Забава
Канје Вест се предомисли: „Сфатив дека не сум нацист“

Канје Вест (47) сега тврди дека „не е нацист“, и покрај тоа што на почетокот на овој месец предизвика бес во јавноста тврдејќи го токму спротивното.
На почетокот на февруари, раперот го изрази своето воодушевување од Адолф Хитлер на платформата X (поранешен Твитер) и отворено напиша: „Jас сум нацист“.
Покрај тоа, тој почнал да продава маици со свастика на својата онлајн продавница, а подоцна тврдел дека заработил дури 40 милиони долари.
Сепак, Канје оттогаш ги избриша контроверзните објави и сега се чини дека се враќа на своите претходни изјави. Во објавата на X во средата, тој напиша: „По дополнително размислување, сфаќам дека не сум нацист“.
Сепак, многумина не се убедени дека Канје навистина се предомислил. Еден корисник на X напиша: „Канје Вест може не е нацист, но тој е очигледно очаен за внимание. Зошто едноставно не го игнорирате овој кретен како што тој заслужува“.
Профилот на Канје на X претходно беше деактивиран поради неговите антисемитски објави, но подоцна повторно се појави, со предупредување за „чувствителна содржина“ за корисниците кои се обидуваат да пристапат на страницата без најавен профил.
Предупредувањето гласи: „Внимание: овој профил може да содржи потенцијално чувствителна содржина. Го гледате ова предупредување затоа што корисникот објавува потенцијално чувствителни слики или говор. Дали сакате да продолжите да гледате?“ Повеќето од контроверзните објави на Канје беа избришани по неговото враќање на платформата, но не е јасно дали раперот самиот ги избришал.
Многумина се револтирани што му беше дозволено да се врати на платформата.
„Не бев ни онлајн, а потоа дознав дека Канје се вратил на Твитер… Денот не можеше да биде полош“, напишал еден корисник. Друг праша: „Дали Канје се врати??
За време на својот расистички испад, Канје ја спомна и сопругата Бјанка Ценсори, тврдејќи дека има контрола над неа. Покрај тоа, тој го пофали Диди и навести за соработка на модна колекција со моментално уапсениот основач на Bad Boy Records.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
По разводот изгледа подобро од било кога: холивудската убавица привлекува внимание во бикини

Џесика Алба по разводот изгледа подобро од кога било и ужива во секој ден, што го покажува на социјалните мрежи.
Холивудската убавица Џесика Алба неодамна стави крај на долгогодишниот брак со Кеш Ворен и оттогаш привлекува внимание на секој чекор.
Познатата актерка помина многу време на плажа, од каде објави бројни фотографии. Нејзиното друштво главно беа пријатели и нејзините деца, но сепак најголемо внимание привлече нејзиното згодно тело.
Се чини дека по разводот Џесика не облекла ништо освен бикини.
Сега таа сподели неколку фотографии од претходниот одмор на кои позира во минијатурни бели бикини и дефинитивно изгледа подобро од било кога.
„Ментално сè уште тука“, напиша таа во описот на објавата.
Забава
Џенифер Лопез може да биде вовлечена на судењето на Диди, се отвора стар случај

