Забава
Кинезинка се вратила во живот по 72 часа клиничка смрт

Една 26-годишна Кинезинка во источната провинција Фуџијан се вратила во живот по 72 часа клиничка смрт.
Кога на 1 јануари таа била итно дносена во болница, срцето забрзано ѝ чукало, а потоа застанало. Бидејќи ја згубила свеста, лекарите констатирале миокардитис – воспаление на срцевиот мускул и таа била прикачена на апарати.
„Машината што ја користиме може да ги извршува функциите на срцето и белите дробови. На тој начин го одржува дотокот на крв во срцето по срцев застој“, објаснува Јанг Ченбин од болницата на Универзитетот Сијамен.
Сепак, срцето на пациентката не проработело ниту по два часа. Докторите, меѓутоа, не сакале да ја прогласат за мртва, иако според терминологијата во клиничката медицина, таа веќе не била жива. Наместо тоа, била префрлена во одделението за интензивна нега каде што ги одржувале нејзиното срце, белите дробови и бубрезите.
„Таа е толку млада, а никогаш претходно не била болна. Затоа реков дека ќе сторам сé што е во моја моќ за да преживее“, изјавил Жанг Минвеи од одделот за интензивна нега, а пренесе РТС.
Следното утро нејзиното срце почнало повторно да пумпа крв, а во наредните 72 часа ѝ се вратила и свеста.
„Кога таа ги отвори очите, ја прашав дали е жедна, односно ѝ кажав да ми ја фати раката, доколку е. Кога го направи тоа, сфатив дека ни се врати“, раскажал доктор Жанг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.