Забава
Големиот јаз во платите на холивудските актери повеќе од очигледен
![](https://makfax.com.mk/wp-content/uploads/2023/07/ШТРАЈК-ХОЛИВУД.jpg)
Штрајкот во Холивуд продолжува.
Примарниот проблем е развојот на вештачката интелигенција, која сè повеќе ги загрозува традиционалните работни места во забавната индустрија.
„Марвел“ веќе користи вештачка интелигенција (со ликот на Семјуел Џексон) во воведната шпица на новата серија „Тајна инвазија“, што предизвика големо негодување во јавноста.
Не може со сигурност да се каже дали луѓето ќе успеат да ја добијат битката против технологијата, но историјата покажува дека, најверојатно, нема.
Сепак, има уште една причина за штрајкот за што има повеќе причини за оптимизам – нееднаквоста и ниските плати на помалку познатите актери, сценаристи и другите потценети актери во споредни улоги, кои заработуваат неспоредливо помалку од ѕвездите.
Во последните месеци често се појавуваа сведоштва на оние што едвај врзуваат крај со крај во гламурозната филмска индустрија. Претходно, ретко се зборуваше за конкретни суми, а и сега има многу прашалници – колку всушност заработуваат оние што се зад сцената или во споредна улога?
Според Американското биро за статистика, просечната плата на актерите во Калифорнија била 27,73 долари на час – тоа е 1.109 долари неделно или околу 4.500 долари месечно. Можеби изгледа многу, но не е минимум, туку просек, во кој се вбројуваат и милионските цифри на главните улоги.
Американската федерација на телевизиски и радиоуметници (САГ) сепак успеа да се избори за минимум – на пример, актерите што работат една недела на снимање ТВ-серија сега мора да добијат најмалку 3.756 долари. Според американскиот систем, таа сума е бруто – актерите на рака добиваат помалку по даночењето.
Поголем проблем од самата сума е што нивните појавувања во ТВ-серии се само повремени, а во меѓувреме актерите мора да се снаоѓаат.
„Порано, ако сте во популарна епизода од популарна серија, приходите доаѓаа долго време. Речиси 18 месеци можевте да сметате на дополнителни пари додека не најдете нешто друго“, изјави актерот Род Меклахлен за Си-би-ес.
Со доаѓањето на стриминг-услугите хонорарите значително се намалија, тврди актерката Кели Стјуарт. „Хонорарите што ги добивам од телевизијата и оние од „Нетфликс“ се како ноќ и ден“. Таа на „Твитер“ објави и копија од вкупно пет исплати, кои изнесуваат 13 центи.
Ваквата состојба им создава проблем на актерите бидејќи не само што остануваат без пари, туку и без здравствено осигурување. Имено, минимумот што треба да го заработат за една година за да имаат право на осигурување е над 26.000 долари. Шан Шарма, член на одборот на Синдикатот на актерите, вели дека тоа право го остваруваат помалку од 13 % од членовите на Синдикатот.
За споредба, Двејн Џонсон беше најплатениот актер во 2022 година со заработка од 270 милиони долари, според листата на „Форбс“ за најплатени актери. Двејн доби високи хонорари за Jungle Cruise и за Red Notice, но, според „Форбс“, поголемиот дел од приходите во 2022 година му доаѓа од неговиот бренд текила, „Теремана“.
Том Круз се најде на насловните страници минатата година бидејќи наводно заработил 100 милиони долари од договорот за да глуми во Top Gun: Maverick за кој добил провизија и од продажба на билети, според „Вараети“.
Можеби ќе дојде време кога богатите челници ќе може, едноставно, да ги избркаат актерите и сценаристите бидејќи неколку луѓе што знаат да користат вештачка интелигенција ќе бидат доволно за хит-серии и за филмови. Додека не дојде тоа време, се чини дека ќе мора да обезбедат пристојна егзистенција за своите работници – се проценува дека штрајкот ќе им направи штета од најмалку 4 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.
Забава
Ортега призна дека ѝ е тешко да се справи со славата: „Тоа е страшно чувство“
![](https://makfax.com.mk/wp-content/uploads/2024/09/39915bbe-69d4-4b14-b543-9a6ffc626f0a.jpg)
Џена Ортега, ѕвездата на новото продолжение на „Бубимир“, откри дека тешко се справува со славата.
Ортега, која се прослави со улогата во серијата на Тим Бартон во средата, ја почна својата кариера на 10-годишна возраст во серијата „Заглавени во средината“ на каналот „Дизни“ и во хит-серијата Jane the Virgin, а глумеше и во филмот Iron Man 3“.
21-годишната актерка во интервју за МТВ зборуваше за својата почит и восхит кон колешката Винона Рајдер, ѕвезда на филмот „Бубимир“ од 1988 година, која исто така се појавува во продолжението.
Ортега објасни како разговарала со актерката за сличностите меѓу нив. Имено, и Рајдер ја почнала својата кариера на рана возраст. На 15-годишна возраст глумела во филмот „Лукас“ од 1986 година, а наполнила 16 години за време на снимањето на „Бубимир“.
„Седнавме и разговаравме за тоа долго време. И тоа е навистина, навистина охрабрувачко и утешно, особено затоа што кога го снимавме продолжението на ‘Бубимир’, немаше ниту една година откако излезе, па сè беше уште ново“, изјави Ортега и објасни дека не е лесно да се справиш со славата.
„Тоа е страшно чувство. И не го велам тоа за да се пожалам. Се случуваат многу работи. И, дефинитивно, е приспоосбување“, признала таа.
„Многу сум благодарна што сум таму каде што сум, а и Рајдер ми го кажа тоа. Не знам, тоа беше една од работите околу кои се врзавме“, рече таа.
Во новото продолжение на „Бубимир“ играат и Мајкл Китон, кој повторно се најде во главната улога, и Кетрин О’Хара, која исто така глумеше во филмот од 1988 година.