Светскиот ден за борба против ракот, кој се одбележува на 4 февруари, носи силна порака за единство и надеж, потсетувајќи нè на важноста од превенција, рано откривање и лекување на малигните заболувања. Оваа година, глобалната кампања е насловена „Единствено поврзано“, ставајќи ги пациентите и нивните уникатни потреби во центарот на напорите за јавно здравје. Тоа е момент кога сите заедно ќе ја истакнеме важноста од борбата против ракот и ќе им дадеме поддршка на оние кои се соочуваат со оваа сериозна болест.

Кејт, принцезата од Велс, споделува емотивна порака на Светскиот ден на ракот

Во чест на Светскиот ден за борба против ракот, принцезата Кејт, која минатата година мина низ сопствената битка со ракот, сподели емотивна порака и фотографија направена од нејзиниот син, принцот Луис. На сликата, на која се гледа како Кејт се насмевнува во шумата, принцезата ја истакна важноста не само од лекување, туку и емоционална поддршка и надеж: „Не заборавајте да негувате сè што е надвор од болеста. #Светски ден на ракот“.

View this post on Instagram

A post shared by The Prince and Princess of Wales (@princeandprincessofwales)

Оваа лична белешка, донесена од сочувство и љубов кон семејството, не потсетува дека борбата против ракот не е само медицинска, туку и емотивна.

За време на нејзината неодамнешна посета на болницата „Ројал Марсден“, принцезата Кејт му се заблагодари на тимот лекари, истакнувајќи дека процесот на закрепнување е исполнет со предизвици, но и со длабока благодарност за поддршката што ја добила. За среќа, по долгогодишно лекување и исцрпувачки процес, Кејт е во ремисија, а нејзината порака до сите заболени е дека опоравувањето никогаш не треба да се гледа како еднонасочна улица – тоа е процес кој бара време и бара голема храброст.

Албумот на Шакира, Las Mujeres Ya No Lloran беше награден со Греми за најдобар латино поп албум, а по тој повод Шакира ја почести публиката со својот прв настап на наградите по 18 години. Колумбиската пејачка ги воодушеви своите фанови со стомачниот танц, а потоа го отпеа својот голем хит Shakira: Bzrp Music Sessions Vol. 53, во која таа пееше за изневерувањето на нејзиниот невенчан партнер Жерар Пике.

Во својот говор Шакира наградата што и ја врачи Џенифер Лопез им ја посвети на сите имигранти во САД, велејќи: „Секогаш ќе се борам со вас!“

Нејзиниот говор е одговор на заканите на претседателот Трамп за масовни депортации поради кои многу имигрантски заедници се плашат. Но, покрај политичката порака, таа испрати и лична порака до нејзините омилени момчиња – синовите Саша (10) и Милан (12).

„Сакам да ја споделам оваа награда со моите деца. Многу сум горда на вас, на вашата добрина. Ви благодарам што ме поддржувате”, им рече таа на децата, кои ја гледаа како ја добива наградата од публиката во идентични светкави облеки.

Ноќта на најважните музички награди обезбеди и некои важни модни моменти. Ѕвездите не разочараа додека позираа на црвениот тепих на 67. доделување на Греми наградите во Лос Анџелес.