Забава
Првпат во Белград гостува светската ѕвезда од доменот на археологијата – Захи Хавас

Отсекогаш ве привлекувале тајните на пирамидите и животите на фараоните?
Не пропуштајте ја можноста Кралот на пирамидите да ви ја раскаже мистериозната приказна за древниот Египет и фаталната Клеопатра.
Кога ќе помислите на древниот Египет, помислувате на него и неговите откритија. Тој е исто така познат како Кралот на пирамидите, човекот што ги открива тајните чувани од египетскиот песок со векови и ги презентира на најпривлечен начин. Благодарение на него, љубителите на археологијата, од експерти до аматери, уживаат во откритијата за кои човекот до неодамна можел само да сонува. Првпат во Белград гостува светската ѕвезда од доменот на археологија, познатиот д-р Захи Хавас!
Зошто д-р Захи Хавас е единствен во своето научноистражувачко поле?
Станува збор за ретко надарен археолог, поранешен генерален секретар на Врховниот совет за антиквитети во Каиро и прв министер за антиквитети, кој никогаш не престанува да изненадува. Со својот тим тој е на прагот на одлични откритија што тој лично ќе ги презентира на своите предавања на 7 и 8 декември, во белградската опера и театар Madlenianum.
Сите оние што го сакаат новооткриениот дух од минатото може да уживаат во приказни за:
Откривањето на мумијата на кралицата Хатшепсут
Мумиите на членовите на семејството на кралот Тутанкамон и мистериите за смртта на Рамзес III
Нови откритија за Големата пирамида и Сфингата
Нови гробници пронајдени во наоѓалиштето Saqqara
Откривање тајни врати во Големата пирамида
Нови откритија во долгогодишната потрага по гробот на кралицата Клеопатра и гробот на Марко Антониј
Како резултат на интересните предавања во целиот свет, многуте книги за разни профили на читатели и популарните ТВ-документарци за древната египетска цивилизација, д-р Захи стекна многубројни следбеници во светот.
„Верувам дека досега се откриени само 30 отсто од египетските споменици, а 70 отсто сè уште се закопани под песокот. Никогаш не знаеш кои тајни ги крие песокот“, е познатата изрека на чуварот на клучевите на тајните на древната египетска цивилизација, која сè уште нè изненадува со нови откритија. Според светски познатата актерска ѕвезда Омар Шариф, д-р Захи Хавас го претставува сето она што е прекрасно во минатото на Египет. За неговата широка визија и неверојатни откритија, како и за прекрасните приказни за фараоните што ги пронаоѓа втиснати меѓу блоковите на древните пирамиди, гледајте на следниов линк.
Само на 7 и 8 декември публиката во регионот ќе има привилегија да ги чуе од д-р Захи Хавас лично приказните за древен Египет. Предавањето ќе се одржи во Madlenianum, а билетите за двата датума се речиси распродадени.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Плејбој зајачица тврди дека била дискриминирана во авион оти има големи гради

