Забава
Дали сакате да јадете повеќе и да ослабете: и тоа е можно со овој трик

Чувството на ситост е важно кога се држиме до диети за слабеење – тоа гарантира дека ќе се држиме до новата диета и ќе успееме да ги постигнеме нашите цели. Сепак, тоа чувство не е лесно да се постигне ако не знаете што всушност треба да јадете.
Консумирањето големи количини храна со ниска калорична содржина може да биде паметна стратегија. Наместо преработена храна со многу сол, шеќер и нездрави масти, потребно е да се свртиме кон интегрална храна, како што се овошје и зеленчук со висока содржина на вода и голема количина на прехранбени влакна.
Ова е практична и ефикасна стратегија за губење на тежината и одржување на здрава тежина на долг рок, истакнуваат експертите. Кога јадете нискокалорична интегрална храна во поголеми количини, тоа ќе ве засити, а воедно ќе ви обезбеди витамини, минерали и други хранливи материи важни за здравјето.
Нискокалорична храна што може да се јаде во поголеми количини
100 грама чипс имаат околу 535 калории. Истата количина свежа краставица, тиквичка или зелена салата има само околу 15 до 20 калории. Тоа е огромна разлика, која можете да ја искористите во ваша корист. Ако го намалите дневниот внес на храна за 500 калории, ќе губите околу еден килограм неделно на здрав начин.
Што треба да јадете, прашувате? Вклучете зелен лиснат зеленчук како што се кељ, зелка и спанаќ во вашето мени. Зголемете го внесот на свежи краставици, тиквички, пиперки, целер, домати, како и брокула, карфиол и бриселско зелје.
Засладете се со шумско овошје како што се боровинки, јагоди, малини и капини. Јадете агруми како мандарини, портокали и грејпфрути и уживајте во вкусна лубеница.
Не ја правете оваа грешка
Ако го наполните чинијата само со нискокалорично овошје и зеленчук, ќе останете гладни и нема да ги задоволите вашите нутритивни потреби. Не ја правете оваа грешка. Важно е да се внесуваат соодветни количини на протеини и здрави масти со секој оброк.
Небалансираната исхрана со зголемен внес на растителни влакна може да предизвика и гастроинтестинални проблеми како што се надуеност и гасови.
Доколку не сте сигурни точно која храна треба да ја јадете за здраво слабеење, консултирајте се со вашиот матичен лекар и побарајте помош од нутриционист.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Прв ред си е прв ред“: Туристи во Грција се степаа за лежалки

Заземањето место на плажите во Грција е неисцрпен извор на дискусија во текот на секоја сезона. Сега, сепак, отиде чекор понатаму, пишува Б92.
Имено, на Родос во Грција, туристи се степаа за лежалки во првиот ред до морето.
View this post on Instagram
„Некој навистина премногу сериозно ја сфатил борбата за место под сонцето… Реалити програма во живо од Родос“, пишува во описот на видеото објавено на Инстаграм.
Под видеото, следеа низа коментари.
„Прв ред си е прв ред, мора да се бориш за него“, „Не знам дали да се смеам или да плачам“, „Тоа се вика активен одмор“, се само дел од коментарите.
Забава
(Видео) Нова криминална комедија доаѓа на „Нетфликс“

„Нетфликс“ објави нов трејлер за претстојната крими комедија „The Thursday Murder Club“.
Филмот е режиран од Крис Колумбус, а е базиран на истоимениот роман од 2020 година напишан од британскиот телевизиски водител и продуцент Ричард Озман.
Главните улоги ги играат Хелен Мирен, Пирс Броснан, Бен Кингсли и Селија Имри, а заплетот ги следи четирите бестрашни пензионери кои го поминуваат своето слободно време решавајќи нерешени убиства – како хоби. Сепак, она што не го очекувале е дека нивното хоби ќе се претвори во вистинска истрага кога ќе се најдат во средината на вистинско, мистериозно убиство.
Ова се само дел од коментарите што циркулираат на социјалните мрежи:
„Каква актерска екипа! Ако ова не е смешно и одлично, некој сериозно греши“, „Одамна не сум видел толку добри глумци на едно место“, „Единствената забелешка – дека е филм, а не серија. Можеа да снимат повеќе епизоди“, „Не знам кого претпочитам – Мирен, Броснан, Кингсли… Летниот хит доаѓа“, „Ова мора да е одличен филм“, „Само погледнете кој го режира и кој глуми“, „Заплетот ми изгледа интересен, а кога ќе видам ваков тим – знам дека нè очекува добар филм“.
Премиерата се очекува наскоро, а сè укажува на фактот дека нè чека еден од најзабавните филмови од ова лето – полн со мистерија, шарм и британски хумор.
Забава
На британски бизнисмен му е одземено правото на користење на името на славниот Марадона

Децата на покојната аргентинска фудбалска ѕвезда Диего Армандо Марадона го добија судскиот спор што го водеа со сестрите на Марадона за правото да го користат неговото име за комерцијални цели.
Спорот настана кога сестрите на Марадона, Лили и Рита, му дадоа дозвола на британскиот бизнисмен Санџај Вадвани, кој се опишува себеси како суперфан на фудбалската ѕвезда, да го користи името на Марадона на предмети како што се пијалоци, храна, облека и игри, како и да основа добротворна фондација за зачувување на фудбалското наследство со неговото име.
Вадвани дури поднесе и барање до Агенцијата за интелектуална сопственост (IPO) за заштита на името на Марадона, како и неговиот потпис заедно со бројот „10“, кој го носеше на дресот, пишува Times.
Бизнисменот рече дека верува оти сестрите имаат законско право на името, бидејќи му било кажано дека Марадона ги лишил неговите деца од наследство.
Тврдењето на Вадвани беше оспорено од страна на IPO во врска со петте деца што Марадона ги имал со три различни жени, а IPO рече дека „доказите покажуваат дека децата се наследници“ на покојниот фудбалер.
Адвокатката за интелектуална сопственост, Роуз Гилрој, рече дека барањето е поднесено во „лоша намера“ во обид да се „проневери наследството на Марадона“ и ја опиша пресудата како „силна потврда за правото на наследниците да го заштитат наследството на покојната икона“.
Пресудата наводно го изненадила Вадвани, кој рекол дека не бил свесен за рочиштето сè додека не бил контактиран од Times и додаде дека поднел жалба на пресудата.
„Поминав многу време со сестрите на Диего Марадона и, врз основа на она што ми го кажаа, бев навистина убеден дека Диего Марадона ги лишил од наследство своите деца и дека ги префрлил правата на своето име, со кои управуваа сестрите. Имав договор со сестрите за разни права на интелектуална сопственост и правото да го користам неговото име насекаде во светот“, рече тој.
Британскиот бизнисмен, исто така, рече дека платил стотици илјади фунти на една од сестрите на и дека договорот вклучувал преземање на последните 493 фудбалски дресови потпишани од Марадона, од кои повеќето ги продал на продавач на сувенири за 2.000 фунти по парче, но дека не ги покрил сите свои трошоци.
Фото: ЕПА