Забава
Интернет-легендата Grumpy Cat почина

Намуртеното маче (Grumpy Cat) кое стана интернет-сензација поради своето „налутено“ лице почина на седум години поради здравствени компликации.
Мачето од Аризона беше исклучително популарно и ги смееше луѓето, велат сопствениците.
Мачето стана легенда откако во 2012 година на социјалните медиуми се појавија фотографии од неговата „кисела“ фаца и тоа набрзо премина во „меме“.
Според сопственичката Табита Бундесен, ликот на мачето се должел на неговиот џуџест раст.
Grumpy Cat се појави на многу ТВ-емисии, а во 2014 дури и играше во филм.
Во 2015 година музејот „Мадам Тисо“ постави восочна фигура од мачката, а нејзиниот инстаграм-профил го следат преку 2 милиони корисници.
Во 2018 година нејзините сопственици добија спор за авторско право по што им беа исплатени 710.000 долари.
Grumpy Cat Limited ја тужеше компанијата за кафе Grenade поради надминатиот лимит за користење на фотографии од мачката.
Компанијата за кафе добила права да користи фотографија од мачката за само еден пијалак, Grumppuccino, но спротивно на договорот продавала и други производи.
Сопственичката Бундесен претходно работела како келнерка, но откако нејзината мачка станала позната, таа дала отказ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Најрано роденото бебе што преживеало: Малечкиот Нејш светски рекордер

Малиот Нејш Кин од Ајова стана најрано роденото бебе на светот кое преживеало. Тој е роден на 5 јули 2024 година, со тежина од само 283 грама, дури 133 дена пред предвидениот термин.
Со тоа, Нејш Кин од Ајова официјално е впишан во Гинисовата книга на рекорди како најрано роденото бебе кое преживеало.
Нејш, кого родителите нежно го нарекувале „Нејш компирче“, ги поминал првите шест месеци од животот на одделението за интензивна нега на новороденчиња во Детската болница на семејството Стед.
„Нејш има силен карактер. Со оглед на тоа што толку долго беше на интензивна нега, би помислиле дека е кревок, но не е. Секогаш се смее и сѐ го интересира“, изјавила неговата мајка Моли за Асошиетед прес.
Сѐ започнало кога Моли, на преглед во 20-та недела од бременоста, дознала дека ѝ е отворен грлото на матката за два сантиметри. Само неколку дена подоцна започнал пораѓајот, а Нејш се родил по само 147 дена бременост – еден ден порано од претходниот светски рекорд.
Родителите истакнале колку им билa важнa довербата во медицинскиот тим.
„Целиот тим беше исклучително смирен. Не покажуваа знаци на вознемиреност, па и ние не паничевме“, додала Моли.
Нејш секојдневно станува сѐ посилен.
Докторката што го породила Нејш, д-р Малинда Шефер, објаснила дека претходно разговарала со родителите за сите можни ризици и компликации.
„Важно ми е родителите да ги имаат сите информации што им се потребни за да одлучат што е најдобро за нивното семејство“, рекла д-р Шефер.
Иако на Нејш сѐ уште му се потребни кислород и храна преку сонда, тој секојдневно напредува. Неговите родители велат дека веќе вежба да стои и има многу сила во нозете.
Рaѓањето на Нејш има посебно значење за семејството, бидејќи претходно доживеале спонтан абортус. Денес со радост го слават неговиот напредок и се благодарни за чудото што го доживеале.
Забава
Можен пресврт: Принц Хари и кралското семејство чекор поблиску до помирување

