Забава
Кафето, рибите и компирот жртви на климатските промени
Климатските промени може да предизвикаат проблеми во растот на културите и изумирањето на животните и рибите, па можеби ќе треба да се простиме од нашата омилена храна и пијалаци.
Поради глобалното затоплување, земјиштето погодно за одгледување кафе, најверојатно, ќе се преполови до 2050 година.
Се очекува дека дивите видови кафе целосно ќе исчезнат до 2080 година, објави Би-би-си.
Од климатските промени исто така ќе бидат погодени рибата и компирот.

Риба има сè помалку и помалку, според Би-би-си.
Една од причините за тоа е сè пониското ниво на кислород во океаните што се загреваат.
Доказ за тоа е глобалниот улов, кој се намали 5 проценти, а оние што ги сакаат рибите во Северното Море ќе забележат дека нивниот улов паднал за една третина.

Компирите растат под земјата, но исто така ќе страдаат од сè поголеми суши.
Само едно топло лето во 2018 година во Велика Британија влијаеше родот на компири да се намали една четвртина, а секој поединечен плод се намали три сантиметри, објавија британските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Амбер Херд сподели ретки моменти од новиот живот во Шпанија по промената на името
Амбер Херд им даде на своите следбеници ретка можност да погледнат во нејзиниот нов живот во Шпанија, каде што се пресели за да почне ново поглавје по исцрпувачката правна битка со поранешниот сопруг Џони Деп. Ѕвездата од „Аквамен“ го напушти Холивуд и најде нов дом во Мадрид, а во неодамнешната објава за Денот на благодарноста таа даде поглед во својот секојдневен живот.
По завршувањето на нејзиното судење за клевета, кое резултира со пресуда од 10,35 милиони долари за Деп и 2 милиона долари за Херд, актерката се пресели со ќерка си, првин на Мајорка, а потоа во Мадрид. Додека беше на Мајорка, „Ел Дијарио де Мајорка“ објави дека наводно го користела името Марта Џејн Канари – вистинското име на легендарната американска херојка Каламити Џејн.
Откога се пресели, Херд во голема мера се држеше подалеку од центарот на вниманието по нејзината последна филмска улога пред неколку години во „Аквамен и изгубеното кралство“. Сепак, таа неодамна сподели серија фотографии на социјалните мрежи од прославите за Денот на благодарноста во текот на годините вклучувајќи и дел од нејзиното готвење.
View this post on Instagram
„Здравица за Денот на благодарноста во текот на годините. Се навраќам на сите полни срца и чинии што ги споделив. Се надевам дека сте добро снабдени со обете оваа година“, напиша таа во објавата.
Херд повремено споделува делови од својот живот во Шпанија, како што се фотографии за Ноќта на вештерките, а претходно на социјалните мрежи го најави доаѓањето на близнаците Агнес и Оушн.
Актерката неодамна се врати на сцената во претставата наречена „Духот на народот“. Претставата се прикажуваше неколку ноќи во Масачусетс, а драматургот Џереми О. Харис откри дека продукцијата била половина на шпански, што совршено ѝ одговарало на Херд, со оглед на тоа што таа течно го зборува јазикот.
Еден од нејзините соседи изјави за „Мејл онлајн“ дека Херд и нејзиното семејство се целосно интегрирани во заедницата и живеат на место каде што никој никого не вознемирува. Иако папараците повремено се појавуваат пред нејзината куќа, повеќето локални жители не ја вознемируваат. Соседот додаде дека никој овде навистина не знае која е таа истакнувајќи дека и познати фудбалери живеат во истата област и уживаат во својата приватност.
фото/инстаграм
Забава
(Фото) Шведска министерка го почна денот во Скопје со симит-погача: „Енергичен појадок пред нејзината прва средба“
Министерката за европски прашања на Шведска, Јесика Розенкранц, која вчера и денес престојува во работна посета на Македонија, утрото го почна со симит-погача.
„Почнување на денот во Скопје со локален специјалитет! Нашата министерка за ЕУ, Јесика Розенкранц, почна напорен ден со енергичен појадок пред нејзината прва средба со македонскиот министер за ЕУ, Муртезани, и МЕА. Солено лепче во лепче – симит-погача, типично скопско печиво и каде е подобро да се ужива во него отколку во срцето на главниот плоштад во градот, со поглед на еден од најзначајните погледи во градот: Камениот мост, тврдината Кале, Старата чаршија, црквата „Св. Димитрија“, Даут-пашиниот амам, Мустафа-пашината џамија. Сè во еден кадар – поглед што совршено ја раскажува приказната за богатото мултикултурно наследство на Скопско и живописното општество на Северна Македонија. 🇸🇪 + 🇲🇰 = заедно посилни“, се вели во објавата на шведската амбасада на „Фејсбук“.
Забава
(Видео) Амбасадорката на САД во Грција се појави во проѕирен фустан, наиде на осуда
Новата амбасадорка на САД во Грција, Кимберли Гилфојл, предизвика доста внимание со својот моден избор на вечерата за Денот на благодарноста, што се одржа во Атина во вторникот.
Поранешната водителка на „Фокс њуз“ и поранешна свршеница на Доналд Трамп Помладиот се појави во тесен, речиси проѕирен црн фустан од тантела, што предизвика лавина коментари на социјалните мрежи.
US Ambassador in Athens sparks a stir with a sheer dress
The new US Ambassador to Greece, Kimberly Guilfoyle, became the unexpected star of a Thanksgiving event hosted by the American-Hellenic Chamber of Commerce. The focus wasn’t on her speech but on her outfit — a sheer… pic.twitter.com/XPmsi8yYXg
— NEXTA (@nexta_tv) November 27, 2025
Гилфојл (56) едвај се движеше во тесниот фустан, па дури и ѝ требаше помош за да се качи на сцената за да им се обрати на гостите. Нејзината облека многумина ја споредија со стилот на сестрите Кардашјан сметајќи ја за несоодветна за дипломат.
„Ова е дипломатска грешка, таа ја претставува својата земја, а не своето тело“, „Ова ми е убаво“, „Потребен ѝ е стилист“, „Изгледа како изгубена сестра Кардашјан“, се само дел од коментарите на социјалната мрежа X.
фото/принтскрин