Сара Блејк Чик, поранешна Плејбој зајачица и модел на платформата „Онли фанс“, ја обвини авиокомпанијата „Американ Ерлајнс“ за дискриминација поради нејзиното тело и изборот на облека.
Инцидентот се случил минатата недела во Атланта, непосредно пред качување во авион, кога, како што тврди, стјуардеса ѝ се заканила дека мора да ја закопча кошулата или нема да ѝ биде дозволен влез во авионот.
Сара била облечена во црн топ под откопчана жолта кошула, а комбинацијата ја надополнила со фармерки, високи чорапи и патики. Своето незадоволство го изразила на социјалната мрежа „Икс“, каде што објавила и фотографија од комбинацијата.
This is the outfit @AmericanAir flight attendant said I needed to fix prior to boarding. 🙄 pic.twitter.com/iD6z50ckot
— Sara Blake Cheek (@saracheeky1) September 1, 2025
„Не знаев дека ‘Американ Ерлајнс’ има правила за облекување што велат дека не можете да носите спортска облека ако имате големи гради“, напиша таа.
Чик појаснила дека расправијата се случила по напорен ден исполнет со откажани летови и доцнења. Таа тврди дека стјуардесата пришла само кај неа, иако и други патнички носеле слична облека.
„Сега стјуардесата ми вели да ја закопчам кошулата, но не и на другите жени кои носат иста облека, само во друга боја од мојата“, истакна таа.
„Американ Ерлајнс“ се извини
Откако нејзината објава предизвика бурни реакции на социјалните мрежи, „Американ Ерлајнс“ упати извинување.
„Негуваме длабока култура на почит кон нашите клиенти и членови на тимот и жалиме за сè што е помалку од доследна и пријателска услуга. Ова искуство ќе го споделиме со раководството на екипажот интерно“, порачаа од компанијата.
Исто така, ја поканија манекенката да им достави свои контакт податоци за да може подетално да го истражат нејзиниот случај, што упатува на можен поврат на пари.
Проблематични правила за облекување
Ова не е првпат „Американ Ерлајнс“ да се соочи со обвинувања поради својот кодекс на облекување, кој критичарите го сметаат за нејасен и дискриминаторски.
Правилата наложуваат патниците да бидат соодветно облечени, но дефиницијата за соодветно останува отворена за интерпретација. Во 2022 година, поранешната Мис Универзум, Оливија Калпо била замолена да се покрие бидејќи носела спортски топ, иако подоцна забележала друга жена во речиси идентична облека на која никој не ѝ преговорил.
Слично искуство имале и комичарките Крис Мејр и Киану Томпсон една година подоцна, кога наводно биле присилени јавно да се пресоблекуваат пред лет.
Освен контроверзиите поврзани со облеката, нејасните интерни политики го довеле American Airlines и до федерална тужба. Во јануари 2024 година осум црни патници биле исфрлени од лет од Феникс за Њујорк откако стјуардеса наводно се пожалила на „телесен мирис“.
Забава
(Фото) Се омажи најбогатата принцеза во Европа: моќниот наследник станува дел од кралското семејство

Принцезата Марија Каролина од Лихтенштајн (28) се омажи за Леополд Мадуро Волмер (33), инвестициски банкар од Венецуела и член на едно од најбогатите семејства во Јужна Америка.
Гламурозната свадба бргу стана главна тема во медиумите, а како да не биде кога станува збор за најбогатата европска принцеза.
Марија Каролина е внука на владејачкиот монарх на Лихтенштајн, Ханс Адам II.
The wedding of Marie Caroline of Liechtenstein and Leopoldo Maduro Wollmer in Vaduz, yesterday. The happy couple leave the church watched by local people in national costume.
Photo, Press / Bestimage pic.twitter.com/hQgCsVTA3l— Coryne Hall (@CoryneHall) August 31, 2025
Целата организација потсетуваше на бајка, влезот во црквата беше покриен со син тепих, а сè друго беше украсено со хортензии. Меѓу гостите беше и самиот политички врв на Лихтенштајн.
View this post on Instagram
Принцезата пристигна на својата свадба во бел „ролс ројс“, а нејзината венчаница со вез и долг превез од тил ги воодушеви луѓето. На главата имаше 135-годишна тијара, која ја носеше и принцезата Шарлин.
Свадбата се одржа во Вадуц, кој стана центар на гламур и луксуз, а љубопитните жители едвај чекаа барем делумно да бидат сведоци на таква раскошна прослава.
Интересно е и тоа што Марија Каролина е ќерка на идниот владетел, но таа никогаш нема да може да го преземе тронот бидејќи Лихтенштајн има закон што им забранува на жените да го наследат.
фото: принтскрин
Забава
(Фото) Милош Биковиќ одмора со сопругата и синот на море

Ивана Малиќ, сопругата на Милош Биковиќ, објави фотографии од нивниот одмор на море на својот инстаграм-профил.
Ивана Малиќ покажа прекрасна сцена од плажата, каде што си игра во песокот со својот син Василие. Мајката и синот имаа капи на главите и уживаа во морските игри.
Потоа Ивана покажа како нејзиниот сопруг Милош Биковиќ со синот ги учат видовите птици од руските книги, а сцената исто така ги воодушеви фановите.
фото: принтскрин