Забава
Еден од најпопуларните јутјубери заработува 38 милиони долари

Марк Фишбах, попознат како Markiplier, има повеќе од 33 милиони претплатници на својот канал на „Јутјуб“, што годишно му носи околу 38 милиони долари.
Тој е еден од најбогатите јутјубери во светот, а неодамна беше гостин во поткастот на Логан Пол, каде што зборуваше за своето богатство.
„Заработувам бесрамна сума пари и ми се чини неправедно. Чувствувам дека го изневерувам системот кога заработувам толку пари и сè што сакам да направам е да создадам содржина што ќе ги инспирира другите да го сторат тоа. Не можам да кажам дека парите ми пречат бидејќи тоа би било лицемерно“, изјави Фишбах и додаде.
„Навистина е глупаво што имам толку многу што можам да си дозволам сè што ќе ми текне. Затоа им давам многу пари на оние на кои им треба и на пријателите што би сакал да ги мотивирам и да им помогнам да успеат во животот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Вештачката интелигенција ги предупредува туристите да внимаваат кога поминуваат улица во Македонија оти има агресивни возачи

Некои возачи може да бидат агресивни, па затоа внимавајте кога поминувате улица. Ваков е одговорот на вештачката интелигенција („Чат ГПТ“) на прашањето дали е Македонија безбедна дестинација за патување.
Oценката е дека земјата е генерално безбедна за туристите, со ниска стапка на криминал, а насилството е ретко. Сепак, „Чат ГПТ“ препорачува, како и за секоја друга дестинација, да бидете внимателни.
Покрај сообраќајот, апликацијата ги предупредува туристите да избегнуваат протести и политички собири, како и да внимаваат да не им биде наплатено повеќе од она што е реална цена во такси -озилата и маркетите.
Се додава и дека луѓето се гостопримливи и честопати подготвени да им помогнат на туристите, безбеден е за двојки, но да се избегнуваат изолирани области во текот на ноќта. Автобусите и такси-возилата се генерално безбедни, се додава во одговорот што го добивме.
Вештачката интелигенција препорачува да се посетат Скопје, Охрид, Маврово и Кратово.
Забава
„Веќе изгледа како 30-годишна“: лицето на младата актерка предизвика лавина коментари

Актерката Мили Боби Браун неодамна го привлече вниманието на медиумите со својот изглед, а нејзиното лице предизвика особена дискусија со оглед на тоа што има само 21 година.
На премиерата на нејзиниот нов филм The Electric State во Лос Анџелес актерката изненади многумина. Таа блесна во златен фустан украсен со мониста, вреден речиси 10.000 евра, а креацијата ја комплетира со раскошна пунџа.
Сепак, токму нејзиното лице привлече најмногу коментари.
Millie Bobby brown needs to stop letting doctors touch her face.
— Shameless Learner 🤔 (@mrembo_wa_maji) February 26, 2025
Последниве денови на социјалните мрежи се зборуваше за тоа дека актерката изгледа многу постаро. „Буквално, отидов да ѝ ја проверам возраста“, „Таа веќе изгледа како да има 30 години“, „Кога фазата ‘имам 21, изгледам како да имам 45’ стана повторно тренди?“, се само дел од коментарите на социјалните мрежи.
Забава
Актерот Џин Хекман и неговата сопруга пронајдени мртви

Легендарниот холивудски актер Џин Хекман е пронајден мртов во својот дом во Санта Фе, Ново Мексико, заедно со сопругата, пијанистката Бетси Аракава, објави Santa Fe New Mexican повикувајќи се на полицијата.
Полицијата во округот Санта Фе ги откри телата на двократниот оскаровец, 63-годишната Бетси и нивното куче во средата попладне.
Нема сомнеж за казнено дело, а причината за смртта не е објавена. Шерифот на округот Санта Фе, Адан Мендоза, ја потврди веста денес.