Забава
Девојката на Леонардо Дикаприо позираше топлес

Викторија Черети (27), девојката на Леонардо Дикаприо, повторно привлече внимание со објавување на нови фотографии на Инстаграм. На една од нив, таа позираше топлес, покрај базен со пијалок во рака.
Италијанската манекенка ја врза косата во едноставна пунџа, а на своите следбеници, кои бројат речиси два милиони, им покажа низа други фотографии од летните денови: од одмори на јахта до вечерни излегувања во елегантни комбинации. Во описот на албумот, таа кратко напиша: „Пронајдете ме на сонце“.
Додека ужива во сонцето, Виторија го поминува летото во друштво на познатиот актер. Во јуни, двојката беше меѓу гостите на гламурозната свадба на Џеф Безос и Лорен Санчез, а потоа уживаа на јахта во Сен Тропе. Иако се заедно малку повеќе од една година, тие веќе неколку пати предизвикаа гласини за свршувачка, но блиски извори тврдат дека сè уште нема прстен.
View this post on Instagram
ДиКаприо, кој наполни 50 години во ноември, неодамна даде ретко интервју за својот приватен живот. Во интервју за Esquire UK, тој призна дека откако наполни педесет години, повеќе нема време за губење.
„Сакам да бидам поискрен и не мислам дека има смисла да се губи време. Подобро би ризикувал врската да се распадне отколку да се преправам или да молчам“, рече тој.
Холивудскиот актер, кој често беше критикуван за неговите врски со многу помлади девојки, кои наводно ги напуштал кога наполниле 25 години, додаде дека сега сака да биде подиректен.
„Тоа е и одговорност, имам повеќе живот зад мене отколку пред мене, па затоа морам да кажам што мислам“, додаде тој.
ДиКаприо претходно ги полнеше таблоидите со своите љубовни врски, од петгодишната романса со Жизел Бундхен, преку Бар Рафаели, до Камила Мороне, со која раскина во 2022 година, еден месец откако таа наполни 25 години.
Неговата нова партнерка, Виторија, е една од најбараните модели денес. Тие за прв пат беа видени заедно во август 2023 година.
Виторија претходно беше во брак со италијанскиот диџеј Матео Милери, но бракот заврши во 2023 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Армани ја претстави последната колекција на покојниот дизајнер

Италијанската модна куќа „Џорџо Армани“ во неделата ја претстави последната колекција на која лично работел нејзиниот покоен дизајнер и основач, во уметничкиот музеј „Брера“ во срцето на Милано.
Армани, познат во светот на модата како „Кралот Џорџо“, почина претходно овој месец на 91-годишна возраст. Ревијата, дизајнирана да ја прослави 50-годишнината од модната куќа, се претвори во почит кон покојниот дизајнер.
Настанот привлече мноштво познати личности, вклучувајќи ги актерите Ричард Гир и Кејт Бланшет.
Моделите прошетаа во флуидни, лесни облеки, придружени со жива пијано музика изведена од италијанскиот композитор Лудовико Еинауди, објави Ројтерс.
Колекцијата, со палета на бои што се движеше од сива до темно сина и темно зелена, беше насловена „Pantelleria, Milano“, осврнувајќи се на две места драги на дизајнерот, соопшти агенцијата.
фото: принтскрин
Забава
(Видео) Џенифер Лопез за разводот од поранешниот сопруг: „Најдобрата работа што ми се случила“

Џенифер Лопез во неодамнешно интервју за CBS Sunday Morning изјави дека нејзиниот развод од Бен Афлек е „најдобрата работа“ што некогаш ѝ се случила. Таа објасни дека научила важни животни лекции низ тешкиот период.
„Сфатив дека радоста е во живеењето и во вистинското прифаќање на животот и сè што ти носи. Поради лекциите што ги носи, а потоа и поради сите триумфи што ги носи. Тешките времиња се лекции и тоа мора да го разбереш“, рече пејачката и актерка.
Лопез откри дека снимањето на „Бакнежот на жената-пајак“ ѝ послужило како еден вид бегство за време на тој турбулентен личен период. „Секој момент на снимањето и секој момент кога ја играв оваа улога, бев толку среќна. А потоа дома, не беше баш најдобро“, призна таа.
И покрај сè, таа останува исклучително благодарна на Афлек и неговата продуцентска куќа „Artists Equity“, која го финансираше филмот. „Филмот немаше да биде снимен да не беа тој и „Artists Equity“, нагласи таа.
„Му кажав дека ова е улогата за која сум родена и дека сакам да ја играм, а тој рече: ‘Добро’, и помогна да се случи тоа.“ Лопез заклучи дека секогаш ќе му оддава признание на Афлек за таа поддршка.
Двојката повторно се обидува да го продаде својот заеднички дом, овој пат по многу пониска цена од претходно. Нивната вила во Беверли Хилс повторно е ставена на продажба, но сега за 52 милиони долари, објави ТМЗ.
Забава
(Фото) Северина отпатува во Турција, со нејзината внука Миа: „Вечно вљубена во животот“

Северина ја поминува последната недела од септември во Турција, поточно во Истанбул.
Пејачката беше во друштво на нејзината внука Миа Поповиќ, која често ја придружува на патувањата. Северина објави неколку фотографии на Инстаграм и призна дека нејзините пријатели во Истанбул ги пуштаат нејзините песни насекаде, иако знаат дека тоа не ѝ се допаѓа.
„Илјада луди луѓе/пријатели околу мене, кои ги свират моите песни каде и да одиме во Истанбул (иако знаат дека не ги сакам)… но не дозволив тоа да ми го расипе расположението. Засекогаш вљубена во животот, луѓето, музиката, храната и она што го правам“, рече таа.
Северина отпатува во Турција откако помина некое време во Италија. Претходно оваа година, таа ја посети Шпанија со својата внука.
фото: принтскрин