Вчеравечер, на YouTube каналот на Сара Мејс, премиерно беше објавен видеоспотот за најновотомузичко остварување „Ептен Љубовна“ во изведба на Игор Џамбазов и Сара Мејс. Оваа песна е плод на музичката креативност на големиот уметник и шоумен Игор Џамбазов, кој ги креираше музиката и текстот, а ја изведува заедно со Сара Мејс и вокалниот состав „The Girlz“, составен од Калина Велковска, Ана Петановска и Теа Богатинова.

Аранжманот на песната е дело на Гуру Харе, кој додаде свои уникатни музички елементи, додека вокалниот аранжман за девојките е подготвен од Теа Богатинова, која внесе хармонија и изразност во нивните гласови. Спотот, снимен на неколку автентични локации низ Скопје, е режиран од Борјан Стојков, кој успева да ја пренесе суштината на песната во едно слатко сценарио. Оваа уникатна музичка колаборација донесува специфичен пристап во љубовните теми и на симпатичен начин ја прикажува љубовта од поинаква перспектива.

Со „Ептен Љубовна,“ Игор Џамбазов заедно со Сара Мејс & The Girlzz внесуваат нова енергија и креативност на македонската музичка сцена, демонстрирајќи дека музиката не претставува само израз на длабоки емоции, туку и извор на насмевки и забава и за отсликување на несекојдневните животни ситуации. Со својот свеж пристап, тие умешно ја комбинираат лириката и хуморот, што резултура со уникатна музичка композиција за уживање.

„Песната ја пишував во етапи. Пишувана е за неколку жени. Една вистинска, една лажна и неколку замислени. Затоа и се вика ептен љубовна… многу љубов има вложено во неа. Уживајте!“, напиша Игор Џамбазов на својот Instagram профил по објавата на новата композиција.

„Ептен Љубовна“ е оригинално музичко парче кое ветува дека ќе допре до срцата на слушателите. Погледнете го видео-спотот на YouTube каналот на Сара Мејс и уживајте во оваа единствена комбинација на хумор, талент и инспирација.

На 14 декември, арената „Борис Трајковски“ ќе се претвори во најгламурозното ледено кралство кое некогаш сте го виделе! Ќе имате можност да влезете во магичниот свет на мразот, каде што ќе ве пречекаат легендарните јунаци, многу изненадувања и моменти кои никогаш нема да ги заборавите. Спектакл на мраз – за првпат кај нас ќе го донесе светскиот дух на мразното шоу, а арената ќе блесне со повеќе од 300 квадратни метри вистински мраз, кој ќе се подготвува цели 4 дена, за сè да изгледа совршено – создавајќи најголем леден под на кој некогаш сте чекореле.

Замислете го целосно замрзнатиот партер, светлата што треперат низ магичната атмосфера и вашите омилени херои кои со стил и грациозни движења лизгаат на мразот. Со вас ќе бидат Петар Пан, Елса, Супермен, Аладин, Том и Џери, Спајдрмен, Мики Маус, како и Круела. А за да биде сè како во бајка, специјален гостин ќе биде никој друг туку Дедо Мраз, подготвен да донесе празнична магија за сите нас.

Нивните улоги ќе ги играат светски познати првенци во уметничко лизгање, кои низ годините го освојувале светот со нивните прецизни движења, елеганција и совршени кореографии. Ќе гледате акробации кои го одземаат здивот и лизгачки перформанси полни со емоции.

Секој миг ќе биде волшебен, секој лик ќе раскаже своја приказна, целото шоу ќе ве однесе на патување низ фантазијата, а „Борис Трајковски“ ќе стане место каде соништата навистина оживуваат, каде магијата на мразот и светлината ја раскажуваат приказната за љубов, пријателство и храброст. Само еден ден,само едно шоу – во сабота, 14 декември, со сите омилени херои на едно место, во два термини! Првата претстава ќе биде со почеток од 12 часот, а втората со почеток од 17 часот.

Кралицата Камила, сопруга на британскиот крал Чарлс Трети, морала да ги откаже планираните активности и ангажмани за оваа недела поради респираторна инфекција, објави Бакингемската палата.

77-годишната Камила закрепнува во својот дом, но не се откриени детали за нејзината болест, како што е вообичаено кога станува збор за болеста на членовите на кралското семејство.

„Нејзиното височество во моментот не се чувствува добро поради респираторна инфекција за која лекарите советуваа краток период на одмор и мирување“, изјави портпаролот на палатата.

„Со големо жалење Нејзиното Височество мораше да се повлече од ангажманот оваа недела, но таа искрено се надева дека ќе закрепне навреме за да присуствува на прославата на Денот на сеќавањето овој викенд“, додаде портпаролот.