Забава
Кијану Ривс одушевил младенци на нивната венчавка
![](https://makfax.com.mk/wp-content/uploads/2023/04/свадба.jpg)
Дали Кијану Ривс е најдоброто момче во Холивуд? Од донирање милиони долари на добротворни организации за борба против канцер до упаѓање на венчавка на фанови, пишува „Дејли мејл“ и додава дека ѕвездата на „Џон Вик“ не е таков опасен тип зад сцената.
Кога неодамна магазинот „Пипл“ го праша Ривс да каже кој е неговиот најубав момент исполнет со блаженство, актерот одговори: „Пред неколку дена со мојата љубов бевме во кревет, се смеевме“. „Беше навистина убаво да сме заедно“, рече актерот алудирајќи на својата партнерка Александра Грант.
Холивудскиот миленик Ривс е ценет додаток на многу социјални настани, дури и на венчавки, пишува британскиот весник и потсетува на еден настан од минатото лето.
Минатиот август Ривс изненади еден британски пар на нивната венчавка во Нортхемптоншир.
Ривс, всушност, налетал на маркетинг-менаџерот Џејмс Роуднајт и неговата сопруга Ники, дресер на кучиња, бидејќи случајно престојувал во истиот хотел со четири ѕвезди како нив.
Ривс претходно воодушеви уште два пара во 2018 година кога позира на радосни фотографии по нивната свадба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Дејвид Бекам фотографиран на Вимблдон, беше со мајка си
![](https://makfax.com.mk/wp-content/uploads/2024/07/Screenshot-2024-07-02-114323.jpg)
Почна Вимблдон, а на трибините веќе е снимен и пензионираниот фудбалер Дејвид Бекам.
Дејвид никогаш не го пропушта овој тениски турнир.
Тој е снимен на трибините со мајка си Сандра Вест, со која е многу близок. Фотографите ги уловија во кралската ложа заедно со други познати личности.
View this post on Instagram
Дејвид и Сандра го следеа мечот на Британката Ема Радукана, на која Дејвид ѝ е голем обожавател, и Русинката Екатерина Александрова. Иако Сандра не се појавува често во јавноста, таа оди на Вимблдон речиси секоја година.
„Дејвид и мајка му се обидуваат да одат на натпреварите секоја година. Тие се многу блиски, имаат посебен однос и двајцата уживаат во тенисот“, изјавил претходно извор за „Дејли мејл“.
Имено, Дејвид и минатата година беше снимен со мајка си на трибините. Тогаш фотографите го снимиле во неколку наврати како се проѕева, го трие челото и едвај ги држи очите отворени.
Сандра Џорџина Вест работеше како фризерка и се омажи за таткото на Дејвид, Алан, во 1969 година. Алан и Сандра имаат три деца, а се разведоа во 2002 година.
Забава
Џеј Ло беше фотографирана во ретко излегување со своите деца, особено внимание привлече синот Максимилијан
![](https://makfax.com.mk/wp-content/uploads/2024/07/285a5381-904b-4999-93a9-d7ade83634d0.jpg)
Џенифер Лопез беше фотографирана надвор со своите деца, близнаците Ема и Максимилијан, кои ги има со поранешниот сопруг Марк Ентони.
Тие се снимени во Лос Анџелес додека оделе на ручек. Особено внимание привлече Максимилијан, кој ретко се појавува во јавноста со својата мајка. 16-годишникот излезе во кошула на пруги, која ја скомбинира со карирани панталони и сива капа.
За излегувањето Еме носеше маичка со кошула со куси ракави и широки панталони преку неа. Поради својот стил, таа честопати го привлекуваше вниманието на јавноста и претходно. Многумина ја критикуваа дека ја имитира мајка си и го копира нејзиниот стил, но Еме ги игнорира ваквите коментари.
За потсетување, Џенифер и Марк беа во брак од 2004 до 2014 година. По разводот, тие останаа во добри односи и заедно ги воспитуваа децата.
Забава
Два хороскопски знака што не сакаат да се на одмор, размислуваат само за работа
![](https://makfax.com.mk/wp-content/uploads/2024/07/hy.jpg)
Повеќето луѓе едвај чекаат да се тргнат од секојдневните обврски и да уживаат во безгрижноста на годишниот одмор, но има и такви што не може целосно да го исклучат мозокот и да престанат да размислуваат за работа. Овие хороскопски знаци се вистински работници, посветени на својата работа до тој степен што ниту сонцето, морето и песокот не може да ги одвлечат од работните задачи.
Јарец
Јарците се познати по својата неверојатна работна етика и посветеност на работата. Тешко им е да се опуштат, дури и кога се на одмор бидејќи нивните мисли секогаш се насочени кон постигнување на целите и напредок во кариерата. Тие веруваат дека клучот за успехот е постојан напор и постојано подобрување.
Тие се природни лидери и стратези, кои секогаш го планираат следниот чекор. На одмор, додека другите уживаат во коктели и сончање, Јарците размислуваат за деловни проекти, рокови и како да ги подобрат своите вештини. Нивната амбициозна природа не им дозволува целосно да се исклучат бидејќи се плашат дека би можеле да пропуштат важна шанса или да го изгубат чекорот со конкуренцијата. И додека пријателите се обидуваат да ги убедат да се опуштат, Јарците секогаш гледаат во далечината замислувајќи нови деловни победи.
Девица
Девиците се аналитичари и се стремат кон совршенство. Тешко им е да се опуштат бидејќи постојано размислуваат за сите детали од работата што треба да ја завршат. Девиците се неверојатно посветени на својата работа и секогаш бараат начини да ги подобрат своите перформанси и ефикасност. Луѓето родени во овој знак не може целосно да си го исклучат мозокот кога се на одмор.
Нивните умови се зафатени со размислување за деловни задачи, анализа на податоци и планирање идни проекти. Нивната предност за организација и ред ги прави неспособни да се предадат на релаксација. Тие веруваат дека секогаш има нешто што може да се подобри, па дури и на одмор размислуваат како да ги оптимизираат работните процеси и да бидат уште попродуктивни кога ќе се вратат на работа.