Забава
Емилија Кларк сакала да го замоли медицинскиот персонал да ја пушти да умре

Британската актерка Емилија Кларк (32), ѕвездата на серијата „Игра на троновите“, доживеа аневризма, абнормално проширување на крвните садови поради оштетување или артериска слабост. Кралицата на змејовите вчера објави фотографии од болницата првпат по несреќата.
Првата аневризма ѝ се случила по завршувањето на снимањето на првата сезона на „Игра на троновите“ кога имала само 24 години. Во моментот кога почнало крвавењето во мозокот, таа вежбала со личен тренер. Набргу се нашла во болница на испитување, а лекарите ѝ дијагностицирале субарахноидално крвавење, што се смета за мозочен удар. Една третина од пациентите умираат набргу по ударот.
Таа се плашела дека веќе нема да може да глуми. Со оглед на тоа што во еден момент воопшто не можела да зборува, тој страв не бил целосно неоснован.
„Во најлошите моменти што ги доживував бев на работ да го замолам медицинскиот персонал да ме пушти да умрам“, додаде таа.
Набргу ѝ беше дијагностицирана друга аневризма, која можеше да пукне во секое време, но исто така и да остане непроменета.
Емилија Кларк не знаеше дека ја очекуваше уште полошо искуство. Кога на редовна контрола дознала дека се зголемила нејзината втора аневризма, таа се одлучила за операција. Но, операцијата не поминала добро и се разбудила врескајќи од болка. Лекарите потоа повторно ја оперирале успешно и овој пат сè поминало добро.
Актерката неодамна основа добротворна организација за помош и рехабилитација на млади луѓе што преживеале аневризма или мозочен удар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Вчера кралицата на елеганцијата, денес на провокацијата: минијатурно бикини открива сè

Ева Лонгорија го обожава летото, но и минијатурните бикини, кои со задоволство ги покажува на светот. Ни овој пат не ја пропушти можноста да ги покаже своите раскошни облини…
Вчера имавме можност да се восхитуваме на беспрекорниот изглед на Ева Лонгорија, а денес на нејзиниот провокативен стајлинг кој привлекува воздишки и погледи.
Омилената џебна Венера реши да ја покаже својата друга, попривлечна страна, и храбро го отфрли имиџот на гламурозна жена и го облече најмалото бикини што можеше да го најде во својот гардеробер.
Фотографите ја фотографираа на плажа во Марбеља, а таа не се срамеше да го покаже она што го има.
Ева Лонгорија уживаше во шармот на летото. Синото бикини ја истакнуваше нејзината завидна фигура, а нејзиниот исончан тен беше исто така забележлив.
Својот стајлинг го надополни со едноставни додатоци. Додаде и очила за сонце за да се заштити од сонцето, но и од погледот на љубопитните фотографи.
Фото: принтскрин
Забава
Зошто летото нè прави толку среќни?

Лето. Море, сонце, смеа до доцна во ноќта, коса мокра од солена вода и топол песок под нашите нозе – не е ни чудо што оваа сезона ни е толку пријатна!
Но, зад тоа летно расположение лежи моќна научна вистина: летото навистина го менува мозокот, телото и душата – и тоа на подобро.
Сончевата светлина како природен антидепресив
Нема подобар начин да се разбудите кога сончевите зраци ќе пробијат низ ролетните. Науката вели – тоа не е случајност! Сончевата светлина го стимулира производството на серотонин, хормонот на среќата, и го регулира мелатонинот, хормонот на спиењето.
Овие две моќни супстанции заедно влијаат на подобра концентрација, подобар квалитет на спиење и секако – позитивно расположение.
Витамин Д – „витаминот на сонцето“ за ментална рамнотежа
Летото не само што ни дава бронзен тен на кожата, туку и витамин Д, кој директно промовира добра хормонска рамнотежа и ја зачувува функцијата на мозокот. Освен што ја подобрува меморијата и фокусот, овој витамин игра важна улога и во менталното здравје.
Лековитата моќ на водата
Постои причина зошто сите сонуваме за плажа – близината на вода го намалува стресот и го зголемува чувството на мир. Истражувањата во Велика Британија покажаа дека луѓето се најсреќни во „сините зони“ – во близина на морето, реките или езерата.
Затоа не е ни чудо што сурферите се секогаш толку опуштени – тие буквално лебдат во својата терапија.
Назад кон природата
Летото нè носи на отворено – без разлика дали е во шума, плажа или градски парк, времето поминато во природа е докажано дека ја намалува анксиозноста и го подобрува расположението. И таа врска со природата не мора да заврши кога ќе заврши август – продолжете со навиката и во есен!
Дружење = здравје
Летото е сезона на спонтани собири, скари, вечерни излегувања и продолжени кафиња со пријатели. А социјалните врски се клучни за долг и среќен живот – тоа е докажано во најдолгото истражување за среќата. Квалитетните врски со луѓето околу нас нè штитат подобро од кој било додаток.
Но летото не е „најубавото време од годината“ за секого
Важно е да се знае – некои луѓе не се чувствуваат најдобро во текот на летото. Високите температури, притисокот од социјалните очекувања, нереалните стандарди од социјалните мрежи – можат да предизвикаат стрес, вознемиреност или чувство на неприпадност.
Затоа – не заборавајте ја емпатијата. Некој можеби претпочита да ужива во тишината на климатизирана просторија и книга, отколку на забава под палми – и тоа е сосема во ред.
Летниот „зен“ не е мит, туку природна реакција на телото на светлина, поврзаност и релаксација. Затоа, искористете го летото мудро – сончајте се (умерено), сакајте, смејте се и грижете се за себе. Нека вашиот летен ден биде не само убав – туку и лековит.
Забава
Секогаш е подготвен да ја каже вистината: тој е дефинитивно најмудриот хороскопски знак

Овој знак бара мудрост и знаење, отворен е и многу објективен. Секогаш е подготвен да ја каже вистината, без оглед на последиците.
Неговите интелектуални способности, желбата за знаење и учење и вродената љубопитност го прават најмудриот хороскопски знак. Тој е искрен, непокорен и малку егоистичен.
Станува збор за Водолија.
Водолијата е најпозната по својата независност, па затоа е тешко да се ограничи или контролира. Секој обид ќе заврши со бегство, бидејќи независноста е природна потреба за неа и единствениот начин на кој се чувствува среќно.
Исто како што сакаат да бидат опкружени со лојални пријатели, припадниците на овој знак се целосно посветени на луѓето блиски до нив.
Тие се подготвени да направат сè за нив, затоа очекувајте дека Водолиите никогаш нема да ви го свртат грбот. Важно е да се напомене дека тие не очекуваат ништо за возврат, доволно е само да бидете тука за нив и да им покажете искреност и разбирање.
Водолиите се познати по своите силни комуникациски вештини, луѓето сакаат да бидат во нивно друштво, бидејќи можете да разговарате со нив за сите теми од сите области – од политика до историја и вселена.
Водолијата е полна со креативни идеи, решенија и планови и секогаш го следи својот пат. Им е потребна интелектуална стимулација и се привлечени од силни партнери со силни погледи на животот.
Фото: принтскрин