Забава
Кајли Миног ја продаде куќата во Лондон за 6 милиони фунти
Кајли Миног го продаде својот дом во западен Лондон за повеќе од 6 милиони фунти (10 милиони долари) и оствари профит, пренесуваат британски медиуми.
Поп-принцезата наводно оствари добивка од 775.000 фунти на имотот со пет спални соби 12 години по купувањето.
Извор за рубриката „Бизар“ на весникот „Сан“ изјави: „Кајли е итра бизнисменка, како и музичка суперѕвезда и таа реши да ја продаде својата куќа во западен Лондон наместо да ја задржи за изнајмување.
„Ја купи за 5,25 милиони фунти во 2010 година и имаше толку многу среќни спомени од живеењето таму“, додава изворот.
Кајли (55) претходно откри дека се преселува во родната Австралија и, според инсајдерот, ѕвездата од топ-листите не може да биде посреќна.
„Откога реши да се пресели, ја огласи на пазарот и доби нешто повеќе од шест милиони фунти“, вели инсајдерот.
Во меѓувреме, Кајли неодамна инсистира на тоа дека нема да го промени стилот на облекување за да ги задоволи оние што ја критикуваат.
Наградуваната ѕвезда ќе продолжи да носи што сака – без разлика што велат нејзините критичари.

Кајли, која е најпродаваната австралиска уметница на сите времиња, за весникот „Сан“ во неделата изјави: „Не е важно да бидеш секси, туку да бидеш тоа што си. Нема да одам секаде во чизми до бутовите и костим. Но, во ‘попленд’ (земјата на попот), тоа сум јас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Џулија Фокс предизвика лавина критики со морбиден костим инспириран од убиството на Кенеди
Aктерикаа Џулија Фокс успеа повторно да ја шокира јавноста, овој пат со својот избор на костим за Ноќта на вештерките. На забавата на нејзиниот пријател Хулио Торес во Њујорк, 35-годишната Фокс се појави облечена како поранешната прва дама Џеки Кенеди, во реплика на познатиот розов костим извалкан со крв од денот кога Џон Ф. Кенеди беше убиен во 1963 година.
Оригиналниот костим на Џеки Кенеди, кој го носеше во времето на убиството на нејзиниот сопруг, никогаш не е исчистен и се чува во Националниот архив на Соединетите Американски Држави од 1964 година, што му дава на овој чин на актерката дополнителен морбиден шмек.
@people #JuliaFox dressed as blood-soaked #JackieKennedy on the day of her husband President #JFK ♬ [News] Neutral news(1413858) – poco poco music
Откако списанието „Пипл“ објави видео од Џулија Фокс од црвениот тепих на социјалните мрежи, следеше лавина од негативни коментари од шокираната јавност. „Без здив сум. Толку несоодветно“, напиша еден корисник, додека друг додаде: „Тоа е најодвратното нешто што некогаш сум го видел“.
Зборуваше и актерката Ивет Никол Браун. „Одвратно на ниво што мојот ум не може ни да го сфати. Ми паѓа на ум цитатот „некои луѓе толку многу сакаат да остават трага што не им е гајле дали е дамка“. Толку очајната желба за слава само продолжува да гарантира дека ќе бидете мразени засекогаш“, рече таа.
Џулија Фокс, патем, е позната по своите провокативни и честопати бизарни модни избори кои редовно привлекуваат медиумско внимание.
Забава
Хајди Клум воодушеви во неверојатниот костим на Медуза на забавата за Ноќта на вештерките
Хајди Клум повторно ја оправда титулата „кралица на Ноќта на вештерките“, појавувајќи се во спектакуларен костим на митската Медуза на нејзината традиционална забава во Њујорк.
На 24. издание на нејзината забава во хотелот „Хард Рок“, славната манекенка и водителка се трансформираше во Горгона, додека нејзиниот сопруг Том Каулиц го толкуваше грчкиот херој Персеј.
Подготовките започнале пет месеци однапред, а трансформацијата на денот на забавата траела повеќе од десет часа. „Сè е рачно отсликано“, откри Клум, додавајќи дека на изгледот работеле околу 15 луѓе. Деталите, како механичките змии што се движеле на нејзината глава и лушпестите делови, биле дел од целосната визија.
Клум признала дека идејата за Медуза ја имала одамна.
„Сакав да изгледам страшно, со вистински змии што се движат и остри заби – како вистинска ѕвечарка,“ рече таа. Публиката и медиумите беа воодушевени, нарекувајќи ја трансформацијата импресивна и морничава во исто време.
Позната по својата посветеност и креативност, Клум секоја година ја поместува границата со нови костими. Во минатото се појавувала како Џесика Рабит, вукодлак од „Трилер“, Фиона од „Шрек“, Клеопатра, паун, огромен црв и Е.Т., кој беше хит костимот од минатата година.
Забава
(Видео) Десет најстрашни хорор-филмови за Ноќта на вештерките
Ако немате планови за Ноќта на вештерките и сакате вистински да се наежите, „ЛЕД бајбл“ предлага 10 филмови кои ќе ве држат будни до утрото.
10. Sinister
Научно е докажано дека е најстрашниот хорор досега. Следи писател кој се доселува во куќа каде претходното семејство е обесено. Старите снимки создаваат неподнослива атмосфера на страв.
9. 28 Days Later
По вирусна епидемија што го опустошува Лондон, група преживеани се бори со заразените и со човечката суровост. Филмот го направи „брзиот зомби“ нов хорорски стандард.
8. The Ring
Американската верзија на јапонскиот хорор ја следи новинарката што истражува видео касета која носи смрт седум дена по гледањето. Напнатост, студена атмосфера и визуелна вознемиреност на највисоко ниво.
7. The Conjuring
Филмот се базира на вистински случаи на натприродни појави и ни ја претставува озлогласената кукла Анабел.
6. Hereditary
Психолошки хорор за семејство кое по смртта на бабата се соочува со мрачни тајни и демонски култови. Завршницата е меѓу најпотресните во модерниот хорор.
5. The Substanceќ
Деми Мур игра ТВ ѕвезда што користи таинствена супстанца за враќање на младоста. Шокантен и визуелно вознемирувачки филм за опсесијата со совршенство.
4. The Babadook
Психолошки хорор за мајка и син прогонувани од мистериозно суштество кое излегува од детска книга. Симболика за траума, вина и психички распад.
3. The Shining
Класика на Стенли Кјубрик – писател и неговото семејство остануваат заробени во осамен хотел каде лудилото полека го обзема таткото. Една од најиконските хорор сцени во историјата.
2. Get Out
Дебитантски филм на Џордан Пил што комбинира хорор и општествена сатира. Афроамериканец открива мрачна тајна зад „совршеното“ семејство на својата девојка.
1.Midsommar
Група млади патуваат во Шведска на фестивал кој се претвора во кошмарен ритуал на култ. Флоренс Пју блеска во улога што ќе ве остави без здив.