Пејачката Џенифер Лопез би можела индиректно да биде вмешана во претстојниот судски процес против музичкиот магнат Шон Диди Комбс, кој беше уапсен во септември минатата година. Комбс моментално се соочува со сериозни обвиненија кои вклучуваат рекетирање, трговија со луѓе за сексуална експлоатација и прекршоци поврзани со проституција.
Обвинителите, исто така, сакаат да вклучат докази од пукањето во 1999 година што се случи во ноќен клуб, во кој Комбс, наводно, бил учесник. Џенифер Лопез во тој момент била присутна на местото на настанот. По инцидентот во кој беа повредени три лица, Лопез и Диди го напуштија клубот и беа запрени од полицијата по бркотница низ Менхетен. Во нивното возило потоа бил пронајден украден пиштол.
И двајцата беа уапсени, но Лопез не беше обвинета за никакво кривично дело, додека обвиненијата против Комбс подоцна беа отфрлени. Неговата одбрана тврдеше дека сведочењето на клучниот сведок е „очигледно неверојатно“, бидејќи тој наводно рекол дека Диди се обидел да го поткупи.
Сега адвокатите на Комбс бараат инцидентот од 1999 година да биде исфрлен од судската постапка, според Дејли мејл. Тие, исто така, се обидуваат да спречат видео од 2016 година на кое се прикажува физички напад врз неговата поранешна девојка Каси Вентура да биде искористена како доказ. Видеото беше објавено во мај 2024 година на Си-ен-ен, а Комбс јавно се извини по објавувањето и рече дека „ја презема целосната одговорност“. Набргу потоа бил уапсен.
Адвокатите тврдат дека никој не може да ја потврди автентичноста на видеото и дека снимката е „целосно неточна, изменета, манипулирана, забрзана и монтирана“. Наводно, Си-ен-ен ја поседува единствената достапна копија бидејќи оригиналот е избришан. Во одбраната беше вклучен и форензичарот Конор Мекорт, кој сведочеше под заклетва дека видеото е значително забрзано и содржело „големо количество на изобличување“, при што не се исклучува можноста материјалот да е монтиран.
Покрај тоа, тимот на Комбс сака да го исфрли сведочењето на трето лице кое го обвинува, познато како Жртва 3. Тие тврдат дека тие наводи немаат директна врска со злосторствата за кои тој се товари и дека нивното презентирање пред поротата би било „неправедно штетно“. Обвинителите, пак, посочуваат дека оваа информација го одразува „влијанието и контролата“ што Комбс го имал врз жртвата.
Џеј Ло може да биде вклучена
Одбраната исто така тврди дека таквите докази би можеле емотивно да влијаат на членовите на поротата, но не наведува конкретни причини.
Иако претходно побара судењето да се одржи што е можно поскоро, Диди сега побара одложување од два месеци за да му даде доволно време да ја подготви одбраната. Тоа се однесува на третото, изменето обвинение што обвинителите го поднесоа на почетокот на април, тврдејќи дека вклучува „значително ново однесување“. Обвинителите го оспоруваат тоа тврдење.
Воведувањето на настанот од 1999 година како дел од доказите може да значи и дека Џенифер Лопез повторно ќе се најде во центарот на медиумското внимание, иако не се споменува како осомничена или сведок.
Забава
Луѓето не можат да престанат да го исмејуваат Клуни поради неговата нова боја на коса: „Изгледа патетично“

Џорџ Клуни стана предмет на потсмев со новата боја на коса, а изгледа дека на шегите им нема крај. Шеесет и тригодишниот актер ја обои својата препознатлива сива коса во кафена боја за улога во претстава на Бродвеј, а до објавувањето на веста, многумина се шегуваа дека тој „минува низ средовечна криза“.
Покрај тоа, Клуни го промени својот стил, сега го носи таканаречениот „имиџ на италијанската мафија“, а по неодамнешното појавување на Си-ен-ен, тој повторно стана предмет на потсмев.
Tapper: You yourself did something that a lot of people would call brave when you wrote your op ed.
Clooney: Well, I don't know if it was brave. It was a civic duty… pic.twitter.com/SfUcuLR2fq
— Acyn (@Acyn) April 16, 2025
И покрај тоа што зборуваше за сериозни теми (вклучувајќи го и предлогот да ја води Демократската партија), екипата на социјалните мрежи коментираше само за една работа – неговиот изглед.
„Првиот ден на мојата нова работа боејќи ја косата на Џорџ Клуни, како поминав?“, некој се пошегувал, а друг додал: „Знам дека тоа е поради улогата, но сепак изгледа малку глупаво“.
„Џорџ Клуни кој користи боја за коса од кутија е најголемиот можен показател за рецесија“, „Изгледа патетично“, „Колку старее, толку повеќе личи на Џон Гудман“, „Новата боја на коса изгледа сосема природно“, се само некои од бројните коментари.