Забава
Дете пронашло остатоци од авион од Втората светска војна, а во него, телото на пилотот, кондоми…

Четиринаесетгодишно дете од Данска пронашло остатоци од германски авион од Втората светска војна со остатоци од телото на пилотот во кабината, пренесува CNN.
Даниел Кристиансен и неговиот татко Клаус во среда барале материјали за часот по историја на Даниел на едно поле на нивната фарма во северна Данска.
„Излеговме на полето со детектор за метал. Се надевавме дека ќе пронајдеме некои стари плочи или нешто друго што Даниел би можел да го покаже во училиште“, рече таткото.
Но наместо тоа, пронашле воен авион „месершмит“. Позајмиле багер од соседот и копале до длабочина од седум до осум метри.
„Прво ископувавме само купишта земја и метал, а потоа ненадејно пронајдовме коски и парчиња облека“, рече Кристиансен.
Неговиот дедо живеел на фармата за време на Втората светска војна. Татко му се сетил на приказната што му ја раскажувал дедо му за тоа дека на фармата се урнал германски авион, но во оваа приказна не верувал сè додека лично не се уверил.
Остатоците од авионот се пренесени во Историски музеј, а кустосот Торбен Сараув верува дека наскоро ќе го дознае и името на пилотот.
https://www.youtube.com/watch?v=eeRAdXQlQNw
Покрај пилотот било пронајдено неговото одело, документи, шешир и три несикористени кондоми. Кустосот смета дека пилотот стигнал од базата за обука на германски пилоти во Алборг.
Кристиансен се надева дека ќе го пронајде семејството на пилотот и ќе ги врати неговите останки во Германија.
„Можеби ќе добие нормален погреб“, рече тој. /крај/ин/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Дури на 47 години покажа дека и таа може: секогаш срамежлива, но сега премногу секси

Кејти Холмс блесна на црвениот тепих во еден од најатрактивните изгледи, а признаваме дека овој вид гламур одлично ѝ прилега.
Актерката Кејти Холмс нè навикна на секогаш внимателно избрани и префинети комбинации и секојдневен стил, кој инспирира многумина, меѓутоа таа знае и како да ја скокотка фантазијата со провокативен изглед – и навистина може.
Кејти Холмс пред неколку дена присуствуваше на премиерата на претставата Glengarry Glen Ross во Њујорк, а за таа пригода се осмели да облече многу секси тоалета откривајќи дека не заостанува ниту зад актуелните трендови ниту, пак, зад помладите колешки.
Таа носеше едноставен, но многу ефикасен долг, тесен фустан, во темносина боја, а она што на прв поглед изненадува е тоа што е проѕирен.
Поранешната сопруга на Том Круз во него ја покажа својата вита линија бидејќи фустанот ги следи контурите на телото по целата должина, а зад креацијата стои њујоршкиот бренд Aflalo. Во продажба може да се најде за приближно 700 евра.
Иако оваа креација изгледа целосно затворена напред, нејзината задна страна е многу попровокативна и разиграна. Фустанот има голем изрез на грбот и јасно е дека не трпи да се носи градник.
Комплетниот изглед е заокружен со лежерна пунџа и суптилна шминка – во препознатливиот стил на убавата актерка, но и со едноставни црни чевли, со едвај забележлив отворен преден дел, и златен накит.
Забава
(Фото) Морничав кич или вистинско совршенство: Меланија Трамп предизвика хаос со „обично“ издание

Првата дама на Америка секогаш изненадува со својот изглед, веќе некое време ја нема на јавни настани, но со најновото појавување го надомести тоа.
Меланија Трамп присуствуваше на доделувањето на наградите „Меѓународни жени на храброста“ и со својот изглед успеа да ги остави сите во сенка.
И додека нетрпеливо ја чекавме старо-новата прва дама повторно да нè шармира со своите модни изданија, таа кратко исчезна. На неодамнешната церемонија на доделување на наградите на Стејт департментот, Меланија блесна во уникатно парче.
Капутот со леопард-принт на дизајнерката Мили Парк го привлече целото внимание. Направен е од телешка кожа и цената е неверојатни 11.000 долари.
Знаеме дека Меланија сака капути и мантили, тие некако го дефинираат нејзиниот стил и ја прават единствена, па и овој пат покажа дека исклучиво го негува сопствениот стил и не подлегнува на трендовите.
Најстрогите модни критичари го оценија ова модно издание како премногу драматично за ваков настан, но Меланија уште еднаш успеа да ги натера сите да зборуваат за неа.
Инаку, дизајнерката Мили Парк неодамна зачекори на модната сцена и веројатно не можеше да замисли дека Меланија Трамп ќе избере едно од нејзините парчиња.
Забава
Овој хороскопски знак има 1.000 лица: затоа жените се луди по него

Навидум има ист вкус како тебе, се смее на исти шеги, се облекува исто и сака ист амбиент.
Со Водолија имате впечаток дека сте нашле личност со многу широки интереси, афинитети и суптилни желби: кога разговарате со него, веднаш забележувате дека „го зборувате истиот јазик“.
Навидум има ист вкус како тебе, се смее на исти шеги, се облекува исто и сака ист амбиент.
Никогаш не ви е тешко да се справите со него и уживате во неговото присуство.
Со други зборови, со Водолија добивате впечаток дека сте во друштво на „оној вистинскиот“.
Меѓутоа, проблемот е што сите жени така се чувствуваат за него и дека нема ништо различно кај него, па затоа нема посебна наклонетост кон вас.
Водолијата е вистински камелеон кој се труди да им угоди на сите и да направи да се чувствуваат добро покрај него.
За подобро да го запознаете, треба да ја поминете оваа втора фаза: еден ден покажува незаинтересираност за нешто што ви се допаѓа или ако изрази желба што не ви одговара, тоа значи дека полека почнува да се отвора.
Дури и тогаш, тој ќе се обиде да сподели со вас само мал дел од она што навистина го мисли или чувствува.
Неговата тенденција е да живее неколку животи одеднаш, по еден за секој амбиент, за секоја група пријатели или за секоја негова желба или интерес.
Ако сакате да го видите вистински заљубен, ќе треба да го дочекате денот кога ќе биде подготвен да ви се покаже во целост, без никаква цензура, со сите свои илјада лица и кога ќе ви каже што прави и како се чувствува кога не е со вас.