Забава
Заразно се искрени и во секого гледаат по нешто добро: три хороскопски знаци во кои се раѓаат најголемите оптимисти

Во свет каде што често се фокусираме на негативното, има луѓе кои не потсетуваат дека има нешто восхитувачко во секого.
Нивната способност да ја гледаат светлината дури и кога сите други ја гледаат сенката доаѓа природно и често се охрабрени од нивниот хороскопски знак.
Издвојуваме три хороскопски знаци кои се познати како вечни оптимисти кои кај секого ќе пронајдат барем една добра страна, дури и кога тоа за другите е незамисливо.
Стрелец
Стрелците се познати по својот ведар дух, заразниот ентузијазам и искреното верување дека сè се случува со причина. Нивната отвореност и љубопитност им овозможуваат да најдат нешто посебно кај секого, без разлика дали е тоа нечија насмевка, став или дури и животна приказна.
Вага
Вагите се дипломатите во зодијакот – мирни, искрени и разбирливи. Нивната потреба за хармонија ги тера да бараат рамнотежа во сè, вклучувајќи ги и луѓето. Дури и кога ќе се соочат со нечии мани, Вагите се обидуваат да најдат што ја прави таа личност вредна. Тие веруваат дека никој не е целосно лош, само можеби погрешно разбран.
Риба
Рибите се сонувачи и идеалисти, а нивната емоционална длабочина им овозможува да се поврзат со луѓето на уникатен начин. Тие бараат трага на добрина кај секого, дури и кога таа е закопана длабоко под слоевите на одбранбените механизми и минатите разочарувања.
Рибите веруваат дека сите луѓе се суштински добри, само им треба некој да го препознае и поттикне тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Сексапилната актерка повторно воодушеви во проѕирен фустан

Холивудската актерка Дакота Џонсон се појави на Филмскиот фестивал во Цирих и воодушеви со уште еден проѕирен фустан.
Секое појавување на оваа убавица привлекува внимание, а се чини дека наскоро ќе стане синоним за чипкани, проѕирни комбинации, со оглед на тоа што успеа да ги воодушеви сите со уште еден.
Таа прошета во Цирих во син фустан чиј горен дел е направен од чипка и е проѕирен, додека долниот дел е малку поширок, направен од тил и доста волуменозен.
Како и обично, фокусот беше на природната убавина, па Дакота ниту овој пат не претеруваше со вечерната шминка, а косата ја остави да паѓа во бранови.
На својот стајлинг додаде обетки и два импресивни прстени, а сите собрани ги разоружа со насмевка.
Во текот на вечерта, таа беше наградена и со наградата „Златно око“ за животно дело, па нејзината кариера е побогата за ова значајно признание.
фото: принтскрин
Забава
(Видео) Селена Гомез се мажи овој викенд: објави снимка на социјалните мрежи

Актерката, пејачка и претприемачка Селена Гомез наговести дека овој викенд се мажи за музичкиот продуцент Бени Бланко, пишува „Дејли меил“.
Имено, Селена Гомез објави видео од маса полна со производи за шминкање на официјалниот Инстаграм профил на нејзиниот бренд за убавина „Rare“.
Покрај производите за убавина, имаше и мобилен телефон, како и црни очила за сонце и сребрена чанта.
„Јас цел викенд“, кратко напиша пејачката.
Видео материјалот ја разбуди имагинацијата на многу нејзини обожаватели, а тие сега претпоставуваат дека Селена ќе го каже судбоносното „ДА“ во текот на викендот, бидејќи… Исто како и секоја невеста, таа ќе посвети доста време на разубавување и нанесување шминка за големиот ден.
Некои американски медиуми веќе објавија дека актерката ќе се мажи овој викенд.
Забава
(Фото) Убавицата од култната серија од 90-тите шокираше со својот изглед

Актерката Хедер Локлир (63) неодамна ги воодушеви обожавателите со својот нов изглед. Таа се појави во подкастот „Што сакаш?“ и објави фотографии од настанот на Инстаграм.
Таа позираше боса во бел летен фустан без прерамки, со нејзината препознатлива руса коса во бранови и широка насмевка.
Коментари како „Хедер изгледа неверојатно!“, „Прекрасна си“ и „Воопшто не старееш!“ ги преплавија социјалните мрежи, а многумина се согласија дека ѕвездата од култната серија „Мелроуз Плејс“ изгледа совршено.
Нејзиниот блескав изглед го потврди впечатокот дека актерката е во одлична форма, оставајќи зад себе бурен период што ги загрижуваше нејзините обожаватели.
Приватен живот полн со скандали
Приватниот живот на Хедер е под постојан јавен надзор, најмногу поради нејзините бракови со рок ѕвезди. Таа беше во брак со Томи Ли од 1986 до 1993 година, а со гитаристот на Бон Џови, Ричи Самбора, од 1994 до 2007 година, со кого има ќерка, Ава.
И покрај сите нејзини лични предизвици, Локлир отсекогаш успевала да го задржи својот статус како една од најомилените телевизиски актерки на нејзината генерација.
Нејзината кариера го достигна својот врв во 1990-тите со нејзината улога како пресметливата и моќна Аманда Вудворд во сапуницата „Мелроуз плејс“. Интересно е што Локлир на почетокот мислела дека е престара за улогата.
„Ја гледав серијата и си помислив: О, Боже, ова ќе биде одлично… Би сакала да бидам дел од неа, но сум престара“, откри таа во подкаст, додавајќи дека во тоа време имала околу 30 години, додека нејзините колешки биле во раните дваесетти години.
Сепак, нејзиното доаѓање беше хит – ликот на Аманда Вудворд стана централен негативец и икона на стилот, а гледаноста експлодираше.
По низа тешки години, актерката гордо ја прослави својата прва година без алкохол во 2020 година, споделувајќи инспиративен цитат од Маја Анџелоу:
„Научив дека без разлика што ќе се случи, животот продолжува и утре ќе биде подобро.“ Во тоа време, се чинеше дека и таа ја пронајде среќата, свршувајќи се со својот љубовник од средно училиште, Крис Хајзер, со кого ја обнови врската во 2017 година.
Иако се познаваа од 70-тите години, нивната врска беше „повремена“ сè додека актерката не се посвети на поздрав начин на живот.
Сепак, двојката се раздели минатата година.
фото: принтскрин