Забава
Зошто Хаваите не се под НАТО, а се дел од САД

Шведска е последната земја која стана 31-ва членка на НАТО претходно овој месец. Соединетите Американски Држави се исто така членка, но не со сите свои 50 сојузни држави. Имено, Хаваите не се дел од овој воен сојуз.
Доколку некоја друга земја ги нападне Хаваите, на пример, базата на американската морнарица во Перл Харбор или седиштето на американската Индо-пацифичка команда лоцирана северозападно од Хонолулу, НАТО нема да биде обврзан да ги брани Хаваите. За претседателот на истражувачкиот центар Пацифик Форум, Дејвид Санторо, ова е најчудното нешто.
Тој истакна дека повеќето Хавајци не знаат дека на нивната земја не и е загарантирана одбраната на НАТО. Според него, луѓето претпоставуваат дека Хаваи е дел од САД под НАТО.
Тој посочи дека тоа што Хаваи не е дел од Северна Америка се користи како аргумент дека не е под НАТО. Имено, исклучок е направен со Вашингтонскиот договор како документ со кој НАТО е формиран во 1949 година. Така, ова се случи десет години пред Хаваите да станат сојузна држава.
Додека членот 5 од Вашингтонскиот договор воспоставува колективна самоодбрана во случај на воен напад врз која било земја-членка, членот 6 го ограничува географскиот опсег на колективната самоодбрана. Членот 6 се однесува само на вооружен напад на територијата на Европа и Северна Америка.
Портпаролот на американското Министерство за надворешни работи (Стејт департмент) Метју Милер потврди дека членот 5 не се однесува на Хаваите, но потсети дека членот 4 предвидува членките на НАТО да се консултираат кога се работи за територијалниот интегритет, независност или безбедност на која било земја на НАТО. Во тој контекст, тоа важи и за Хаваите.
Милер смета дека членките веројатно нема да постигнат консензус за амандманот со кој член 5 од Вашингтонскиот договор би се применил на Хаваите. Како причина зошто мисли така, посочи дека и другите членки на НАТО имаат територии кои не се опфатени со член 5 од Договорот.
Сепак како аргумент во корист на разгледувањето на тој однос е дека американските воени бази на Хаваи би можеле да бидат клучни во делувањето против Северна Кореја и во потенцијалната одбрана на Тајван. Понатаму, Хаваи има историско значење за САД поради нападот на Перл Харбор во 1941 година, пишува „Си-ен-ен“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Астрологијата открива: три знаци што најмногу сакаат луксузен живот

Раскошот и удобноста не им значат еднакво на сите луѓе. Додека некои се задоволуваат со едноставен стил на живот, постојат личности кои чувствуваат посебна привлечност кон луксузот и убавината околу себе. Според астрологијата, три знаци особено се истакнуваат по желбата да живеат во стил, да вложуваат во квалитет и да се опкружат со нешта што будат престиж и задоволство.
Бик
Биковите се познати по тоа што знаат да уживаат во убавите нешта. За нив е важно просторот да биде уреден и топол, а секојдневието исполнето со вкусна храна, убави материјали и детали што носат комфор. Не се работи само за материјална страна – за Бикот луксузот е начин да создаде мир, сигурност и атмосфера во која се чувствува ценето и сакано.
Лав
Кај Лавот, луксузот е сцена за блесок. Тие сакаат да бидат забележани и да го истакнат својот стил – преку мода, јавни настапи или посебни настани. Лавовите често избираат гламурозни искуства како патувања и свечени прослави. За нив, раскошот не е само убав изглед, туку и симбол на личниот престиж и самодоверба.
Вага
Вагите имаат изострено чувство за естетика и хармонија. Нив ги привлекуваат рафинирани предмети, уметност и елегантна облека. За нив, луксузот е начин да внесат рамнотежа и убавина во животот. Тие не сакаат компромиси кога станува збор за квалитет, бидејќи веруваат дека токму убавината и стилот се тие што им носат вистинска радост и мир.
Забава
(Фото) „Армани“ ја претстави последната колекција на покојниот дизајнер

Италијанската модна куќа „Џорџо Армани“ во неделата ја претстави последната колекција, на која лично работел покојниот дизајнер и основач, во уметничкиот музеј „Брера“ во срцето на Милано.
Армани, познат во светот на модата како кралот Џорџо, почина претходно овој месец на 91-годишна возраст. Ревијата, дизајнирана да ја прослави 50-годишнината од модната куќа, се претвори во почит кон покојниот дизајнер.
Настанот привлече мноштво познати личности вклучувајќи ги актерите Ричард Гир и Кејт Бланшет.
Моделите прошетаа во флуидни, лесни облеки, придружени со жива пијано-музика изведена од италијанскиот композитор Лудовико Еинауди, објави „Ројтерс“.
Колекцијата, со палета на бои што се движеше од сива до темносина и темнозелена, беше со наслов Pantelleria, Milano, осврнувајќи се на две драги места на дизајнерот, соопшти агенцијата.
фото: принтскрин
Забава
(Видео) Џенифер Лопез за разводот од поранешниот сопруг: „Најдобрата работа што ми се случила“

Џенифер Лопез во неодамнешно интервју за CBS Sunday Morning изјави дека нејзиниот развод од Бен Афлек е „најдобрата работа“ што некогаш ѝ се случила. Таа објасни дека научила важни животни лекции низ тешкиот период.
„Сфатив дека радоста е во живеењето и во вистинското прифаќање на животот и сè што ти носи. Поради лекциите што ги носи, а потоа и поради сите триумфи што ги носи. Тешките времиња се лекции и тоа мора да го разбереш“, рече пејачката и актерка.
Лопез откри дека снимањето на „Бакнежот на жената-пајак“ ѝ послужило како еден вид бегство за време на тој турбулентен личен период. „Секој момент на снимањето и секој момент кога ја играв оваа улога, бев толку среќна. А потоа дома, не беше баш најдобро“, призна таа.
И покрај сè, таа останува исклучително благодарна на Афлек и неговата продуцентска куќа „Artists Equity“, која го финансираше филмот. „Филмот немаше да биде снимен да не беа тој и „Artists Equity“, нагласи таа.
„Му кажав дека ова е улогата за која сум родена и дека сакам да ја играм, а тој рече: ‘Добро’, и помогна да се случи тоа.“ Лопез заклучи дека секогаш ќе му оддава признание на Афлек за таа поддршка.
Двојката повторно се обидува да го продаде својот заеднички дом, овој пат по многу пониска цена од претходно. Нивната вила во Беверли Хилс повторно е ставена на продажба, но сега за 52 милиони долари, објави ТМЗ.