Забава
Кајли Џенер на својата принцеза ѝ подари скап автомобил

Кланот Кардашјан – Џенер сака да се пофали со вредни подароци што ги добиваат или даруваат за родендени и празници. Пред три години пејачот Канје Вест(41) ѝ подари на сопругата Ким Кардашјан (38) дури 150 подароци, а таа нему му изнајми спортска арена за да помине еден ден со своите пријатели таму. Изнајмувањето чинеше 110 000 долари.
Слична е и приказната со реперот Тревис Скот (26), кој на Кајли Џенер (21) ѝ купи црн LaFerrari, чија цена е 1,4 милиони евра. Тревис и Кајли заедно ја имаат десетмесечната Сторми, а колку е младата мајка преокупирана со својата ќерка зборува фактот што за овој Божик ѝ купи помала верзија на својот автомобил.
„Каква мајка, таква ќерка”, напиша Кајли. На сликата има дури два автомобили – црвениот „ферари„ и црниот „ламборџини“ прекриен со логото на познатиот француски бренд Луи Витон. Двата автомобила се движат со далечински управувач управуван од родителите. Цената на еден автомобил е околу 350 евра, додека репликата на автомобилот на Кајли чини нешто помалку од 350 евра.
Нејзината сестра Клои Кардашијан (34) на социјалните мрежи се пофали со детските патики „најки“, кои кошаркарот Тристан Томпсон (27) ги купи за нивната ќерка Тру.
На традиционалната божикна прослава минатата ноќ, организирана од семејството Кардашјан – Џенер, Кајли и Клои ги облекоа своите принцези во иста комбинација на облека каква што носеа тие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.