Забава
Како Џанго и Марија од Нови Пазар станаа херои на стриповите на Марвел

Најпознатите Марвелови стрипови се Фантастик фор, Спајдермен, Хулк, Ајронмен, Тор, Капетан Америка и Иксмен. Повеќето од овие ликови живеат во универзумот на Марвел. Од шеесеттите години на 20 век, Марвел стана една од двете најголеми американски компании на стрипови, а другата е на ДЦ Комикс.
На обичните луѓе од овие простори може да им биде интересно што братот и сестрата Петро Максимоф, попознати како Квиксилвер и Ванда Максимоф, која повеќе ја знаат како Скарлет Вич, се посвоените деца на новопазарската брачна двојка Џанго и Марија Максимоф. Џанго и Марија се херои на Марвеловите стрипови од седумдесеттите години во кои се појавуваат во неколку епизоди.
Џанго живеел во Нови Пазар, во близина на границата со Трансија (измислена балканска земја), заедно со неговата сопруга Марија. Откако во несреќен случај ги изубиле своите две деца Ана и Матео, од нив е побарано да ги посвојат доенчињата Петро и Ванда.
Тие ги прифатија и одлучија да ги подигнат овие близнаци како свои деца во ромска населба во близина на Нови Пазар. Случајно или не, навистина постои постојана ромска населба на само неколку километри од Нови Пазар.
Џанго Максимоф првпат се појави во стрипот Марвел во 1977 година, а последен пат во 1979 година, кога умира, обидувајќи се да ја спаси својата посвоена ќерка Ванда.
Интересно е што и Сараево се појавува на мапата на стриповите на Марвел. Во дури неколку епизоди објавени во деведесеттите години од минатиот век беше прикажано военото Сараево како место на дејствување на овие суперхерои на Марвел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Откриена причината за смртта на Халк Хоган

Page Six ексклузивно ја откри официјалната причина за смртта на Халк Хоган.
Легендарниот професионален борач починал од акутен миокарден инфаркт, познат и како срцев удар. Документите, исто така, открија дека Хоган тајно се борел со леукемија, состојба која досега не била јавно позната.
Според Канцеларијата на медицинскиот испитувач на округот Пинелас, срцевиот удар бил предизвикан од ненадејно блокирање на протокот на крв во срцевиот мускул, што предизвикало оштетување на ткивото. Во документот, објавен од Page Six, исто така се наведува дека Хоган имал историја на атријална фибрилација (AFib), состојба која се карактеризира со неправилно и брзо отчукување на срцето.
Најголемото изненадување во извештајот на медицинскиот испитувач беше информацијата дека поранешната суперѕвезда на WWE, роден како Тери Болеа, страдал од хронична лимфоцитна леукемија (CLL) – вид на рак кој ги зафаќа белите крвни зрнца. Неговата смрт беше прогласена за природна смрт.
Халк Хоган доживеа срцев удар во својот дом во Клирвотер, Флорида, на 24 јули. Тој беше итно префрлен во болницата Мортон Плант, каде што беше прогласен за мртов. Почина на 72-годишна возраст.
Забава
Мухамед е најпопуларното име за момчиња во Англија, втора година по ред

Објавени се најпопуларните имиња за бебиња родени во Англија и Велс во 2024 година, при што Мухамед е најпопуларното машко име втора година по ред, додека Ноа и Оливер го зазедоа второто и третото место, исто како и во 2023 година.
Според Би-Би-Си, Оливија и Амелија ги зазедоа првите две места за девојчиња трета година по ред, додека Исла падна од третото место и беше заменета со Лили.
Листата ја објави Канцеларијата за национална статистика (ONS), која ја составува листата врз основа на податоци од матичните книги на родени.
Новите имиња што влегоа во првите 100 за девојчиња се Елоиз, Нора, Мила, Роза, Атена, Сара и Зои. Новите имиња за момчиња се Остин, Натан, Вини и Јахја.
Мухамед го задржа првото место како најпопуларно машко име, со 5.721 бебиња што го добија ова име. Ова име е најпопуларно во пет од деветте региони на Англија.
Други варијации на името, исто така, се најдоа на листата: Мохамед се најде на 21-во место со 1.760 момчиња, а Мохамад на 53-то место со 986.
Забава
Ќерката на Мајкл Џексон откри дека ја раскинала свршувачката со познатиот актер: „Ова се солзи на раскин“

Парис Џексон, 27-годишната ќерка на легендарниот крал на поп-музиката, Мајкл Џексон, и американскиот актер Џастин Лонг ја раскинале свршувачката по три години врска.
Веста ја сподели самата Парис на социјалната мрежа „Икс“, каде што напиша: „Ова се солзи на раскин. Повторно сите се провлекувате“.
Инаку, пејачката во декември преку „Инстаграм“ ја објави свршувачката со Лонг, но објавата подоцна беше избришана. Во јуни, во интервју за „Аксес Холивуд“, изјави дека подготовките за свадбата се во полн ек.
„Фустанот е во изработка, местото е избрано, а датумот го одреди астролог – затоа што сум од Лос Анџелес“, рече таа.
Да потсетиме, Парис пред неколку дена беше снимена како расплакана шета сама на улиците на Малибу.
Исто така, минатиот месец беше критикувана бидејќи настапила на концерт закажан токму на денот на годишнината од смртта на татко ѝ. Во обраќање на социјалните мрежи објасни дека таа нема влијание врз распоредот на турнејата бидејќи не е главна изведувачка.
„Тоа што настапувам на тој ден не значи дека сум заборавила. Никој не треба да ми кажува како да тагувам“, порача таа тогаш.