купуваат ќе трае. Нивната скржавост е најочигледна кога одбиваат да инвестираат во работи што не ги сметаат за неопходни, без оглед на желбите на другите. Затоа често се сметаат за тврдоглаво скржави, иако се сметаат себеси за одговорни и рационални.
фото: принтскрин
Hitech
Сточар на Солунска глава најде телефон изгубен пред четири години, а планинари го најдоа сопственикот

Tелефон изгубен пред повеќе од четири години во реонот на Солунска Глава, бил најден пред еден месец од сточарот Јетмир од селото Горно Јаболчиште, раскажува на социјалните мрежи Игор Смилев, еко-активист од организацијата „Грин Пауер“ и советник во Општина Велес.
Смилев вели дека Јетмир, како чесен човек, го пријавил телефонот како изгубен, а неверојатно – по 4 години во планина, уредот успеал да се наполни и да работи делумно. Телефонот содржи сочувани СМС пораки и успеал да испрати неколку слики до планинари.
После еден месец објави на неколку Фејсбук групи, сопственикот на телефонот бил пронајден – Гоце Глигуровски од Битола, поранешен домар во сега веќе непостоечкиот Планинарски дом „Папрадиште“. Телефонот Гоце го добивал на користење од Емил Смилев.
„Фрапантно е што ‘Хуавеј’ телефонот преживеа 4 години во планина и сè уште е функционален“, додава Смилев.
Забава
(Фото) Изгледа нереално во новата модна кампања

Францускиот бренд за долна облека „Етам“ ја претстави својата есенска кампања за 2025 година, а заштитно лице е познатата манекенка Ирина Шајк.
Кампањата, со соодветен наслов J’ETAM, го комбинира името на брендот со францускиот збор за љубов и го поставува прашањето: „Која емоција е карактеристична за Французите?“, а одговорот е љубов.
View this post on Instagram
Кампањата служи како увертира на претстојната модна ревија на брендот, закажана за 30 септември, и ја слави љубовта во сите нејзини форми – од платонска и романтична до семејна и љубов кон себе.
Фотографиите од Бриен Капоци отстапуваат од традиционалните кампањи во будоар-стил. Тие се снимени во мека, природна светлина, со минимален сценографски дизајн, што им дава интимен изглед.
View this post on Instagram
„Совршена“, „Икона“, „Божица“, „Толку убава“, „Најубава Ирина“, „Величествена“, се некои од многуте коментари на „Инстаграм“ на брендот.
Колекцијата нуди облека за секоја жена и за секоја пригода, вклучувајќи удобни памучни парчиња и заводливи комплети од тантела.
View this post on Instagram
Палетата на бои се движи од розова, бела, кафеава и црна до впечатливи тонови, како што се електрично сина и светлоцрвена.
фото: принтскрин