Забава
Како почна љубовната приказна на Александра Пријовиќ и Филип Живоиновиќ

Александра Пријовиќ вчера ја даде првата изјава откога српските медиуми објавија дека е бремена. „Вистина е, бремена сум. Ви благодарам за честитките“, кратко изјавила таа. Ова ќе биде второ дете за неа и нејзиниот сопруг Филип Живоиновиќ, посинокот на Лепа Брена. Тие веќе го имаат синот Александар.
Александра често истакнува дека Филип ѝ е најголемата поддршка во животот. „Нашата врска е фантастична. Ја имам поддршката на Филип уште од првиот ден и поради тоа сум најсреќната жена. Запознав прекрасен, искрен човек кому навистина не можам да му најдам ниедна мана. Отсекогаш сум велела и ќе повторам дека неговиот придонес за мојот успех е огромен“, изјави неодамна Александра за српските медиуми.
View this post on Instagram
Нивната љубовна приказна почна спонтано, по повеќегодишни средби на разни настани, често во куќата на Лепа Брена и Бобо Живоиновиќ, каде што настапуваше Александра. Сепак, овие средби беа минливи додека официјално не се сретнаа. Нивниот прв бакнеж бил во нејзиниот стан на Вождовац.
Двојката се венча на 21 јуни 2018 година во Белград на раскошна церемонија со многу познати гости од светот на музиката, спортот и јавниот живот. По црковната церемонија, прославата продолжи во луксузен хотел. Александра блесна во елегантна венчаница, а Филип избра класичен црн костум. Свадбата ја чувале 60 телохранители, а на послужување биле на располагање 160 келнери. Свадбената торта имаше 10 ката, а српски „Курир“ напиша дека целата прослава ги чинела 400.000 евра.
View this post on Instagram
Една година по свадбата, Александра го роди синот Александар. Пејачката во едно интервју изрази желба еден ден да има девојче.
Филип Живоиновиќ е син на Бобо Живоиновиќ и со години беше најпосакуваниот ерген во Србија. 38-годишникот се школувал во Велика Британија и САД и ја градел својата кариера во целиот свет. Но, во последните неколку години тој е посветен на кариерата на својата сопруга Александра Пријовиќ и е еден од луѓето заслужни за нејзиниот успех.
View this post on Instagram
Филип Живоиновиќ е автор на некои од најголемите хитови на Александра Пријовиќ. Сопственик е на „Помфрит медија“ од Белград, која ги продуцира спотовите на Александра. Директно и индиректно е вклучен во организацијата на настапите на Александра и во продукцијата на песните.
View this post on Instagram
Александра не крие дека Филип многу
ѝ
помогнал во кариерата и дека тоа го смета за нивен заеднички проект.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Иако често ја гледаме во бајковити креации, во Венеција реши да ја разбуди имагинацијата на многумина

Филмскиот фестивал во Венеција започна, а ние веќе имавме можност да коментираме модните изданија на црвениот тепих на познатите ѕвезди.
На почетокот воодушеви „ледената кралица“ Кејт Бланшет, а сега е редот на секси унгарската манекенка Барбара Палвин.
Иако често ја гледаме во бајковити креации во земјени тонови, се чини дека сега решила да ја разбуди имагинацијата на многумина.
На премиерата на филмот „La Grazia“ таа се појави во креација од брендот „Intimissimi“ украсена со корсет од чипка и деколте во форма на срце, како и лелеав долен дел кој ги истакнуваше нејзините долги нозе.
Барбара го надополни својот стил со темна шминка, а косата ја стилизираше на наједноставен начин – се одлучи за меки бранови.
Забава
(Фото) Толку едноставна, а толку убава – Луј Витон знаеше за кого да шие фустан за посебната филмска вечер

Модната ревија на познатите личности е во тек, а судејќи според фотографиите, нема сомнение дека фестивалот во Венеција ќе биде бојно поле на модни изданија.
Актерката Ема Стоун и нејзината тоалета по нарачка од Луј Витон веднаш го привлекоа нашето внимание на црвениот тепих.
Убавицата носеше тесна бела тоалета со интересни детали.
Долниот дел од фустанот има надуен детаљ што го нагласува струкот, а сребрените линии се протегаат по целата должина.
Неповторливата Ема го надополни својот стил со едвај забележлива шминка што ги истакнуваше нејзините природни црти на лицето, како и малку свиткани прамени на косата.
фото: принтскрин
Забава
(Фото) Инфлуенсерка ги прекрши правилата во Венеција и храбро ги покажа градите

Уште една млада ѕвезда одлучи да привлече внимание на Венецискиот филмски фестивал – и се чини дека успеа.
Се чини дека некои веќе ги поставија модните стандарди на фестивалот во Венеција за деновите што доаѓаат, а имаше и такви што ја шокираа јавноста со своите оскудни дезени.
Еден таков пример беше инфлуенсерката и модел Симона Јакштаите, која доаѓа од Литванија. За премиерата на филмот „La Grazia“, таа храбро одлучи да го остави градникот дома и да ги открие своите гради.
Фотографиите се проширија по мрежите, а необичната комбинација привлече погледи и воздишки. Таа носеше мрежест фустан со црн сатенски долен дел и пердуви на рабовите.
Својот стајлинг го надополни со земјена шминка, едвај видливи додатоци и ниска пунџа.