Со години наназад, односот помеѓу принцот Хари и остатокот од неговото семејство е напнат, но нови информации укажуваат дека ситуацијата, барем делумно, би можела да се промени.
Имено, по венчавањето со Меган Маркл и преселбата во САД, односите се заладија, а се чини дека дополнително се влошија откако Хари пред неколку години ги објави своите мемоари со наслов „Резерва“.
Односите не се подобрија ни откако кралот Чарлс минатата година објави дека му е дијагностициран рак. Јавноста очекуваше семејството тогаш да ги „закопа секирите“, да се помири и да ги надмине недоразбирањата. Сепак, Хари тогаш го посети татка си многу кратко, престојуваше во хотел и брзо се врати во САД.
Во последно време се зборува за можност за помирување.
Според медиумите, нема веднаш да се разговара за тешките теми, но договорени се неколку конкретни чекори.
„Дејли мејл“ наведува дека првиот чекор е споделување на распоредот на обврски на семејството на Сасексови со остатокот од кралското семејство. Тоа, наводно, треба да ги „намали тензиите“ меѓу нив. И принцот Хари на тоа се согласил, објавија британските медиуми, додавајќи дека ќе го сподели својот распоред за да не се преклопува со обврските на неговото семејство.
Ова се случи откако Хари го засени роденденот на кралицата Камила. Имено, тој се појави на насловните страници на британските медиуми откако замина во Ангола, каде што – како и неговата покојна мајка Дајана пред 28 години – шеташе низ минско поле. Фотографијата беше објавена на насловните страници и на тој начин 78. роденден на кралицата Камила дојде во втор план.
Најавено е дека Хари ќе го сподели својот распоред и со својот брат, принцот Вилијам, а можно е – кога веќе ќе имаат увид во бројните обврски – да се најде време и за евентуална средба.
Пред две недели „Дејли мејл“ објави дека се сретнале претставници на семејството на Сасексови и Бакингемската палата во Лондон, и тоа директорите на одделенијата за комуникација со јавноста – Тобин Андре и Мередит Мејнс. Извор за „Дејли мејл“ овие денови изјавил дека Хари се согласил да испрати „рамка“ од неговите обврски до Бакингемската и Кенсингтонската палата.
„Хари сѐ уште не е одушевен од идејата да биде ‘контролиран’ од кралската машинерија, и тоа нема да се смени. Но, ако кралското семејство го има неговиот распоред, ќе можат да ги планираат своите обврски во согласност со тоа. Тоа е значаен гест“, изјавил изворот.
Забава
Ен Хатавеј ги извади очилата стари 20 години и раскажа анегдота од снимањето на „Ѓаволот носи Прада“

Започна снимањето на продолжението на филмот Ѓавол носи Прада, со Ен Хатавеј и Мерил Стрип во главните улоги. По тој повод, Хатавеј на ТикТок сподели анегдота и покажа што носела со себе на снимањето за среќа.
„Првиот ден од снимањето на Ѓавол носи Прада 2 донесов наочари кои ги носеше нашиот режисер Дејвид Франкел за време на снимањето на првиот дел. Пред 20 години сите ние на сетот се заљубивме во нив“, ја почна приказната, а потоа ги извади наочарите од футролата.
„Сега повторно сме заедно, по 20 години, и сите ги имаме уште. Јас ги донесов своите за среќа на почетокот од снимањето. Не верувам дека ми е диоптријата иста, мислам дека сега не ми одговараат“, рече додека ги пробуваше очилата.
„О, боже. Ох, вау“, со тоа само малку ја опиша својата шокираност од диоптријата што ја имала пред 20 години. „Пријателка еднаш ги стави моите наочари и беше шокирана. ‘Како да испив цело шише џин’, рече. Сега ми е јасно што мислеше… Дали навистина толку лошо гледав?“, се насмевна актерката.
Покрај Ен Хатавеј и Мерил Стрип, своите улоги ќе ги повтори и Емили Блант и Стенли Тучи. Иако деталите од приказната уште не се официјално потврдени, се очекува приказната да се фокусира на Миранда Пристли и нејзиниот професионален предизвик во време кога печатените медиуми сè повеќе ја губат моќта.
Овојпат таа се соочува со својата поранешна асистентка, ликот на Емили Блант, која сега е високо поставена директорка на луксузна модна групација, со буџет за рекламирање што Миранда итно ѝ треба.
Сè уште не е познато каква улога ќе има Енди Сакс, која ја толкува Ен Хатавеј. Да потсетиме, на крајот на оригиналниот филм, Енди даде отказ во Ранвеј и прифати друга работа.
Режијата и сценариото повторно ќе ги потпишуваат Дејвид Франкел и Алин Брош Мкена, авторите на оригиналниот хит од 2006 година, што уште повеќе ги зголемува очекувањата кај обожавателите. Филмот е базиран на романот на Лорен Вајсбергер од 2004 година, делумно инспириран од нејзиното вистинско искуство како асистентка на Енди Винтур, главната уредничка на Вог.
Ѓавол носи Прада 2 ќе има премиера во кината на 1 мај 2026 година.