Забава
Кијану Ривс ги почести пријателите и тимот со платено патување за премиерата на новиот „Матрикс“

Познато е дека Кијану Ривс е една од најдарежливите и најскромните ѕвезди во Холивуд.
57-годишниот канадски актер уште еднаш ја покажа својата великодушност кога тивко и без помпа ги почести своите пријатели, членовите на тимот и соработниците со платено патување на премиерата на „Матрикс: Воскреснувања“ во Сан Франциско минатиот месец.
Иако никому не се пофали дека ќе ги плати сите трошоци на поканетите, таблоидите дознале за убавиот гест.
Прашан од „Холивуд репортер“ за патувањето, Кијану, со својата препознатлива скромност, рече: „Да, прекрасно е да можеме да ги споделиме нашите искуства и заеднички живот.“
Актерот роден во Либан, кој ретко зборува за неговите несебични гестови, не елаборираше дополнително на темата.
Сепак, Чед Стахелски, кој го запозна Киану кога тој беше негов каскадер во трилогијата „Матрикс“, а потоа му беше и режисер во „Џон Вик“ од 2014 година, го потврди великодушниот чин.
„Нè донесе цела група овде“, изјави Чед за THR на премиерата во театарот Кастро.
„Тој е неверојатно дарежлив. Во публиката вечерва ќе има толку многу луѓе кои му помогнаа, од неговите тренери за боречки вештини до тренери за џиу-џицу, тие што му правеа косата и го шминкаа, до неговиот тим каскадери“, додаде Чед.
„Тој сака неговите пријатели и семејството да се тука. Тој човек е епски.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.