Забава
За три хороскопски знаци остатокот од септември ќе биде многу тежок

За три хороскопски знаци остатокот од месецот ќе биде многу тежок.
Септември е месец на нови почетоци, но и на некои многу силни и тешки планетарни транзити. Затоа, „секој почеток е тежок“. Значењето на оваа изрека особено ќе го почувствуваат овие три хороскопски знаци. Првиот месец од есента 2024 година нема да им биде најдобар. Ги очекуваат погрешни избори, ќорсокак, промени и предизвици.
Остатокот од септември ќе биде тежок за овие хороскопски знаци:
Рак
Во вашите лични односи преовладува тензија и нестабилност, а во центарот е семејството. Овој месец се карактеризира со несигурност и неизвесност за иднината. За да се справите, дадете приоритет на вашите сопствени потреби, грижа за себе и благосостојба. Бидете мирни и запомнете дека секој човек има свои потреби, покажете разбирање.
Лав
Хороскопот за септември предвидува проблеми во вашиот личен живот, бидејќи работата се вклучува и влијае на вашите односи. Внимавајте на зборовите и дајте и го заслуженото внимание на вашата врска. Кога повторно ќе успеете да најдете рамнотежа во личниот и професионалниот живот, се ќе биде подобро.
Вага
Финансиите ве мачат овој месец. Непредвидените трошоци, намалените приходи и ќорсокакот со пари создаваат стрес. Планирајте ги вашите трошоци внимателно за да можете да врзете крај со крај и да не дозволите стресот да ве надвладее. Побарајте поддршка од луѓето кои ве сакаат и се грижат за вас за да ви ги олеснат работите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Николина Пишек покажа како ја уредила својата вила во Загреб вредна 1,7 милиони евра

Николина Пишек на Инстаграм покажа како изгледа внатрешноста на нејзината куќа во Загреб.
Дневната соба е уредена во неутрални тонови. Посебно се истакнуваат сивиот кауч украсен со шарени перници и големото растение во керамичка саксија.
Николина ја сними и златната масичка. Внимание привлече и кујната со минималистички дизајн и уметничките дела на ѕидовите.
Куќата има 420 метри квадратни и градина од 1460 метри квадратни, која е изградена во 2012 година. Има голема дневна соба, кујна, пристап до базен, 3 спални соби и простор за персонал.
Николина ја купила вилата во Загреб со нејзиниот покоен сопруг Видоје Ристовиќ. Таа почна да ја уредува минатата година.
Забава
Мелинда Гејтс: Разводот од Бил беше мојот одговор на предавствата во бракот

Мелинда Френч Гејтс, поранешна сопруга на милијардерот Бил Гејтс, отворено проговори за разводот во својата книга „The Next Day“. Вели дека се почнало да се одвива во тајност, една година пред да стигне официјалната потврда за разводот.
За ова, таа даде интервју и за магазинот „Пипл“, каде што рече дека веќе во 2019 година почнала да има кошмари „за убава куќа која се урива околу неа“. Таа пишува дека подоцна ги сфатила како потсвесни сигнали дека има проблеми во нејзиниот брак.
Во февруари следната година, парот беше на одмор во Ново Мексико. Последната ноќ од патувањето, Мелинда му рекла на Бил дека сака да живее одвоено и дека ќе живее со нивната најмлада ќерка Фиби. „Тоа беше еден од најстрашните разговори што некогаш сум ги имала“, истакнува Мелинда, додавајќи дека Бил имал разбирање и покрај се. Поради се почнала терапија која ја опишала како нејзин одговор „на предавствата во бракот и обидот да не се изневери самата себе“.
Да потсетиме, Бил еднаш го опиша разводот како една од најголемите грешки во неговиот живот. „Има повеќе, но ништо не е важно. Разводот беше болен за Мелинда и мене најмалку две години“, истакна тој. Мелинда потоа рече дека знаела дека „ќе биде добро сама“ откако ќе се разведе.
Бил Гејтс и Мелинда Френч Гејтс се венчаа во 1994 година, а заедно ги имаат ќерките Џенифер (28) и Фиби (22) и синот Рори (25). Тие ја потврдија веста за нивниот развод во мај 2021 година по 27 години брак. Тие наводно биле разделени една година пред потврдата.
Забава
(Фото) Џорџ Клуни изгледа непрепознатливо со новата боја на коса

Џорџ Клуни се појави со Џулија Робертс пред театарот Winter Garden на њујоршкиот Бродвеј, каде што се фотографираа со обожавателите и даваа автограми.
Клуни повторно го привлече вниманието со својот нов имиџ, а луѓето не можат а да не се изненадат колку поинаку изгледа со новата боја на коса. Шеесет и четиригодишниот актер ја обои препознатливата седа коса во кафена боја за шоу на Бродвеј.
Покрај новата боја на коса, Клуни го промени и стилот и сега го носи таканаречениот „имиџ на италијанската мафија“, со залижана коса и очила за сонце со сино-виолетови стакла.
Клуни глуми во претставата Good Night, and Good Luck, адаптација на истоимениот филм од 2005 година, за кој тој го напиша сценариото, го режираше и глумеше. Претставата имаше претпремиера на 12 март, а официјалната премиера е закажана за 3 април.