Забава
Живеела како бездомничка, се обидела да се самоубие, денес е една од најбараните актерки во светот
Холивудската дива Хали Бери (53) е една од најплатените актерки во светот денес, но животот на оваа ѕвезда не бил лесен и едноставен. Таа ги поминала речиси сите фази од животот, па од бездомничка стигнала до самиот врв на Холивуд благодарение на талентот и убавината што ги поседува.
Пред да стане добитничка на „Оскар“, актерката открила дека морала да помине некое време во засолниште за бездомници додека се обидувала да се пробие до холивудскиот трон.
„На 21 година се преселив во Њујорк и ја почнав кариерата таму. Првите три месеци од животот во Њујорк имав пари, но подоцна бев принудена да ѝ се јавам на мајка ми и да ја замолам да ми испрати пари и да ми помогне. Таа ми одговори само кусо – не“, изјави Хали за списанието „Пипл“.

По неколку мали улоги во телевизиски серии, нејзиниот прв значаен пробив се случи во комедијата „Бумеранг“, во која нејзин партнер беше Еди Марфи. Потоа Хали играше во неколку остварувања во кои успеа да привлече внимание на себе. Таа беше наградена со „Еми“ и „Златен глобус“ за улогата во „Запознај се со Дороти Дендриџ“, а за улогата во „Бал на монструми“ беше награден и со престижниот „Оскар“.
И додека во деловната област нижеше успеси, таа не беше толку среќна во љубовта. Хали се мажеше четири пати, а по првиот развод од сопругот Дејвид Џастин, се обиде да се самоубие.
Таа немаше среќа ни со другите партнери Ерик Бенет и моделот Габриел Обри, од кои исто така многу бргу се разведе. Таа има ќерка од третиот брак со Габриел, а од четвртиот брак со францускиот актер Оливие Мартинез има син.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Деловниот стил добива нова димензија, Меланија Трамп носи совршено одело
Првата дама на Америка, Меланија Трамп, присуствуваше на претседателскиот говор на Доналд Трамп, а поддршка му дадоа и сите негови деца. Како што обично е случај кога Меланија е во близина, сите очи се вперени во неа и нејзиното модно издание.
Меланија избра костум од модната куќа „Долче и Габана“ за овој важен настан во претседателскиот мандат на Доналд Трамп.
Првата дама избра вистински деловен стил за оваа единствена пригода, но со допир на вечна елеганција. Совршено скроен костум во потемна нијанса беше нејзин избор, а го комбинираше со бела кошула, едноставен црн појас и високи чевли.
Нејзината препознатлива фризура и шминка повторно беа тука, а Меланија цело време стоеше покрај својот син Барон и не ја симна насмевката од лицето.
За време на самиот говор, таму беа и останатите деца на Трамп, Иванка, Ерик, Тифани и Доналд Трамп помладиот. Сите стоеја заедно и покажаа дека семејството и добрите односи се пред сè кога станува збор за нив.
Ова беше уште една модна задача што Меланија ја заврши без многу проблеми и ја зацврсти својата позиција на листата на најдобро облечени жени во светот.
Забава
(Фото) „Викиншката девојка“ прави хаос во бикини: „Сакам да бидам на снег со тебе“
Норвешката инфлуенсерка Џоана Норденг обожава да објавува провокативни фотографии на социјалните мрежи, па затоа и стана позната. Нејзините последни објави се направени среде шума и ги израдуваа многу луѓе.
Фокусот, секако, не беше на природата и прекрасните пејзажи, туку на нејзиниот изглед и фактот дека среде зима и снег таа позира во минијатурно бикини, а носи и крзнена шапка, ракавици и чизми.
Белото бикини совршено одговараше на нејзиниот исончан тен, но и на снежната позадина, па за момент сите заборавија колку е студено.
Веднаш стана јасно зошто има речиси 90 илјади следбеници, а луѓето во коментарите не го криеја својот ентузијазам за нејзиниот изглед и храброст.
На Инстаграм профилот на Џоана доминираат фотографии од плажа, а дури и кога не е на плажа – очигледно нема проблем да се соблече на снег, додека себеси се опишува како „норвешка викиншка девојка која патува низ светот во слатки бикини“.
„Забавувај се“, „Совршена си“, „Повеќе вакви содржини, дозволи твојата убавица да зборува“, „Сакам да бев со тебе на тој снег“, „Толку си жешка што не е нормално“, беа само дел од коментарите.
Забава
(Фото) Пролетта нè повикува: 5 безвременски комбинации со бели панталони
Во текот на зимата, многумина од нас имаат тенденција да избираат облека во темни бои. Сепак, белите панталони можат да бидат зачудувачки и елегантен дел во зимскиот стил, нудејќи свежина и стил во време кога модата обично се поврзува со темни бои.
Особено овие сончеви денови во текот на зимата се можност да ја вклучите белата боја во вашиот зимски стил, создавајќи пролетни комбинации, дури и ако температурите се ниски наутро и навечер.
Со вистинските парчиња облека, можете да создадете импресивни комбинации со бели панталони.
Еден начин е да ги комбинирате со меки, зимски ткаенини како волна или кашмир. Пар бели панталони можат да додадат сјај на вашиот стил, а воедно да обезбедат топлина и удобност.
За лежерен зимски изглед, размислете за комбинирање на бели панталони со топол џемпер или стилска јакна. Можете исто така да додадете пар чизми за зимски изглед.
Ако сакате да создадете ексцентричен и модерен outfit, комбинирајте ги белите панталони со смело обоен капут.
За поформални настани во зима, не плашете се да изберете бели панталони во комбинација со стилски долг капут. Белата боја ќе даде елеганција и софистицираност, а во исто време совршено ќе го надополни вашиот outfit.
Одлична опција е да комбинирате бели панталони со капут. Облека која ќе ви обезбеди неспоредлива топлина и стил.

