Забава
Земјата се загрева побрзо од било кога, ова не е забележано во последните 2000 години

Изминатата година била една од најжешките во историјата на мерењата, покажуваат последните истражувања кои ги објави американското метеоролошко друштво. Студијата, според нив, е уште еден доказ дека нашата планета се загрева побрзо од кога и да е во модерната историја.
Околу 500 научници од повеќе од 60 земји ширум светот ја проучуваа “Климатската ситуација во 2017 година”. Истражувањето покажува дека од 2014 година започнала серијата рекордни топли години. Во текстот се додава дека раст бележи и темратурата на водата во океаните.
2017 was among 3 warmest years on record for the globe, according to #StateOfClimate2017 report issued today by @ametsoc https://t.co/WnJRkSozVN @NOAANCEIclimate pic.twitter.com/Q3e9iDD88o
— NOAA (@NOAA) August 1, 2018
Просечната температура на глобалната морска површина минатата година беше во близина на рекордот од 2016 година. Рекордно ниско ниво на мраз било забележано и на Арктикот и Антарктикот.
„Таквиот ненормално топол воздух на Арктикот и површината на морето во таа област не е забележан во последните 2000 години“, се вели во студијата.
Во текот на изминатите 38 години, областите покриени со мраз низ целиот свет драстично се намалија, и овој тренд продолжува и денес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Жителите на Венеција загрижени за свадбата на Безос: „Нашиот град не е игралиште“

Сите очи ќе бидат насочени кон Венеција подоцна овој месец, каде што финансискиот могул Џеф Безос треба да се ожени со својата свршеница Лорен Санчез. Италијанскиот град очекува раскошна демонстрација на богатство од славната двојка.
Но, и покрај огромното богатство на двојката и нивните славни гости, откриено е дека ова ќе биде „срамежлива и изненадувачки скромна прослава“. Со помалку од 200 гости, дел од она што се очекуваше, и вкупни трошоци што се очекува да бидат помали од 12 милиони евра, јасно е дека невестата и младоженецот решиле да „подзапрат“.
За младоженецот, кој има нето вредност од 220 милијарди долари и годишни трошоци за одржување на јахти од 34 милиони долари, тоа ќе биде ситница. Неговата јахта „Кору“ од 500 милиони долари ќе биде закотвена кај Сан Базилио, најблиску што гигантскиот брод може да стигне до центарот на Венеција поради прописите што го штитат кревкиот екосистем на градот.
Извори во Венеција веруваат дека церемонијата ќе се одржи во Fondazione Cini, манастир на островот Сан Џорџо Маџоре. Клучно е што на 25 јуни – најверојатниот датум на свадбата – манастирот е затворен за јавноста бидејќи е среда, со што се обезбедува целосна приватност и безбедност.
Се очекува забава и во палатата на Дајан фон Фурстенберг, блиска пријателка на Безос. Според локални извори, сите 79 соби на легендарниот хотел „Чипријани“ се резервирани од 24 до 26 јуни. Цената на апартман во високата сезона достигнува 20 илјади евра по ноќ. „Чипријани“ го има и најголемиот базен во Венеција и градината Казанова, каде што познатиот заводник некогаш ги имал своите љубовни врски.
Парот наводно го резервирал и хотелот „Аман Канал Гранде“, палата со 24 соби каде што Џорџ и Амал Клуни се венчаа во 2014 година.
Изворите велат дека парот не испратил традиционални хартиени или електронски покани за да држи сè под радарот. Тие значително го скратиле списокот на гости. „Сè ќе биде многу слатко и дискретно“, изјавил еден гостин за „Дејли меил“. „Не е екстравагантна забава“.
Се координираат планови со канцеларијата на градоначалникот на Венеција за намалување на проблемите со сообраќајот и метежот, но некои локални жители загрижени за прекумерниот туризам планираат протести. „Овој град не е на продажба и не е игралиште за богатите“, рече активистот Руџеро Талон.
Забава
(Фото) Модна магија: ќерката на Мајкл Џексон маѓепса со фустан

Ќерката на познатиот музичар Мајкл Џексон, Парис, прошета по црвениот тепих на фестивалот Трибека со својот вереник Џастин Лонг.
Двојката привлече големо внимание главно поради нивните координирани модни изданија, иако таа често е предмет на внимание поради нејзиниот смел избор на облека.
За оваа пригода, Парис избра фустан со цветни мотиви кој совршено го истакнуваше нејзиниот уметнички дух, додека Џастин позираше во класично црно одело и беше сосема лежерен.
Нема многу детали за нивната врска, а не се знае ни точно кога тој ѝ предложил брак, но сите го забележале прстенот на нејзиниот прст претходно оваа година. Се претпоставува дека почнале да се забавуваат во 2022 година.
Забава
(Фото) Северина по одморот на Ибица отиде во Италија

Хрватската пејачка Северина отиде во Италија по патувањето на Ибица.
Таа ги посети Портофино, Сиена и Џенова, каде што ја посети куќата каде што живеел Кристофер Колумбо.
„Слатко е да не се прави ништо“, напиша 53-годишната пејачка.
Во објава на Инстаграм, таа откри дека нејзината внука Миа Поповиќ, со која била во Шпанија, патува со неа.