Некои хороскопски знаци точно знаат како да го натераат партнерот да го прави она што го сакаат – без кавга, викање или драма. Нивните методи се суптилни, но ефективни и дури подоцна ќе сфатите дека сте попуштиле. Еве три знаци кои се мајстори за манипулации во врските.

Шкорпија

Шкорпијата нема да ве нападне со зборови, но ќе ве погледне со тој интензивен поглед и ќе ве натера да се запрашате дали сте згрешиле. Нејзината тактика? Мистериозна дистанца што ве тера да се трудите уште повеќе – токму како што планирала.

Вага

Вагите не бараат ништо директно, но ќе направат да се чувствувате виновни доколку не го правите тоа што тие го сакаат. Длабоки воздишки, тажни погледи низ прозорецот и суптилни забелешки – пред да сфатите, ќе попуштите само за да ја избегнете атмосферата на разочарување.

Близнаци

Близнаците нема да ве молат, да се закануваат или да ви се нафрлаат – тие ќе ве убедат дека нивната идеја е всушност ваша. Нивната моќ лежи во нивните зборови и нивната неверојатна способност да го свртат секој аргумент во своја полза.

Што би направиле ако имате проценета нето вредност од 80 милиони долари и би можеле да заработувате 20 милиони долари секоја година без да правите апсолутно ништо? Луѓето на интернет веруваат дека Мет Лебланк го нашол единствениот точен одговор на тоа прашање, откако вирално видео на „Тик-ток“ го прикажа неговиот живот и размислувањата по серијата „Пријатели“.

Неодамна некој состави компилација од неговите ТВ интервјуа од кои јасно се гледа дека после „Пријатели“ единствен приоритет му било да не прави – ништо.

Мет Лебланк (57) доби животна шанса во 1994 година кога ја доби улогата на Џои Трибиани во легендарната серија која траеше 10 сезони, до 2004 година.

Првично, актерите заработуваа 22.500 долари по епизода, но до третата сезона нивната плата скокна на 100.000 долари. До деветтата сезона, сите шест главни актери преговараа за рекордни 1 милион долари по епизода, тогаш најголемиот договор за ситком во историјата.

Имајќи предвид дека некои сезони имаа и до 25 епизоди, јасно е зошто станува збор за работа од соништата.

Сепак, профитот не застана тука. Во 2018 година, беше откриено дека главната актерска екипа сè уште заработувала околу 20 милиони долари годишно од репризите.

Кога повторно се собраа во 2021 година за специјална средба, секој од актерите доби 2,5 милиони долари само за 104-минутниот документарен филм.

Додека другите ја продолжија својата кариера, Мет реши да забави.

По завршувањето на Пријатели, повеќето од актерите останаа во центарот на вниманието. Џенифер Анистон ја продолжи својата филмска кариера и стана една од главните ѕвезди на хит серијата Утринско шоу на „Епл тв“. Дејвид Швимер, Кортни Кокс и Лиза Кудроу продолжија да работат на телевизија и филм, додека Метју Пери за жал почина во 2023 година.

И Мет првично се обиде да остане во актерскиот свет. Од 2004 до 2006 година ја сними спин-оф серијата Џои, а потоа се повлече од екранот пет години. Тој се врати дури во 2011 година со улога во серија, додека неговото последно појавување на ТВ беше во јуни 2020 година, кога беше откажан неговиот ситком „Човек со план“.

Ако се прашувате зошто Мет не работеше многу во последните години – тоа беше неговата намера од самиот почеток.

@outstandingscreenplays #MattLeBlanc loves to do Nothing #Joey #friends #screenwriting #screenwriter #screenplay #fyp #shorts #filmtok #author #writer #movies #films ♬ original sound – Outstanding Screenplays

Неодамна, некој на „Тик-ток“ состави компилација од неговите ТВ-интервјуа, во кои е јасно дека неговиот единствен приоритет по Пријатели бил да не прави ништо.

Во гостувањето на Конан О’Брајан во 2017 година, Мет отворено рече: „Мислам дека повеќе би сакал да не правам апсолутно ништо. Апсолутно ништо, нула“.

Тој објасни како за него изгледа идеален ден.

„Спиете колку сакате или станувате рано – ако сакате. Никој не ви кажува што да правите. Можеби одите во теретана, можеби не. Можеби пиете девет кафиња, можеби ниту едно“, се пошегува тој тогаш.

Слична изјава даде и во 2018 година во скандинавското ток-шоу Скавлан, каде рече дека од самиот почеток планирал да направи пауза од кариерата по „Пријатели“.

„Работев 10 години на „Пријатели“, а потоа две години на Џои, а потоа реков: „Ќе земам една година одмор“.

Таа една година се покажа како долг одмор, а Мет целосно уживаше во својата финансиска слобода.

Компилација од интервјуата на Мет стана вирална на „Тик-ток“, каде што е прегледана повеќе од 1,2 милиони пати, со илјадници лајкови и коментари. Многумина изразија восхит за неговиот „освежувачки“ поглед на богатството и неговата одлука да не ја брка славата.

„Ова е вистинскиот начин да уживате во богатството“, напиша еден корисник, додека друг додаде: „Мет Лебланк го живее сонот на секој маж“.

Ерика Викман ќе ја претставува Финска на Евровизија 2025 година, а нејзината песна „Ich Komme“ на тема оргазам, што во превод значи „Доаѓам, доаѓам“ предизвика бурни реакции на социјалните мрежи.

Многу обложувалници ја вброија меѓу фаворитите за победа на Евровизија во 2025 година во Базел.

Викман ја започна својата кариера како танчерка, а Финците ја запознаа на нивната верзија на „Идол“ во 2013 година и на најстариот танго фестивал „Тангомаркинат“ во 2016 година.

На претходниот Избор за песна на Евровизија 2020 година, таа настапи со феминистичката песна „Cicciolina“, која и ја посвети на познатата порно актерка.

Таа го освои второто место благодарение на гласовите на меѓународното жири, што ги налути Финците толку многу што тие потоа воведоа правило дека победникот ќе се одлучува со комбинација на гласови од публиката и жирито, со сооднос 75:25 во корист на публиката.

Сепак, Ерика подоцна стана една од најпопуларните фински пејачки со низа хитови и албум кој беше на врвот на најпродаваните албуми во Финска.

Сега повторно е тема број еден, а тоа е поради песната со која ќе ја претставува својата земја во Базел.

„На „Ich komme“ се гледа како на уметничко дело што ја издигнува Ерика Викман на ново ниво. Песната комбинира традиционална финска дискотека со извонредна композиција и стихови, врамувајќи ја со возбудливата естетика на електронската музика. Песната е оригинална и толку достапна што стиховите на рефренот сигурно ќе ве зграпчат на првото слушање. Клуминацијата на песната е една од највозбудливите во историјата на УМК“, изјави жирито.

„Во оваа песна вие ја преземате контролата. Сè за вашата сексуалност е во ваши раце. Задоволството не треба да биде табу”, рекла Ерика.

Сепак, судејќи според коментарите на социјалните мрежи, текстот на песната е, во најмала рака, чуден.