Забава
Кејти Буман – девојката заслужна за првата фотографија на црна дупка

Во средата светот ја виде првата фотографија на црна дупка во историјата, а голема заслуга за тoa има 29-годишната девојка по име Кејти Буман.
Буман го предводеше тимот што работеше на алгоритмот со помош на кој настана фотографијата.
Неверојатната фотографија на црна дупка, која е 500 милиони трилиони километри оддалечена од Земјата, беше објавена во средата.
Тоа е потфат што до неодамна се сметаше за невозможен.
Буман фотографира додека нејзиниот лаптоп го вчитуваше историскиот момент.
Watching in disbelief as the first image I ever made of a black hole was in the process of being reconstructed.
Gepostet von Katie Bouman am Mittwoch, 10. April 2019
По првото појавување на црната дупка, Буман стана популарна во целиот свет.
Таа е асистентка на Калифорнискиот институт за технологија и инсистира на тоа дека целиот тим заслужува еднаква пофалба.
Повеќе од 200 научници учествуваа во обидот да се фотографира црната дупка.
„Никој од нас не можеше да го стори тоа сам“, изјави Буман за Си-ен-ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Познатиот актер призна дека користел дрога

Познатиот актер Џорџ Клуни призна дека користел дроги во минатото и детално раскажа едно особено срамно искуство. Во новото октомвриско/ноемвриско издание на списанието „Esquire“, 64-годишниот актер откри дека експериментирал со кокаин и други супстанции во младоста.
„Во ’82 година, пробав“, призна актерот, кој во тоа време имаше 21 година. „Се шегував за тоа како премногу земам, но вистината е дека тоа никогаш не ми беше голем проблем.“
Клуни, исто така, се присети на перцепцијата за дрогите во тоа време.
„Имаше една епизода од „Такси“ каде што сите користеа. Во тоа време, беше: ‘Не, ова не е како хероин. Не предизвикува зависност’. Но, потоа беше како: ‘О, па, всушност е доста лошо.’ Плус, беше надополнето со манитол. Детски лаксатив. Секој што ќе повлечеше линија, потоа одеше во тоалет.“
Освен за кокаинот, Клуни зборуваше и за лошо искуство со колачиња со марихуана што ги пробал една вечер со пријателите. Откако ги изеле колачињата, го гледале филмот „Волшебникот од Оз“, додека во позадина се слушал албумот „Dark Side Of The Moon“ на „Пинк Флојд“.
Последиците беа неочекувани. „Готови бевме. Буквално – мислам сите ние – бевме околу дваесетмина во салата за прикажување, и филмот заврши, а ние седевме таму без зборови, со часови. Со часови! Тоа едноставно не е мојата дрога“, заклучи тој.
фото: принтскрин
Забава
(Фото) Актерката помина низ пекол поради Оземпик, а потоа ја откри тајната на својот нов изглед

Познатата комичарка Ејми Шумер објави фотографија на социјалните мрежи за која веројатно никогаш не замислувала дека ќе стане главна тема на сите медиуми.
Ејми ја покажа и својата неверојатна трансформација откако ослабе 13 килограми.
Краток црн фустан во комбинација со високи потпетици совршено ги истакна нејзините долги нозе, а сите други набрзо го забележаа тоа.
„Какви нозе“, „Изгледаш прекрасно, погледни ги тие нозе“, „Лута сум, зошто мора да имаш такви нозе“, „Ти љубоморам“, беа некои од коментарите.
Оваа фотографија доаѓа и откако Ејми призна дека ослабела со помош на апчиња за слабеење, со што стана една од ретките јавни личности кои не се плашеа да ја откријат тајната на својот нов изглед.
„Сакам да бидам искрена со тебе. Го користев лекот Мунџаро и имам добро искуство со него. Пред три години го користев Оземпик, но од него не престанав да повраќам. Бев прикована за кревет, не можев да го поднесам“, рече таа додека гостуваше во шоуто на Хауард Стерн.
фото: принтскрин
Забава
(Фото) Моден спектакл на Џенифер Лопез

Латино дивата Џенифер Лопез нè потсети зошто ги сакаме нејзините смели модни избори, но и зошто со децении се смета за една од најголемите модни икони и најстилски дами на светската јавна сцена.
Во спектакуларен моден аутфит, таа се појави на снимањето на емисијата „Во живо со Кели и Марк“ и веднаш стана центар на вниманието на сите медиуми, а нејзиниот моден избор за оваа пригода испрати порака, по којзнае кој пат, дека е полна со самодоверба и дека навистина е меѓу дамите кои знаат да презентираат необични креации.
Елегантна, жива, дамска, достоинствена, гламурозна, шик… Сето ова ја прави оваа комбинација доминантна, а Џеј Ло вистинска дама со стил.
Познатата пејачка, танчерка и актерка се одлучи за впечатливо миди здолниште со висок струк со заводлив шлиц на задната страна, бела блуза со долги ракави и широк крој со јака и црни елегантни чевли со вртоглава потпетица, кои ги искомбинираше со црна шапка и црни очила за сонце.
За да додаде малку повеќе живост на оваа волшебна комбинација, таа носеше црвена чанта во раката која идеално одговараше на божественото рачно изработено здолниште.
Ја врза косата во ниска опашка и лежерно ги исфрли шишките кои го врамуваа нејзиното лице под шапката, а покрај тоа што весело позираше за собраните фотографи и го привлече вниманието на минувачите во Њујорк, таа обрна внимание и на собраните обожаватели.
фото: принтскрин