Забава
Глувче од Калифорнија постави Гинисов рекорд за долговечност
Џебниот глушец од Пацификот наречен Пет по актерот од „Ѕвездени патеки“ Патрик Стјуарт во средата постави Гинисов рекорд како најстар жив глушец во човечка нега на зрела старост од 9 години и 209 дена, објави Алијансата за диви животни на зоолошката градина во Сан Диего по сертификацијата, објави агенцијата АП.
Миленичето е родено во сафари паркот во зоолошката градина во Сан Диего на 14 јули 2013 година, како дел од програмата за размножување и зачувување на видовите, соопшти Алијансата.
Guinness Book of World Records Names World’s Oldest Mouse Ever https://t.co/7Wa6YCNOLP pic.twitter.com/SCRMgsSM4z
— NDTV News feed (@ndtvfeed) February 10, 2023
Со тежина помала од 5 грама, пацифичкиот џебен глушец е најмалиот вид на глувци во Северна Америка и е именуван по торбите што животните ги користат за носење храна и материјали за гнездење. Овој вид на глувци некогаш бил широко распространет од Лос Анџелес на југ до долината на реката Тихуана, но популацијата се намалила по 1932 година поради човечки фактори и уништување на живеалиштата.
Се сметаше дека глувчето е исчезнато пред 20 години се додека малите изолирани популации не беа повторно откриени во 1994 година во Дана Поинт во округот Оринџ, но видот и понатаму е загрозен, соопшти Алијансата.
Во 2012 година, таа организација започна програма за размножување за да го спаси глувчето од истребување. Минатата година се родиле 117 младенчиња во рекордни 31 легло. Многу од глувците ќе бидат пуштени назад во дивината оваа пролет, се вели во соопштението.
Нова популација на џебни глувци од Тихиот Океан се насели во паркот Лагуна Кост Дивина во округот Оринџ и глувците почнаа да се репродуцираат без човечка помош во 2017 година.
Иако не добива толку публицитет како поголемите и поважните видови, овој вид на глувци е важен фактор во екосистемот, бидејќи ги распрснува семето на домашните растенија, а нивното копање го поттикнува растот на растенијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Сите дадилки што Џенифер Лопез ги ангажирала за своите деца си заминале за седум дена: причината е прилично бизарна
Познатата Џенифер Лопез ги има близнаците Максимилијан и Ема со својот поранешен сопруг, пејачот Марк Ентони.
Како што еднаш и самата призна, на почетокот имала големи проблеми да најде дадилка за своите деца.
„Не можете да замислите како е да се биде мајка додека не станеш мајка. Постојано им давав совети на пријателите што имаат деца, а тие ме гледаа како да имам три глави. А потоа, кога ги добив двајцата, буквално им се извинив на сите мои пријатели“, изјавила тогаш таа, пренесува Yourtango.
Како што еднаш рекол извор близок до Лопез, првата дадилка што таа и Марк ја ангажирале дала отказ по една недела.
„Обично луѓето што заработуваат огромни суми пари и имаат многу професионални и социјални обврски ангажираат дадилка за секое дете, особено за новороденчиња. Но, како Џенифер да очекувала дека дадилката не само што треба да се грижи за близнаците туку и да работи 16 часа, седум дена во неделата“, рекол извор за „Тудеј“, пренесува споменатиот медиум.
Меѓутоа, тоа се случило и со другата дадилка.
„Тие најмија друга дадилка, која беше прекрасна со близнаците, но таа не можеше да работи толку многу часови без пауза. По отказот на дадилката, парот почна очајно да бара трета дадилка“, додал тогаш изворот.
Самата Џенифер пред неколку години истакна дека нејзината работа многу влијае на времето што го поминува со своите деца.
„Мојот син неодамна ми рече: Мамо, би сакал да имам пикник со тебе оваа недела бидејќи знам дека си работелa напорно. Беше со мене во Њујорк, но сепак ми рече: Би сакал да закажам пикник за следниот петок бидејќи ни треба повеќе квалитетно време. Јас му одговорив: Во ред, душо“, истакна таа, пренесува Yourtango.
