Забава
Дали Чарлс е последниот британски крал

Младите генерации, кои треба во него да го видат она што нивните родители, баби и дедовци го гледаа во Елизабета, за Чарлс знаат главно она што го виделе во серијата „Круна“ на „Нетфликс“.
Знаат дека неговиот живот е обележан со љубовниот триаголник и трагичната смрт на обожаваната принцеза Дијана.
Според „Вашингтон пост“, кралот е далеку помалку популарен од неговата мајка и мора да ја обезбеди иднината на Домот на Виндзор, без да го доведе во прашање опстанокот на монархијата.
Весникот смета дека му претстојат тешки времиња на кралот поставувајќи го прашањето што еднаш го изговори неговата поранешна сопруга Дијана: „Може ли тој да биде крал на срцата на луѓето?“
Според многумина, смртта на Елизабета Втора го означи почетокот на крајот на врската со британската монархија, која таа ја изгради и зачува цели 70 години. Новата химна вели дека Бог го штити кралот, но – дали Британците ќе го заштитат?
Невозможно е да се игнорираат оние што носат транспаренти на улиците: „Тој не е мој крал“. „Укинете ја монархијата“.
Тој го носи товарот на славата и недостижната харизма на својата мајка, факт што, најверојатно, повеќе му се допаѓа на неговиот постар син Вилијам. Чарлс со децении го носеше неблагодарниот епитетот на крал во чекање.
За Чарлс Трети, важен е балансот меѓу модернизацијата и одржување на прастарата мистика на кралството. Од самиот почеток тој се претставува помалку недостижен од својата мајка и покажува малку повеќе емоции за својата улога.
Според „Њујорк тајмс“, Чарлс ја изгради својата империја пред да го наследи кралството. Својот имот, познат како Војводството Корнвол, го претвори во најпрофитабилен семеен бизнис со помош на голем тим менаџери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Андријана Јаневска ја изведе „Ако утре ме нема“ од ДНК: Еден од најтешките настапи во мојата кариера…

„Еден од најтешките настапи во мојата кариера… ‘Ако утре ме нема’ од ДНК ја изведов во придружба на Битолскиот камерен оркестар и Благојче Трајковски на кларинет“, напиша пејачката Андријана Јаневска на социјалните мрежи и објави снимка од настапот.
Забава
(Видео) Ед Ширан настапи на улица и ги воодушеви минувачите

Британскиот пејач и текстописец Ед Ширан ги воодушеви обожавателите, минувачите и патниците со уличен настап во Лондон.
Ширан (34) свиреше на акустична гитара пред железничката станица Кингс Крос во петокот, облечен во впечатлива розова маица. Тој ја изведе новата песна „Азизам“, како и хитовите Perfect, Bad Habits и Shivers.
View this post on Instagram
Пејачот, познат по хитовите Shape of You и Thinking Out Loud, по настапот напиша објава на „Инстаграм“, во која атмосферата ја опиша како неверојатна.
Една случајна минувачка, која чекала меѓу возовите, изјави дека имала неверојатна среќа што била сведок на таква ѕвездена изведба.
Забава
Принцот Хари не сака Меган да објавува фотографии од децата?

Принцот Хари наводно не е премногу среќен што неговата сопруга Меган Маркл ги користи децата за да го промовира својот нов бренд As Ever.
Кралскиот уредник на британски „Сан“, Мет Вилкинсон, тврди дека војводата и војвотката од Сасекс не се синхронизирани кога станува збор за објавување фотографии од нивните деца, принцот Арчи (5) и принцезата Лилибет (3) ,на социјалните мрежи.
„Колку што сум запознаен, Хари би сакал неговите деца да останат надвор од очите на јавноста до одредена возраст“, рече Вилкинсон во петокот во A Right Royal Podcast.
View this post on Instagram
Од друга страна, Вилкинсон тврди дека Меган има поинаков став: „Таа порасна во Калифорнија и претходно веќе кажа дека сака да има калифорниски начин на живеење – да ги однесе на плажа, да излезат, да бидат активни“. „Таа не сака да ги крие“, рече новинарот иако забележа дека Маркл сè уште не ги покажува јасно лицата на своите деца, туку ги користи за да го претстави својот имиџ како мајка и домаќинка. „Хари, веројатно, не е премногу среќен поради тоа“, додаде Вилкинсон.