Забава
Кајли Џенер со платинесто руса перика во најновата објава на Инстаграм

Соработката со нејзината постара сестра Кендал која резултираше со заедничка колекција за шминка на „Кајли козметика“ беше распродадена во рекордно време во саботата наутро.
Кајли Џенер очигледно го осети пикот на успехот истиот ден попладне, кога се појави на Инстаграм за да сподели гламурозен автопортрет за своите 182 милиони следачи.
„Таа се враќа,“ напиша 22-годишната Кајли на фотогрфијата на која позира покрај својот кревет, алудирајќи на новата колекција „Кендал х Кајли“, опишана во таблоидите како колаборат на убавината.
Кајли комплетно го смени својот вообичаен имиџ за импровизираната фотосесија со платинеста русокоса перика, облечена во краток фустан со апликации од жолта тантела.
Основачката на компанијата „Кајли козметика“, својот изглед го дополни со кафеава сенка за очи и блескави лажни трепки.
Во петокот наутро, догло-очекуваната колекција Kendall x Kylie на „Кајли козметика“ беше достапна за јавноста.
И осум часа подоцна, Кајли објави дека целата колекција официјално се распродала на веб-продавницата на марката.
Роденденка: Претходно, Кајли го искористи својот Инстаграм за да ѝ го честита роденденот на својата постара сестра Клои Кардашијан, која во саботата наполни 36 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Аријана Гранде започнува светска турнеја по седумгодишна пауза

Аријана Гранде официјално се враќа на сцената. По седумгодишна пауза, поп-ѕвездата ја најави својата долгоочекувана турнеја „The Eternal Sunshine“, која ќе се одржи во 2026 година. Турнејата ќе го промовира нејзиниот седми студиски албум, „Eternal Sunshine“, објавен во март 2024 година, како и неговото луксузно издание, пишува Teen Vogue.
Обожавателите последен пат ја видоа на светските сцени за време на рекордната светска турнеја „Sweetener“ во 2019 година, која собра повеќе од 1,3 милиони луѓе на речиси 100 концерти. Новата турнеја, продуцирана од Live Nation, моментално вклучува настапи низ САД, Канада и Велика Британија.
Според првото соопштение, турнејата „The Eternal Sunshine“ ќе вклучува 27 концерти на 10 локации. Ќе започне на почетокот на јуни 2026 година во Северна Америка и ќе заврши кон крајот на август во Обединетото Кралство.
Влезниците ќе бидат пуштени во продажба во септември 2025 година, со претпродажба достапна за фановите, а подоцна и општа продажба. Организаторите, исто така, најавија специјални VIP пакети за оние кои сакаат уникатно искуство.
Фото: принтскрин
Забава
Четири фрази што мажите мразат да ги слушнат од своите сопруги, според истражувачите

Начинот на кој разговараме со нашите партнерки може да ја зајакне нашата врска или да создаде непотребна тензија. Различни истражувачи и експерти предупредуваат дека одредени фрази, иако често се изговараат од фрустрација, можат да го оштетат емоционалното здравје и квалитетот на нашиот брак на долг рок. Некои фрази се особено штетни за сопрузите бидејќи ги прават да се чувствуваат непочитувани и дистанцирани. Еве некои од нив.
„Никогаш…“
Иако фрустрацијата понекогаш е оправдана, генерализирањето може да го направи вашиот партнер да се чувствува потценет. Психологот Џефри Бернштајн истакнува: „Кога партнерот се чувствува незабележан или потценет, тоа создава чувство на безвредност, што може да биде штетно за нивната емоционална благосостојба и врска“, објавува YourTango.
„Зошто не можеш да бидеш повеќе како него?“
Споредбите, дури и ако звучат безопасно, можат сериозно да го оштетат самопочитувањето на партнерот. На долг рок, ваквите изјави го уништуваат нивното чувство за самодоверба и оставаат длабок белег на бракот.
„Се однесуваш како дете“
Иако однесувањето може да изгледа незрело, овој вид изјава ретко води до решение. Истражувачите откриле дека дури и пауза од пет секунди може да ја намали тензијата во конфликт. Наместо да се изнесуваат обвинувања, поефикасно е да се користат изјави од типот „јас“ наместо изјави од типот „ти“.
„Не ми требаш“
Оваа изјава може да биде најтешка за сопругот бидејќи звучи како да нема вредност во врската. Иако сопругата можеби сака да ја потврди својата независност, овие зборови длабоко го повредуваат нејзиниот партнер. Подобро е да одвоите време да се смирите отколку да изговорите реченица што не решава ништо.
Фрази како оваа можат да остават траен негативен впечаток, па затоа е важно внимателно да ги избирате зборовите за да ја одржите вашата комуникација во вашиот брак поддржувачка и конструктивна.
Фото: принтскрин
Забава
Кејт Бланшет го украде шоуто во длабок фустан од Армани во Венеција

Koга станува збор за Филмскиот фестивал во Венеција, Кејт Бланшет има јасна политика за повторно носење на своите креации. Една година откако привлече внимание со серија рециклирани изданија на црвениот тепих, австралиската актерка се врати на Лидо во позната и смела длабока креација.
Бланшет, која е во Венеција за да го промовира својот нов филм „Татко, мајка, сестра, брат“, се појави на премиерата на „Ла Грација“ во прекрасен црн фустан од „Армани Приве“, пишува списанието W.
Како и многу од нејзините претходни избори, ова парче веќе го имаше својот ѕвезден момент – таа првпат го носеше на доделувањето на наградите SAG во 2022 година. Сепак, лесно е да се види зошто одлучи да му даде уште една шанса.
Елегантниот црн фустан се издвојува со својата структура, а во преден план е екстремно длабокото деколте со скапоцени камења кое достигнува речиси до половината на актерката. Здолништето не е помалку интересно, дизајнирано со архитектонски џебови што се истакнуваат на колковите и перце што се влечеше по подот.
Изгледот го надополни со накит од Луј Витон, боб фризура и природна шминка, слична на 2022 година.
Во соработка со долгогодишната стилистка Елизабет Стјуарт, Бланшет го направи повторното носење облека, клучен дел од нејзината филозофија за црвениот тепих. Се чини дека актерката особено сака да ѕирне во сопствената модна архива за време на Венецискиот филмски фестивал.
Минатата година, во 2024 година, таа носеше серија рециклирани комбинезони што ги освежи со интересни детали. За премиерата на филмот „Одрекување“, таа носеше елегантен комбинезон „Армани Приве“, кој го подигна со блескава бисерна огрлица што ја носеше на грбот. Претходно на истиот фестивал, таа рециклира огрлица од Луј Витон од Канскиот филмски фестивал, комбинирајќи ја со друга креација на Армани.
Фото: принтскрин