Забава
Дерматолозите предупредуваат: Немојте да заспивате на плажа
Често се случува да задремеме несвесно на плажа, опиени од сончевите зраци и пријатната топлина. Иако звучи безопасно, спиењето директно на сонце не е добра идеја бидејќи може да има сериозни здравствени последици.
„Дремнувањето на сонце всушност може да предизвика оштетувања на кожата. Да се наслоните на кремот за сончање, како единствена одбрана е погрешна тактика. Тоа нема да ве заштити, а особено ќе изгорите во области каде што сте го пропуштиле местото или сте нанесле многу тенок слој од кремата за сончање“, тврди Хариет Далвуд од британското здружение за дерматолози.
„Кремата за сончање може да се отстрани и со потење, и треба да се нанесува најмалку на секои два часа. Исто така, кремата со заштитен фактор треба да биде една од заштитниците од сонце, но не и единствена. Затоа, ги охрабруваме луѓето да користат заштитна облека. Најважно од се’, ако сте на плажа и се чувствувате уморни, засолнете се од сонцето под сенка“, објасни таа.
Предупредува дека многу луѓе сега уживаат да ставаат креми за сончање благодарение на современите формулации кои не се густи и не оставаат бел белег. Но, веројатно немаме навика да ги применуваме толку често колку што треба. Дури и да имаме, тешко дека ќе посветиме подеднакво внимание на секој дел од кожата.
Оштетувањата на кожата, естетски и здравствени, лесно се добиваат додека дремете во вашата градина, на плажа или во парк. Д-р Тиви Марутапу вели дека спиењето на сонце е „дерматолошки кошмар“.
„Вие ризикувате изгореници затоа што не сте свесни колку е силно сонцето и веројатно нема да ставате крема за сончање толку често колку што треба. Ако сепак сакате да спиете, најдете место под сенка, нанесете крем со заштитен фактор и покријте се со некоја заштитна облека.
„Добро е да поставите аларм на вашиот телефон за да не дремнувате премногу долго, и задолжително ставете многу крем со заштитен фактор“, советува Марутапу.
Освен кожата, постојат и други ризици.
Имено, д-р Клаудија Пастидес предупредува дека може да се појави и дехидрираност.
„Телото треба да ја регулира својата внатрешна температура за внатрешните органи да работат правилно. Тоа го прави на неколку различни начини, а еден од нив е потењето. Тоа може да предизвика дехидрираност, а дехидрираноста може да предизвика слабост, замор, главоболки и вртоглавица. Тешката дехидратација може да биде фатална, затоа проверете дали пиете доволно вода кога е топло надвор и избегнувајте да спиете под директна сончева светлина“, објаснува таа.
Други сериозни проблеми што треба да се земат предвид се топлотен удар и зголемена шанса за развој на рак на кожата. Краткиот сон на сонце може да доведе до изгореници кои тешко ќе ги залечите со денови. Затоа, следниот пат, изберете место во сенка или поставете аларм за 20 минути. Вашето тело ќе ви биде благодарно, пишува Гламур.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Заљубениот Ричард Гир не се раздели од сопругата на црвениот тепих
Холивудскиот актер Ричард Гир пристигна со сопругата Алехандра Силва на филмскиот фестивал во Цирих, каде се одржа премиерата на филмот Wisdom for Happiness.
75-годишниот Гир не можел да го сокрие ентузијазмот за неговата сопруга, која е 34 години помлада, со која има два сина.
Фотографите ги снимиле нивните допири и прегратки на црвениот тепих.
Актерот и 41-годишната Алехандра се венчаа во 2018 година. Сопружниците имаат два сина, 5-годишниот Александар и една година помладиот Џејмс, додека Алехандра од претходниот брак го има 9-годишен Алберт, а Гир 24-годишниот Хомер.
Забава
Меланија за првата средба со Трамп: Беше на состанок со друга жена и ми го побара бројот
Меланија Трамп се присети на нејзината прва средба со Доналд Трамп во своите мемоари. Таа призна дека Трамп бил на состанок со друга жена кога ја забележал и почнал да флертува со неа.
Меланија во книгата објаснила дека била на забава на Модната недела во 1998 година со пријател кога Доналд им пришол и покрај тоа што бил во друштво со друга жена.
„Здраво. Јас сум Доналд Трамп – рече човекот кога дојде до мојата маса“, напиша таа. Иако го препознала името, таа не знаела ништо за Доналд.
Ја пружи раката кон неа и започна разговор. „Неговите очи беа исполнети со љубопитност и интерес. Ја искористи можноста, седна на мојата маса и започна разговор. Ме праша за времето поминато во Њујорк, мојот дом во Словенија и моите патувања низ светот“, се сеќава Меланија.
Иако тоа беше кратка средба, Меланија вели дека оставила траен впечаток.
„Од моментот кога започна нашиот разговор, ме плени неговиот шарм и леснотија. Имаше толку многу раздвижена активност околу нас, но неговата намера да се фокусира на нашата интеракција ме натера да се чувствувам како да сум во центарот на неговиот свет“, пишува поранешната прва дама на САД.
„Тоа беше освежувачки одмор од вообичаениот површен разговор и се најдов себеси привлечена од неговата енергија“, додаде таа.
Сепак, Доналд тогаш не бил сам, туку бил придружуван од друга жена. „Кога таа замина за момент, ми го побара бројот на мобилниот телефон“, рече таа. Меланија го одбича, што го изненадило. Наместо тоа, Меланија побарала од Доналд да и го даде својот број, што тој со задоволство го прифатил под еден услов.
„Ќе ти го дадам мојот број ако ветиш дека ќе се јавиш“, ѝ рекол тогаш, се сеќава Меланија.
Забава
Додека за Бијонсе се шири морничава теорија на заговор, таа ужива на црвениот тепих со мајка си
Иако деновиве се шири морничава теорија на заговор за Бијонсе, по апсењето на раперот Шон Диди Комбс, според која таа е стравот и трепет на музичката индустрија, тоа не ја спречи да ужива на социјален настан.
Таа присуствуваше на наградите Glamour Women of the Year во Њујорк. Бијонсе беше придружувана од нејзината мајка Тина Ноулс и нејзината најдобра пријателка и поранешна колешка од бендот Destiny’s Child, Кели Роланд.
Судејќи по фотографиите, таа не е загрижена што зборува јавноста за неа. Уште повеќе, таа блескаше од среќа, облечена во светло жолта маица со кратки ракави и златно здолниште. Аутфитот го комплетираше со соодветен ремен, неутрална шминка, проѕирни ракавици и долга бунда.