Забава
Канје Вест се предомисли: „Сфатив дека не сум нацист“
Канје Вест (47) сега тврди дека „не е нацист“, и покрај тоа што на почетокот на овој месец предизвика бес во јавноста тврдејќи го токму спротивното.
На почетокот на февруари, раперот го изрази своето воодушевување од Адолф Хитлер на платформата X (поранешен Твитер) и отворено напиша: „Jас сум нацист“.
Покрај тоа, тој почнал да продава маици со свастика на својата онлајн продавница, а подоцна тврдел дека заработил дури 40 милиони долари.
Сепак, Канје оттогаш ги избриша контроверзните објави и сега се чини дека се враќа на своите претходни изјави. Во објавата на X во средата, тој напиша: „По дополнително размислување, сфаќам дека не сум нацист“.
Сепак, многумина не се убедени дека Канје навистина се предомислил. Еден корисник на X напиша: „Канје Вест може не е нацист, но тој е очигледно очаен за внимание. Зошто едноставно не го игнорирате овој кретен како што тој заслужува“.
Профилот на Канје на X претходно беше деактивиран поради неговите антисемитски објави, но подоцна повторно се појави, со предупредување за „чувствителна содржина“ за корисниците кои се обидуваат да пристапат на страницата без најавен профил.
Предупредувањето гласи: „Внимание: овој профил може да содржи потенцијално чувствителна содржина. Го гледате ова предупредување затоа што корисникот објавува потенцијално чувствителни слики или говор. Дали сакате да продолжите да гледате?“ Повеќето од контроверзните објави на Канје беа избришани по неговото враќање на платформата, но не е јасно дали раперот самиот ги избришал.
Многумина се револтирани што му беше дозволено да се врати на платформата.
„Не бев ни онлајн, а потоа дознав дека Канје се вратил на Твитер… Денот не можеше да биде полош“, напишал еден корисник. Друг праша: „Дали Канје се врати??
За време на својот расистички испад, Канје ја спомна и сопругата Бјанка Ценсори, тврдејќи дека има контрола над неа. Покрај тоа, тој го пофали Диди и навести за соработка на модна колекција со моментално уапсениот основач на Bad Boy Records.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Астролозите тврдат: Овие хороскопски знаци се најдобри шефови
Некои хороскопски знаци, според астролозите, особено добро се снаоѓаат во улога на раководители. Наведени се четири знаци кои важат за најуспешни шефови, бидејќи умеат да мотивираат, да носат одлуки и да создадат стабилна и продуктивна работна атмосфера.
Лав
Шеф што мотивира со харизма и самодоверба. Создава средина во која луѓето се чувствуваат ценети и охрабрени. Знае да претвори блокади во можности и да поттикне ентузијазам.
Јарец
Професионален и дисциплиниран лидер на кого му се верува. Донесува промислени и долгорочни одлуки, поставува јасна структура и ги вреднува резултатите, но и трудот на тимот.
Вага
Шеф кој одржува мир и праведност. Создава работна атмосфера во која луѓето се чувствуваат почитувани. Спречува и решава конфликти дипломатски и поттикнува тимски дијалог.
Водолија
Визионерски и иновативен тип лидер. Охрабрува нови идеи и креативни пристапи, не води строго хиерархиски, туку преку отвореност и слобода за истражување и предлози.
Забава
Леонардо ди Каприо откри кој му е омилен актер на сите времиња
Леонардо ди Каприо, кој во кариера долга повеќе од три децении соработувал со бројни филмски легенди, изјави дека неговиот омилен актер на сите времиња е Роберт де Ниро.
Ди Каприо првпат работел со Де Ниро како тинејџер во драмата „Животот на момчето“, каде што актерот бил лично избран од Де Ниро, што ја означило почетната точка на неговата кариера. Ди Каприо се сеќава дека имал 15 години и дека снимањето било пресвртно искуство: „Да се гледа неговата посветеност на сет беше едно од највлијателните искуства во мојот живот“, изјавил тој за „Тајм аут“.
Де Ниро и Ди Каприо важат за актери најтесно поврзани со Скорсезе – Де Ниро има снимано 10 филмови, а Ди Каприо шест со него.
Забава
Трајна забрана за приближување за сопругот на Дениз Ричардс по обвинувања за злоупотреба
Дениз Ричардс изјави дека се чувствува добро откако судот одобрил трајна забрана за приближување за нејзиниот отуѓен сопруг, со важност до 7 ноември 2030 година. Забраната опфаќа приближување на помалку од 90 метри до актерката и нејзиното работно место, како и целосна забрана за контакт.
Ричардс настанот го прокоментирала на „Браво Кон“, наведувајќи дека процесот е тежок и дека има силна поддршка. Таа оценила дека е многу застрашувачки да се минува низ развод во јавност и дека во реалити-програмите приватниот живот е целосно изложен.
Актерката во јули поднела барање за развод, обвинувајќи го својот сопруг Арон Фајперс за често и насилно злоупотребување. Фајперс ги негира обвинувањата и по судската одлука изјавил дека сакал пресудата да биде поинаква.
Во октомври, за време на сослушување за продолжување на привремената мерка, сведочела и неговата братучетка Кетлин Мекалистер, по што Фајперс бил уапсен во судницата. Минатиот месец против него биле подигнати обвиненија за нанесување телесни повреди на сопружник и за попречување на сведоци со сила или закана. Тој бил пуштен на слобода по уплата на кауција од 200.000 долари.
Фајперс, пак, возвратно ја обвинил Ричардс за неверство и вознемирување – обвинувања што актерката ги демантира. Постапката за развод сè уште трае.

