Забава
Град во Европа чии жители јадат пица повеќе и од Италијанците

Франција е позната по својата префинета храна и вино, која драстично се разликува од италијанската кујна. Затоа, пицата не е на листата со омилени оброци во оваа земја. Така барем се мислеше…
Меѓутоа, покрај сите француски печива, кроасани и брускети, Французите сепак се големи љубители на пица. Така, на пример, просечниот Французин годишно јаде по 11 килограми пица, што оваа нација ја става на второто место во светот веднаш зад Американците, а пред Италијанците.
Страста за пица во Париз придонесе во Градот на светлината да бидат отворени повеќе добри пицерии, каде што, дефинитивно, треба да поминете при посетата на француската престолнина.
- Louie Louie – според многумина љубители на пица, најдобрата пицерија во Париз што се наоѓа во 11. департман.
- Ober Mamma – во сопственост на групацијата Big Mamma, која поседува седум италијански ресторани. Поради големата посетеност, се препорачува гостите да дојдат 45 минути пред да се чувствуваат навистина гладни.
- Tripletta – се наоѓа во 20. департман, но вреди да се посети бидејќи оваа пицерија нуди пица во стилот на Неапол. и тоа во четири категории: крем, класична, доматна и калцоне.
- La Fabrica – во 14. департман се наоѓа пицерија каде што можете да седнете во излогот под неонска светлина и да правите минувачите да подголтнуваат додека минуваат покрај вас. Освен пица, тука се прават и едни од најдобрите пасти во Париз.
- La Briciola – во историскиот округ Мараис постои пицерија која е идеална за секој дел од денот. Позната е по своите бели пици, но и џиновските калцони. Можеби е тешко да се замисли, но персоналот во оваа праска пицерија зборува и англиски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.