Забава
Најпознатото бебе на интернет стана полнолетно
Сами Гринер, познат како „успешното дете“ (Success Kid), го прослави својот 18. роденден.
Неговата мајка на „Инстаграм“ покажа како денес изгледа момчето од познатото меме.
„Моето мало момче наполни 18 години. Среќен роденден, Сем“, напиша мама Лејни Гринер.
View this post on Instagram
На мемето е прикажано бебе како стиска грст песок. Фотографијата е направена во 2007 година. Семи имал само 11 месеци кога неговите родители го фотографирале додека се обидувал да јаде песок. Мајка му ја објави фотографијата на интернет за да ја видат нејзините пријатели и семејството, но таа стана интернет-сензација и меме.
Фотографијата стана толку популарна што Си-ен-ен го нарече Семи Гринер „веројатно, најпознатото бебе на интернет“. Освен за популарна употреба на социјалните мрежи, фотографијата се користи и за комерцијална употреба.
Во 2012 година, Џастин и Лејни Гринер, родителите на Семи, зборуваа на конференција поврзана со ROFLCon за предизвиците на воспитувањето на детето додека го штитат брендот. Тие беа критикувани дека го искористиле својот син, на што Лејни одговорила дека немала контрола дали мемето ќе се шири.
Во средината на 2015 година семејството Гринер ја искористи фотографијата за да ја промовира кампањата GoFundMe за да собере пари за да плати за трансплантација на бубрег на татко му. Иако Лејни првично се двоумеше дали да ја поврзе кампањата со мемето, на крајот се одлучи да го направи тоа и за неколку дена беа собрани 83.000 долари. Така настана мемето „Станав меме, па го спасив тато“.
Забава
Научниците пронајдоа сирење старо 3.600 години, било ставено околу вратот на кинеска мумија
Научниците го открија најстарото парче сирење на светот – го пронајдоа околу вратот на мумија во Кина.
Ковчегот стар 3.600 години бил отворен на гробиштата Ксиаохе во Ксинџијанг, Кина за време на ископувањето во 2003 година, каде што над вратот на мумифицираната млада жена бил поставен предмет што изгледал како накит.
И покрај тоа што изгледаше како парче накит во тоа време, научниците сега велат дека го идентификувале примерокот како најстарото парче сирење во светот, пренесува „Скај њуз“
„Обичното сирење е меко. Ова не е. Сега стана суво и тврдо“, изјави за „Ен,би,си њуз“ Киаомеи Фу, палеогенетичар од Кинеската академија на науките во Пекинг. Таа објасни дека кога бил ексхумиран ковчегот на жената, било откриено дека сирењето е добро зачувано поради сувата клима во пустината Тарим Басен.
Иако производството на сирење одамна е опишано во историјата, истражувачите во студијата објавена во списанието Cell напишале дека „историјата на ферментирани млечни производи во голема мера е изгубена во антиката“.
„Овие примероци од сирење стари 3.500 години се меѓу ретките остатоци од млечни производи кои се зачувани повеќе од 3.000 години.
Зборувајќи за „Ен-би-си њуз“, Фу рече дека таа и нејзиниот тим земале примероци од три гробници на гробиштата Ксиаохе и ја обработувале ДНК-та за да ја следат еволуцијата на бактеријата во текот на илјадници години.
Тие рекоа дека примероците покажале дека се работи за кефир направен со ферментирање на млеко со користење на зрна кефир, а има и докази за употреба на козјо и кравјо млеко.
Истражувањето покажа дека популациите од бронзеното време, како и луѓето од Ксиаохе, за кои се знаело дека се генетски нетолерантни на лактоза, консумирале млечни производи пред ерата на пастеризација и ладење.
„Овие примероци од кефирско сирење стари 3.500 години се меѓу ретките остатоци од млечни производи зачувани повеќе од 3.000 години, произведени од популацијата Ксијаохе од бронзеното време – популација со мешани животни стилови и техники“, велат научниците.
„Ен-Би-Си“ ја праша Фу дали сирењето може да се јаде и дали ќе го проба, на што таа одговори „нема шанси“.