Забава
Емиратите отворија канал на кој може да се види како се подготвува храна за летовите

Емиратите го лансираа „Фуд анд вајн ченлс“ и на тој начин им обезбедуваат на патниците да имаат увид во начинот на создавање менија за летовите и во соработката со партнерите во светот. Овие канали се достапни на сите летови и даваат ексклузивни информации за инвестицијата од 700 милиони долари во врвни вина и во регионални и сезонски јадења што се подготвуваат од страна на наградувани шефови на кујна.
„Фуд ченл“ прикажува детали од перспектива на готвачите на Емиратите, кои откриваат нови продукти и создаваат менија за летовите. Оваа авиокомпанијата годишно сервира околу 110 милиони оброци и еднакво внимание се посветува на деталите во оброците што се служат во првата, бизнис и во економската класа. Секоја епизода истражува како авиокомпанијата ги наоѓа најдобрите производи преку долгогодишните партнерства во светот вклучувајќи ги и локалните доставувачи и занаетчии. Првите две епизоди ги водат гледачите во Умбрија, Италија, каде што Емиратите набавуваат маслиново масло, испорачува Монте, и во Шри Ланка, каде што со посебна постапка се избира чајот „дилмах“, кој се служи на летовите.
Покрај тоа, епизодите донесуваат рецепти од регионално инспирирани менија, па патниците може сами да го подготват познатото јадење на Емиратите, праун мачбус, или да научат како да направат совршени палачинки дома. Рецептите се достапни на www.emirates.com. Досега се објавени две епизоди на „Фуд ченл“, а в година ќе бидат додадени повеќе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.