Забава
Кирк Даглас го прослави 102. роденден

Меѓу првите му честитаа неговиот син Мајкл Даглас и актерката Кетрин Зита Џонс.
Кирк Даглас е роден на 9 декември 1916 година, како Исур Даниелович. Неговите родители се преселиле во САД од Белорусија. Кирк го поминал своето детство во еврејска заедница во градот Амстердам, во државата Њујорк. Но, тој никогаш не го заборавил своето скромно потекло бидејќи, штом се збогатил, донирал милиони за добротворни организации.
Кирк не можел да се запише на глума бидејќи бил премногу сиромашен. Работел на различни места и конечно отишол на првата актерска аудиција. Добил стипендија на Академијата за драмски уметности во Њујорк и успеал да запише глума. Тој студирал со Лорен Бекол, која наскоро му станала добра пријателка.
„Бев лудо заљубена во Кирк. Тој еднаш спиеше во затворска ќелија бидејќи немаше преноќиште “, рече актерката.
За време на Втората светска војна бил во морнарицата, но морал да се врати дома поради повреда. Се оженил со колешка од класата, Дијана Дил, и со неа ги добил Мајкл (73) и Џоел (70).
По војната, снимал сапуници и реклами на радио и глумел на Бродвеј. Во 1950-тите почнал да глуми во вестерн-филмовите. Јавањето му станало забавно, а ги засакал и револверите.
Кирк Даглас се развел во 1951 година од Дијана, која веќе не можела да ги толерира неговите испади. За него се вели дека бил во врска со многу холивудски убавици од тоа време, како Ава Гарднер и Марлен Дитрих. По разводот, ја запознал Ана Бајденс (98) во Париз.
За време на неговата филмска кариера, тој беше номиниран трипати за Оскар, а го доби во 2008 година за животно дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Згодниот актер Џејсон Момоа и со лакирани нокти и розови папучи повторно ги освои жените

Самиот крај на Филмскиот фестивал во Венеција донесе вистинско изненадување, Џејсон Момоа во необично издание.
Холивудскиот актер се појави на осмиот ден од Филмскиот фестивал во Венеција и целосно ги изненади сите.
Тој ги шокираше сите со својот изглед, токму кога мислевме дека веќе сме виделе сè на овој Фестивал.
Имено, тој прошета во специјално „барби издание“. Џејсон избра розов костум кој го комбинираше со бела кошула, традиционално раскопчана кога е тој во прашање и сандали во иста боја.
Сепак, деталите се она што го издвојува секој стајлинг, без разлика дали е за мажи или жени, а овој пат Џејсон ги имаше налакирано ноктите.
Џејсон Момоа одамна е познат како актер кој нема предрасуди кога станува збор за облекување, па затоа појавувањето во розова боја воопшто не е шок за него, а не е ни прв пат. Уште во 2019 година, тој привлече внимание кога прошета во розов смокинг од Фенди на доделувањето на Оскарите.
Фото: ЕПА
Забава
(Фото) Српската модна инфлуенсерка блесна во Венеција

Венецискиот филмски фестивал е сè уште во тек, а парадата на славните личности на црвениот тепих е неизбежен аспект на овој настан.
Досега имавме можност да видиме креации кои го привлекуваат вниманието, но и такви кои се резервирани само за храбрите.
На црвениот тепих се појави и српската модна инфлуенсерка Тамара Калиниќ, a таа прошета во креација која привлекува погледи и воздишки.
Тамара одлучи да носи макси фустан во беж боја со цветни мотиви за посебната пригода.
Гламурозниот фустан се карактеризира со деколте во облик на срце кое ги нагласува градите. Целата креација е изработена од транспарентен материјал и открива многу за љубопитните набљудувачи.
Стајлингот го надополни со едноставна фризура, сребрени додатоци и шминка во земјени тонови кои ја истакнуваа нејзината природна убавина.
фото: принтскрин
Забава
(Фото) Поранешната манекенка сè уште без конкуренција: демонстрира моќ на црвениот тепих

Познатата манекенка Ева Херцигова прошета по црвениот тепих на Венецискиот филмски фестивал и во таа прилика повторно ги потсети сите на златното доба кога беше неоспорен владетел на модната писта.
Таа нè воодушеви и на Неделата на модата во Милано кога целиот свет имаше чест повторно да ја види познатата убавица на модната писта. Овој пат, таа ја демонстрираше својата моќ на црвениот тепих.
За појавување на толку гламурозен настан како што е Венецискиот филмски фестивал, Ева избра уникатен фустан и ги покажа своите модни вештини.
Кога сакате да бидете класични, елегантни и дефинитивно забележани, ќе изберете црн фустан, исто како Ева.
Таа позираше во долга црна креација со везени цветни мотиви на градите, но на таков начин што сè заедно изгледа совршено измешано и воопшто не кичесто.
Накитот „ја заврши својата работа“ и во овој случај, Ева имаше ефектни обетки и прстени, а посебен акцент стави на косата.
Таа го прошета познатиот ефект на мокра коса и покажа дека дефинитивно сè уште нема конкуренција.
фото: принтскрин