Забава
Првпат во Белград гостува светската ѕвезда од доменот на археологијата – Захи Хавас

Отсекогаш ве привлекувале тајните на пирамидите и животите на фараоните?
Не пропуштајте ја можноста Кралот на пирамидите да ви ја раскаже мистериозната приказна за древниот Египет и фаталната Клеопатра.
Кога ќе помислите на древниот Египет, помислувате на него и неговите откритија. Тој е исто така познат како Кралот на пирамидите, човекот што ги открива тајните чувани од египетскиот песок со векови и ги презентира на најпривлечен начин. Благодарение на него, љубителите на археологијата, од експерти до аматери, уживаат во откритијата за кои човекот до неодамна можел само да сонува. Првпат во Белград гостува светската ѕвезда од доменот на археологија, познатиот д-р Захи Хавас!
Зошто д-р Захи Хавас е единствен во своето научноистражувачко поле?
Станува збор за ретко надарен археолог, поранешен генерален секретар на Врховниот совет за антиквитети во Каиро и прв министер за антиквитети, кој никогаш не престанува да изненадува. Со својот тим тој е на прагот на одлични откритија што тој лично ќе ги презентира на своите предавања на 7 и 8 декември, во белградската опера и театар Madlenianum.
Сите оние што го сакаат новооткриениот дух од минатото може да уживаат во приказни за:
Откривањето на мумијата на кралицата Хатшепсут
Мумиите на членовите на семејството на кралот Тутанкамон и мистериите за смртта на Рамзес III
Нови откритија за Големата пирамида и Сфингата
Нови гробници пронајдени во наоѓалиштето Saqqara
Откривање тајни врати во Големата пирамида
Нови откритија во долгогодишната потрага по гробот на кралицата Клеопатра и гробот на Марко Антониј
Како резултат на интересните предавања во целиот свет, многуте книги за разни профили на читатели и популарните ТВ-документарци за древната египетска цивилизација, д-р Захи стекна многубројни следбеници во светот.
„Верувам дека досега се откриени само 30 отсто од египетските споменици, а 70 отсто сè уште се закопани под песокот. Никогаш не знаеш кои тајни ги крие песокот“, е познатата изрека на чуварот на клучевите на тајните на древната египетска цивилизација, која сè уште нè изненадува со нови откритија. Според светски познатата актерска ѕвезда Омар Шариф, д-р Захи Хавас го претставува сето она што е прекрасно во минатото на Египет. За неговата широка визија и неверојатни откритија, како и за прекрасните приказни за фараоните што ги пронаоѓа втиснати меѓу блоковите на древните пирамиди, гледајте на следниов линк.
Само на 7 и 8 декември публиката во регионот ќе има привилегија да ги чуе од д-р Захи Хавас лично приказните за древен Египет. Предавањето ќе се одржи во Madlenianum, а билетите за двата датума се речиси распродадени.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Есента пристигна, време е да се зајакне имунитетот

Со доаѓањето на есента, деновите стануваат пократки, температурите се намалуваат, а времето сè почесто е променливо. Овие услови носат поголем ризик од настинки и вирусни инфекции, па затоа потребно е навремено да се зајакне имунитетот.
Лекарите потсетуваат дека здравиот имунолошки систем е клучен за справување со сезонските предизвици. Тие советуваат редовна и разновидна исхрана богата со свежо овошје и зеленчук, кои се извор на витамини и антиоксиданси. Особено се препорачуваат намирници богати со витамин Ц, како цитрусното овошје, кивито и пиперките.
Физичката активност, дури и во поладните денови, исто така е од големо значење. Брзото пешачење, лесното трчање или вежбањето дома можат да помогнат во одржување на енергијата и подобрување на општата состојба на организмот.
Стручњаците дополнително советуваат доволно сон и намалување на стресот, бидејќи тие се меѓу најчестите фактори кои го ослабуваат имунитетот.
Есента може да биде убава и пријатна, доколку се грижиме за нашето здравје и превентивно го зајакнеме организмот за студените денови кои следуваат.
-
Вклучете повеќе овошје и зеленчук – јаболка, круши, киви, цитрусно овошје, моркови и тиква. Овие намирници се богати со витамини Ц и А, кои го зајакнуваат организмот.
-
Консумирајте намирници богати со цинк – ореви, семки од тиква, интегрални житарки и мешунки, бидејќи цинкот игра важна улога во одбраната од инфекции.
-
Додајте пробиотска храна – јогурт, кефир и кисела зелка, кои ја поддржуваат здравата цревна флора и го јакнат имунитетот.
-
Не заборавајте на топли супи и чорби, особено оние со зеленчук и домашна пилешка супа, кои се вистинска „вакцина“ од природата во студените денови.
-
Вклучете мед и ѓумбир во секојдневната исхрана, познати по своите антибактериски и антиинфламаторни својства.
Топли чаеви за есенски денови
-
Чај од ѓумбир и лимон – ја подобрува циркулацијата и ја зајакнува одбранбената моќ на телото.
-
Чај од шипка – богат со витамин Ц, помага против замор и настинки.
-
Чај од камилица – го смирува телото, го намалува стресот и помага за подобар сон.
-
Чај од мајчина душица и нане – корисен за дишните патишта и во борба со кашлица.
-
Зелен чај – природен антиоксиданс, кој го зајакнува
Забава
(Фото) Сексапилната актерка повторно воодушеви во проѕирен фустан

Холивудската актерка Дакота Џонсон се појави на Филмскиот фестивал во Цирих и воодушеви со уште еден проѕирен фустан.
Секое појавување на оваа убавица привлекува внимание, а се чини дека наскоро ќе стане синоним за чипкани, проѕирни комбинации, со оглед на тоа што успеа да ги воодушеви сите со уште еден.
Таа прошета во Цирих во син фустан чиј горен дел е направен од чипка и е проѕирен, додека долниот дел е малку поширок, направен од тил и доста волуменозен.
Како и обично, фокусот беше на природната убавина, па Дакота ниту овој пат не претеруваше со вечерната шминка, а косата ја остави да паѓа во бранови.
На својот стајлинг додаде обетки и два импресивни прстени, а сите собрани ги разоружа со насмевка.
Во текот на вечерта, таа беше наградена и со наградата „Златно око“ за животно дело, па нејзината кариера е побогата за ова значајно признание.
фото: принтскрин
Забава
(Видео) Селена Гомез се мажи овој викенд: објави снимка на социјалните мрежи

Актерката, пејачка и претприемачка Селена Гомез наговести дека овој викенд се мажи за музичкиот продуцент Бени Бланко, пишува „Дејли меил“.
Имено, Селена Гомез објави видео од маса полна со производи за шминкање на официјалниот Инстаграм профил на нејзиниот бренд за убавина „Rare“.
Покрај производите за убавина, имаше и мобилен телефон, како и црни очила за сонце и сребрена чанта.
„Јас цел викенд“, кратко напиша пејачката.
Видео материјалот ја разбуди имагинацијата на многу нејзини обожаватели, а тие сега претпоставуваат дека Селена ќе го каже судбоносното „ДА“ во текот на викендот, бидејќи… Исто како и секоја невеста, таа ќе посвети доста време на разубавување и нанесување шминка за големиот ден.
Некои американски медиуми веќе објавија дека актерката ќе се мажи овој викенд.