Забава
Жизел Бундхен за озборувањата дека го изневерила Брејди: Нема да правам таблоид од животот
![](https://makfax.com.mk/wp-content/uploads/2024/03/zizel23.jpg)
Откако се дозна за разводот на манекенката Жизел Бундхен и поранешната НФЛ ѕвезда Том Брејди, се шпекулира дека таа го изневерувала. Сега првпат реши да одговори на тие озборувања.
„Тоа е лага“, изјави Жизел за озборувањата дека го изневерувала Том со Хоаким Валенте, нејзиниот инструктор по борачки вештини, со кој сега е во врска. Таа додаде дека мрази озборувања.
„Навистина не сакам да правам таблоид од мојот живот. Не сакам да се отворам за сето тоа“, додала Жизел во интервју за „Њујорк тајмс“. Таа се осврна и на критиките со кои се соочи по разводот. „Тоа е нешто што им се случува на многу жени, кои се обвинети кога имаат храброст да напуштат нездрава врска и веднаш се етикетирани како неверни“, вели таа.
Забележува дека никој не може да знае што се случува меѓу две лица зад затворени врати. Таа зборуваше и за новата врска. „Ова е првпат да бидам со некој што претходно ми беше пријател. Тоа е многу пионаку. Тој е искрен и многу транспарентен“, рече таа.
Бундхен и поранешната НФЛ-ѕвезда, Том Брејди, поднесоа барање за развод на 28 октомври 2022 година по 13 години брак. Поранешниот пар има две деца – синот Бенџамин Реин (14) и ќерката Вивијан Лејк (11). Брејди (46) го има и синот Џек (16) од претходната врска.
Врската со Хоаким ја почна во јуни минатата година. „Тие се забавуваат од јуни. Одат бавно. Беа добри пријатели од самиот почеток. Таа е многу приватна во врска со тоа и сакаше да држи сè во тајност додека не се запознаат“, изјави извор претходно за „Пипл“.
Друг извор потврди дека Бундхен и чувствата на нејзиниот тренер се развиле додека биле само пријатели. „Тој ѝ беше голема утеха кога минуваше низ разводот. Нивното пријателство стана романтично по разводот“, вели друг извор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.
Забава
Ортега призна дека ѝ е тешко да се справи со славата: „Тоа е страшно чувство“
![](https://makfax.com.mk/wp-content/uploads/2024/09/39915bbe-69d4-4b14-b543-9a6ffc626f0a.jpg)
Џена Ортега, ѕвездата на новото продолжение на „Бубимир“, откри дека тешко се справува со славата.
Ортега, која се прослави со улогата во серијата на Тим Бартон во средата, ја почна својата кариера на 10-годишна возраст во серијата „Заглавени во средината“ на каналот „Дизни“ и во хит-серијата Jane the Virgin, а глумеше и во филмот Iron Man 3“.
21-годишната актерка во интервју за МТВ зборуваше за својата почит и восхит кон колешката Винона Рајдер, ѕвезда на филмот „Бубимир“ од 1988 година, која исто така се појавува во продолжението.
Ортега објасни како разговарала со актерката за сличностите меѓу нив. Имено, и Рајдер ја почнала својата кариера на рана возраст. На 15-годишна возраст глумела во филмот „Лукас“ од 1986 година, а наполнила 16 години за време на снимањето на „Бубимир“.
„Седнавме и разговаравме за тоа долго време. И тоа е навистина, навистина охрабрувачко и утешно, особено затоа што кога го снимавме продолжението на ‘Бубимир’, немаше ниту една година откако излезе, па сè беше уште ново“, изјави Ортега и објасни дека не е лесно да се справиш со славата.
„Тоа е страшно чувство. И не го велам тоа за да се пожалам. Се случуваат многу работи. И, дефинитивно, е приспоосбување“, признала таа.
„Многу сум благодарна што сум таму каде што сум, а и Рајдер ми го кажа тоа. Не знам, тоа беше една од работите околу кои се врзавме“, рече таа.
Во новото продолжение на „Бубимир“ играат и Мајкл Китон, кој повторно се најде во главната улога, и Кетрин О’Хара, која исто така глумеше во филмот од 1988 година.