Забава
Добрата фризура може многу да направи за убавината: што треба да избегнувате ако имате над 50 години

Добрата фризура може многу да направи за убавината, да ги скрие недостатоците, да ги истакне адутите, да ве подмлади, но ако не се соодветни бојата и формата, може да нè направи да изгледаме постари.
Есенските трендови диктираат разни фризури, а можете ли да најдете нешто за себе меѓу предлозите? А ако веќе сте влегле во педесеттите, кои фризури и бои за коса треба да ги избегнувате?
Боја на коса
Според списанието The Voice, сите дами во категоријата 50+ треба да заборават на темните бои за коса! Црната, темнокафеавата, па дури и темноцрвената ќе ве направат да изгледате постаро, и не само тоа!
Овие бои ќе ја нагласат секоја неправилност, секоја брчка на вашето лице, а тоа е нешто што, дефинитивно, сакате да го избегнете.
Советот на експертите е да изберете посветли нијанси, меки прамни, што изгледаат што е можно поприродно или, како што би рекол нашиот народ – „како да сте осветлени од сонцето“.
Без строги линии
Кога станува збор за фризури, треба да се држите подалеку и од строги линии. Тие ги истакнуваат цртите на лицето, а ако имате над 50 години, без разлика колку сте горди на вашата убавина, ова не е добра идеја.
Исто како и несоодветната боја, и строгата фризура ќе ја истакне секоја ваша брчка. Се препорачува да изберете градуирани фризури, кркмите што ги покриваат линиите на челото се исто така добар избор.
Ако имате кадрици, градуираната фризура е најдобрата опција, ќе ѝ даде волумен на вашата коса (ретката коса е уште една негативна страна на стареењето).
Ако вашиот врат е проблематично подрачје, одлучете се за коса со средна должина, која нежно паѓа до рамената, но е уредна.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Концерт на Дорис Драговиќ и Петар Грашо на 14 март во Скопје

На 14 март 2026 година Дорис Драговиќ и Петар Грашо првпат ќе одржат заеднички концерт во Скопје, во арената „Борис Трајковски“, носејќи спектакл, кој ќе биде симбол на љубов, емоција и чиста музичка магија. Две музички легенди, две генерации, една сцена и една вечер што ќе влезе во историјата.
Дорис Драговиќ, дамата што веќе со децении владее со својата моќна интерпретација, ќе го врати сјајот на најубавите балади, кои се врежани во колективната меморија на целиот регион. Од другата страна, со истата сила и страст, на сцената ќе застане Петар Грашо, миленикот на публиката и човекот што со секоја песна создава нови химни за современата генерација.
Нивниот заеднички концерт ќе биде спој на искуство и свежина, на вечни класици и модерни хитови. Тоа ќе биде ноќ во која публиката ќе патува низ времето, од балканската естрадна ера, која ја бележеше Дорис, до денешните хитови што го дефинираат звукот на новото време со Грашо.
Една бина, два гласа, две музички епохи и еден град, кој ќе биде сведок на концерт за паметење. Раскошната емоција на Дорис Драговиќ и неповторливата харизма на Петар Грашо на 14 март ќе создадат вистинска музичка магија!
Овој концерт е повеќе од календарски датум или уште еден настан. Ова ќе биде симбол на еден момент кога две кариери се преплетуваат за да создадат нешто ново и уникатно.
Како што Дорис со децении е доказ дека вистинската уметност никогаш не старее, така и Грашо е доказ дека музиката секогаш може да биде свежа и модерна. На 14 март тие ќе се сретнат за да докажат дека музиката нема граници, ни генерациски ни географски.
Билетите за овој настан се веќе пуштени во продажба и имате можност да ги купите преку продажната мрежа на www.kupikarta.com, „Розе Веро 2“, „ЈК травел“ во Бисер и „ЈК травел Дајмонд“.
Забава
„2 бона“, Елена Ристеска и Вера Јанковиќ в сабота во Паркот на франкофонијата

Во сабота, 13 септември, со почеток во 19:30 часот ќе се одржи големиот бесплатен музички хепенинг „Нешто што ќе остане“ во Паркот на Франкофонија, во организација на Општина Центар.
На концертот ќе настапат едни од најпознатите македонски изведувачи како Дарио и Миг-21, Елена Ристеска, групата „2 Бона“, Викторија Лоба, Кристина Арнаудова и Барбара Поповиќ. Низ целиот концерт ќе не води урбаната дива Вера Јанковиќ.
Водителката Вера Јанковиќ истакнува дека музиката е доказ дека не сме сами, а музичкиот хепенинг „Нешто што ќе остане“ не асоцира на најдоброто од македонската музичка сцена.
„Драги мои поклоници на македонската музичка сцена, сакам да ви најавам „Нешто што ќе остане“. Тоа ме асоцира на моментот дека музиката е доказ дека не сме сами на овој свет. Нешто што ќе остане, по трети пат, традиционално не асоцира на најдоброто од македонската забавна музичка сцена. И повторно, Парк на Франкофонија овој пат 13 Септември, 19:30 минути. Јас сум Вера Јанковиќ, вашиот водител, домаќин, а се останато што ќе ве изненади таму ќе биде фантазија во која што ќе создадеме уште една ноќ за паметење. Се гледаме, бидете таму!“, порачува Јанковиќ.
Градоначалникот Горан Герасимовски истакнува дека Општина Центар продолжува да вложува во културни настани достапни за сите граѓани.
„Со „Нешто што ќе остане“ создадаваме традиција на заеднички моменти исполнети со музика, радост и култура. Ги поканувам сите скопјани и гости на градот да ни се придружат на оваа прекрасна вечер која ќе остане запаметена“, вели Герасимовски.
Забава
(Фото) Сите зборуваат за патиките на Карлос Алкараз: дали тој е новата модна икона?

Младиот шпански тенисер Карлос Алкараз покажа дека модата може да оди рака под рака со врвниот тенис на теренот.
Во последното финале на Отвореното првенство на САД, Алкараз го победи Јаник Синер, но покрај неговата мајсторија на теренот, тој бргу стана тема и поради облеката.
На сите им го привлече вниманието со виолетовите патики, како и со маицата и шорцовите, кои беа во слични нијанси, па затоа не би било изненадувачки ако младата шпанска ѕвезда набргу стане модна икона.
Алкараз носеше светло розовамаичка без ракави и виолетови шорцови, а целиот изглед беше комплетиран со патики во истата нијанса на виолетова – персонализиран модел Nike Vapor 12, инспириран од патиките Vapor Pro 1 од 2020 година, кои често ги носеше во раните фази од својата кариера.
фото: принтскрин