Јаното претпријатие „Лајка“ во потрага по нов начин да ги удоми кучињата од прифатилиштето промовира настан што ќе се одржи на 16 ноември, од 11 до 14 часот, во нивните простории.

„Посетете нè, запознајте ги нашите преслатки кучиња и изберете го вашето куче што сакате да го промовирате. Фотографирајте се со кучето и објавете ја фотографијата на вашата ‘приказна’ означувајќи ја @jplajka и уживајте во коктелите направени од нашите поддржувачи Tito’s Handmade Vodka. Доколку избраното куче што го промовирате успее со ваша помош да најде дом, ќе освоите специјална награда за вашето домашно милениче од нашите спонзори!“, велат од „Лајка“.

Повикот е отворен за пријави од денес до 14 ноември на линкот.

#InfluencerForADogFromLajka #jplajka

Рејчел Сакердоти (44) од Лондон постигна фантастичен резултат бидејќи за само половина година успеа да ослаби 30 килограми! Оваа мајка на три деца тежела 90 килограми по третото породување и раѓањето на нејзината најмлада ќерка, што била последната капка и ја ставила Рејчел во незавидна положба.

Тогаш решила дека мора да се движи и почнала да го менува својот животен стил. Нејзините стапала биле поголеми од вообичаеното и отечени кога одела.

Видела дека се губи себеси и признала дека не се препознава.

– Навистина се трудев да водам здрав живот, но никогаш го немав потребното знаење за тоа што се балансирани оброци, а не готвев многу за себе, рекла Рејчел, која вели дека имала многу лоши навики во исхраната.

Рејчел живеела на шеќер и јаглехидрати, а ниту еден од тие оброци не содржел протеини. Во исто време, таа постојано грицкала бел леб, џем и пржена храна, пишува „Дејли мејл“. Кога решила неколку пати да го промени начинот на исхрана, сакала резултати веднаш и сега, а дури на 40 години сфатила дека и претстои долг пат.

Таа откри дека вовела по 20 минути вежбање секој ден дома, па така развила фитнес рутина и успеала да ослабне килограм неделно. Покрај тоа, таа го променила начинот на исхрана и почнала да оди секој ден. Со оваа рутина таа за шест месеци успеа да ослабе 30 килограми.

Тоа и ја врати самодовербата и за прв пат почувствува дека знае што прави. Покрај тоа, ова позитивно се одрази и на нејзиното семејство, кое сега поинаку гледа на здравјето.

– Сега нашата исхрана е повеќе фокусирана на протеини и не се потпираме на преработена или замрзната храна. Јадеме претежно локална храна. Сакам моите деца да знаат за урамнотежена исхрана. Дозволено им е да јадат се, но умерено – изјавила Рејчел.

Седумнаесетгодишната Јана Мрческа од Прилеп дебитираше на овогодишното издание на Макфест со својата прва песна. Како најмлад учесник оваа година, Јана се претстави со песната „Убава и Храбар“.

„Музиката од секогаш живее во моето срце. Таа е нешто што ме исполнува и што ме прави среќна. Кога музицирам, имам настап или пеам се чувствувам како вистинската јас. Таа е мое мало место каде што се чувствувам слободна“, рече Јана и додаде дека „Макфест“ за неа е едно од поголемите искуства исполнето со многу енергија и забава.

„Убава и Храбар е песна која има големо значење за мене. Најпрвин затоа што е моја прва официјална песна, а потоа затоа што јас доста се пронајдувам во неа од текстот, па се до музиката“, вели Јана.

Музиката и аранжманот за првата песна на Јана се на Иле Спасев, додека пак текстот е напишан од Борче Нечовски.

Јана Мрческа за песната изработи и официјален видео спот кој е снимен во Скопје од страна на Јордан Ѓорески.