Забава
Годишен хороскоп за 2025 година – воздушни знаци: што ги очекува Близнаците, Вагите и Водолиите?

Воздушни знаци: Близнаци, Вага и Водолија, оваа година ги очекуваат драстични животни промени и значителен успех, најавува годишниот хороскоп за 2025 година.
Воздушните знаци на зодијакот – Близнаци, Вага и Водолија – се мислители, идеалисти и комуникатори. Тие внесуваат здив на свеж воздух во зодијачкото тркало.
Елементот на воздухот е тој што овозможува слобода и ослободување. Значи, луѓето родени под воздушен знак се авантуристички, љубопитни и постојано се менуваат, исто како и ветрето. Тие се интелектуалци и имаат тенденција да живеат во облаци, што им отежнува на другите да ги разберат. Токму поради нивниот ентузијазам, понекогаш на луѓето им изгледаат недофатливи. Оваа навидум неподготвеност да се обврзе може да ги збуни другите хороскопски знаци, особено земјените знаци.
Што можат да очекуваат воздушните знаци кога станува збор за годишниот хороскоп за 2025 година?
Вашата индивидуалност ќе излезе уште повеќе во 2025 година благодарение на Плутон во Водолија. Таа ќе ве поттикне да направите големи промени, како на романтичен така и на професионален план. Во текот на 2025 година, Сатурн во Риби ќе ве научи како да ја држите под контрола вашата желба за индивидуалност и револуционерни промени и да го одржувате животот во рамнотежа, додека Јупитер во Близнаци ќе ви помогне да ја проширите вашата мрежа и да ги направите вашите идеи појасни и подобро слушнати.
Годишен хороскоп за 2025 година – воздушни знаци
Близнаци
Приоритет во 2025 година ќе ви биде семејството, како и се што е поврзано со љубовните врски. Владејачката планета многу пригодно ќе ви дојде на помош и ќе воведе околности во вашиот живот кои ќе помогнат да се сврти ситуацијата во ваша корист во средината на посочениот период. Бидете искрени со саканите и избегнувајте секакви авантури, бидејќи Јупитер не прифаќа лаги и измами.
Вага
Годината што доаѓа ќе биде неверојатно успешна и среќна за Вагите, на кои Јупитер, миленикот на овој хороскопски знак, гарантира голем и траен успех.
Водолија
Во 2025 година ќе имате можност да направите нешто значајно во животот, што веројатно ќе се случи кон средината на годината. Ситуацијата која што ќе се случи може радикално да го промени вашиот живот, па дури и да влијае на вашиот поглед на светот, што ќе донесе добри резултати. Во втората половина од годината фокусот ќе се префрли на личниот сектор, каде што на Водолијата ќе им биде корисно да внесат одреден ред во сите сегменти од животот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Концерт на групата „Гром“ во „Хераклеја“, специјален гостин Ален Славица

Македонската група „Гром“ со концерт на 2 јули на „Хераклеја“ ќе одбележи јубилеј, 45 години на музичката сцена.
„Гром“ се присутни на македонската музичка сцена од младинските рок гитаријади во 70-те, до Скопскиот фестивал, Мак Фест итн.
Концертот ќе почне во 21 часот, а настанот е во рамките на БИТ ФЕСТ 2025.
Специјален гостин на концертот ќе биде познатиот хрватски пејач Ален Славица.
Влезници по цена од 300 преку мкtickets, како и на билетарата на Хераклеја.
Забава
Знаци што покажуваат дека не внесувате доволно протеини

Често слушаме колку е важно да внесуваме доволно протеини, но многу луѓе сè уште се прашуваат дали ги задоволуваат своите дневни потреби.
Протеините се клучни за поправка на клетките, одржување на мускулите, хормонска функција и имунитет.
Ако не внесуваме доволно, може да се појават разни симптоми, кои често се игнорираат или им се припишуваат на други причини. Препорачаното дневно внесување е 0,8 грама на килограм телесна тежина, но вистинските потреби зависат од возраста, нивото на активност и од здравјето.
Луѓето во одредени животни фази, како што е перименопаузата, честопати имаат потреба од поголемо внесување. Нутриционистите Ребека Блејк, Тамар Самуелс и Даниел Пашко објаснуваат кои знаци може да укажуваат на недостиг на протеини.
Постојан глад
Ако не внесуваме доволно протеини, можеме да се чувствуваме како постојано да сме гладни, вели Самуелс.
„Зголемениот апетит може да биде природен начин на телото да се обиде да го зголеми внесувањето протеини за да ги задоволи своите нутритивни потреби“, објаснува таа за Параде.
Глад може да се појави и ако внесуваме доволно калории, но не доволно протеини.
Проблеми со косата, ноктите и со кожата
Бидејќи косата, ноктите и кожата се направени од протеинот кератин, недостигот може да предизвика видливи промени. Пашко истакнува дека недостигот на протеини може да доведе до опаѓање на косата и кршливи нокти, а Блејк додава дека кожата може да стане сува.
Според „УКЛА хелт“, сето ова се индикатори за недостиг на оваа важна хранлива материја.
Ненамерно губење тежина
Кога на телото му недостигаат градежните блокови за одржување на мускулната маса и на ткивото, може да се случи ненамерно губење тежина.
„Луѓето што јадат малку протеини често губат тежина иако не сакаат, што укажува на недоволно внесување“, истакнува Самуелс.
Блејк додава дека ниските нивоа на протеини исто така може да предизвикаат губење на мускулите, што дополнително влијае на телесната тежина.
(Фото: ЕПА)
Забава
(Фото) Ријана обожава да привлекува внимание, дури и во поодмината бременост

Познатата пејачка Ријана го очекува своето трето дете, но тоа не ја спречува сè уште да биде една од најсексапилните жени на јавната сцена.
Иако во последно време изненадува повеќе со провокативни фотографии за промоција на својата колекција, Ријана е сè уште една од омилените пејачки.
Овој пат, папараците ги фотографираа неа и нејзиниот партнер на пат кон ноќен клуб во Париз. Тие се потрудија да ги усогласат своите екстравагантни модни комбинации, а пејачката, во поодмината бременост, предизвика вистинска возбуда.
Ријана носеше црн фустан, кој има прорезови по целата должина, па затоа нејзината долна облека беше целосно видлива, како и нејзиниот труднички стомак.
Овој пар привлекува внимание на секој чекор, а Ријана покажа и во претходните бремености дека тоа воопшто не ја спречува да биде најпровокативната и најекстравагантна жена.