Забава
Кинезите одгледуваат милијардa бубашваби за да се ослободат од ѓубрето и од остатоците од храна
Кина веќе некое време се бори со проблемот со отпадот и оттаму некои стопанственици решија самите да се справат со овој проблем. Тие измислија нов, иновативен метод за решавање на градското ѓубре – ќе го изедат бубашваби.
Поради зголемената потрошувачка популација во Кина, во таа земја има сè повеќе и повеќе ѓубре и нема доволно простор за негово депонирање. Според извештаите на NewsCorp, Пекинг за еден ден создава повеќе од 25.000 тони ѓубре.
За да го решат проблемот со биолошкиот отпад со помош на бубашваби, некои кинески фирми почнаа да ги одгледуваат на своите фарми.

На пример, компанијата Shandong Qiaobin Agricultural Technology Co, со седиште во Џинан, на една од фармите со бубашваби дневно храни милијарда бубашваби со 50 тони остатоци од храна. Храната им се доставува на бубашвабите преку систем на цевки секое утро пред зори.
Сите мртви бубашваби компанијата ги преработува во хранливи материи и извор на протеини за свињи и добиток. Ова е добра опција на сточна и свинска храна бидејќи во Кина е забрането свињите да се хранат со остатоци од храна поради можна појава на свинска треска.
Бубашвабите се исто така интересни за Кинезите во медицината, но и како додатоци на исхраната.
Оваа компанија произведува „чудесна” напивка од бубашваби која ја користат 40 милиони пациенти што страдаат од гастритис, респираторни заболувања и слично.
Некои експерти предупредуваат за можните опасности од одгледување толкав број на бубашваби. Тие се плашат од она што може да се случи ако, поради грешка во системот, милијарди бубашваби бидат ослободени и пуштени во градовите.
Биологот Жу Чаодонг од Кинеската академија на науките, смета дека случајно пуштање на милијарди од овие инсекти во животната средина може да доведе до природна катастрофа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Нела Манческа ѝ донесе седмо место на Македонија на „Јуниор Евросонг“
Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место, освојувајќи вкупно 141 поен.
Конечниот пласман беше одреден од комбинираните гласови на стручните жири-комисии и публиката, при што Македонија оствари одличен резултат кај жирито, пласирајќи се меѓу првите пет земји според нивното гласање.

Во жири-гласањето, Македонија доби 12 поени од Црна Гора и Италија, што дополнително го потврди силниот впечаток што настапот на Нела Манческа го остави кај професионалните оценувачи.
Победник на годинашното издание на Јуниор Евросонг е Франција со освоени 248 поени, второто место ѝ припадна на Украина, а третото на Грузија.
Забава
(Видео) „Miracle“ одекна во Тбилиси: Нела Манческа ја претстави Македонија на Јуниор Евросонг
Вечерва во Тбилиси, Грузија, се одржува 23-то издание на Јуниор Евросонг, а Македонија ја претставуваше Нела Манческа со песната Miracle.
Aвтори на песната се продуцентoт Лазар Цветкоски и Магдалена Ена-Цветкоска која го напиша текстот.
View this post on Instagram
На овогодишниот избор за песна на Детска Евровизија учествуваат 18 земји.
Гласањето можете да го следите во живо на линкот.
Забава
Љубов под елката: Три знаци ќе доживеат филмска љубов до крајот на месецот
Иако декември е хаотичен месец, за некои хороскопски знаци љубовта оваа година доаѓа посилно од очекуваното. Според астрологот Адама Сисеј од „Lilith Astrology“, клучни се транзитите на Венера и Марс – планетите на љубовта, привлечноста и страста. Кога тие се поволно поставени, се случуваат токму оние „филмски“ моменти: вистинско време, вистинско место, вистинска личност.
Овие три знаци имаат најголеми шанси Новата година да не ја дочекаат сами:
Близнаци – Венера и Марс се во силен аспект со вашиот знак, носејќи нови средби, лесна комуникација и природна хемија. Ќе бидете похрабри и поотворени – токму она што ви оди најдобро.
Стрелец – Венера и Марс се во вашиот знак речиси цел месец, па вашата привлечност е на врвот. Спонтани излегувања, флерт и романса доаѓаат без многу напор.
Јарец – Кон крајот на декември, двете планети влегуваат во вашиот знак и ги активираат романтичните и страстните импулси. Можно е новогодишниот бакнеж да биде со некој навистина посебен.
Ако не сте меѓу овие знаци – вреди да го проверите и вашиот подзнак.
Фото: Pexels

