Забава
Деветгодишниот син на Миранда Кер штеди пари за автомобил

Синот на Миранда Кер не го троши џепарлакот и штеди пари за да купи автомобил кога ќе биде постар.
Австралиската манекенка, поранешен ангел на „Викторија сикрет“, има три деца – деветгодишниот Флин со првиот сопруг Орландо Блум, Харт (23 месеци) и Мајлс (6 месеци) со вториот сопруг, милијардерот Еван Шпигел, основач на „Снепчет“. Таа сака нејзините деца да растат разбирајќи ја вредноста на парите, па така нејзиното најстаро дете мора да извршува разни задолженија дома за да добие награда. Ниедно од децата не добива играчки освен за посебна пригода.
„Флин разбира дека кога станува збор за книги, ние ќе му купиме онолку колку што сака, но играчките се само за специјални пригоди, како, на пример, роденден или Божик. Едноставно, не се случува во кое било друго време“, вели Миранда.
„Тој има список со задачи што треба да направи, но за нешто дополнително, на пример, миење на семејниот автомобил, добива џепарлак“.
„Флин направи штанд за лимонада со другарите и потоа ги заштеди парите од заработката затоа што му реков дека еден ден ќе треба да купи сопствен автомобил“.
„Јас пораснав во едно мало гратче. Моите родители ја купија најевтината куќа и мораа да работат напорно за пристоен живот. Тие ме научија за вредноста на работата и штедењето“, вели Миранда во интервју за австралиското списание „Инстајл“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Свесно ќе изберат осаменост и одмор од емоционалните турбуленции: не сите хороскопски знаци бараат романса ова лето

За многумина, летото е синоним за љубов, флерт и страсни приказни кои понекогаш траат подолго од одмор. Сепак, не сите хороскопски знаци бараат романса ова лето. Некои свесно ќе изберат осаменост, одмор од емоционалните турбуленции и фокус на себе. Наместо да бараат некого, тие ќе бараат рамнотежа, мир и нова верзија од себе.
За овие знаци, летото 2025 година носи можност за личен раст, без да мора да делат простор, време и енергија со некој друг.
Девица
Девиците ќе го искористат ова лето за организација, детоксикација, читање и тишина. Уморни од луѓе кои не знаат што сакаат, тие ќе одлучат да направат пауза од романтичните обиди и да се посветат на своите навики, тело и цели. Љубовта може да почека, но нивната рутина и чувството за контрола ќе бидат посилни од кога било.
Јарец
Јарците се во сериозна фаза на планирање, без разлика дали станува збор за финансии, кариера или личен проект. Љубовните игри во моментов дејствуваат како одвлекување на вниманието за нив. Ќе им биде важно да инвестираат во она што конкретно можат да го изградат, и додека не најдат личност која може да учествува во ова без компликации, ќе останат сами, а со тоа ќе бидат целосно задоволни.
Водолија
Водолијата ја сака слободата, но ова лето нивната потреба да избегаат од секојдневните очекувања, вклучително и емоционалните, ќе биде уште поизразена. Ќе бидат привлечени од нови искуства, патувања, контакти, но повеќе во пријателски и интелектуален тон отколку во љубовен тон. Ако се заљубат, тоа ќе биде полека, без брзање и без да се компромитираат себеси.
Шкорпија
Иако многумина ги гледаат како страсни и интензивни љубовници, Шкорпиите ќе сакаат повеќе време за себе ова лето. По исцрпувачките врски или емоционалните разочарувања, тие сакаат да го ресетираат својот систем. Се повлекуваат за да ја зајакнат сопствената енергија и да се вратат кај себе, дури и ако тоа значи игнорирање на пораките, повиците и можностите што не ги воодушевуваат целосно.
Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.