Забава
Кога добила тумор на мозокот, свршеникот ја откажал свадбата

Емили Николсон (24) од Велика Британија беше шокирана кога во февруари 2016 година лекарите ѝ рекоа дека има тумор на мозокот – астроцитом (најчест облик на мозочен тумор кај возрасните).
Една година подоцна, прогнозите беа уште полоши – ѝ рекоа дека има помеѓу 12 и 18 месеци од животот. Долго време плачеше, но одлучи да ги избрише солзите и да продолжи со плановите за свадбата.
Набргу следуваше уште еден шок и длабоко разочарување. Свршеникот Џејми Смит (24) ја остави една недела пред свадбата, и тоа со порака на „Фејсбук“.
Несреќната девојка верува дека тоа го сторил затоа што се здебелила, а причината биле стероидите што таа ги зела како дел од лекувањето. Таа вели дека се здебелила пет конфекциски броеви за шест недели, добила 30 килограми.
„Тој ми напиша дека веќе не сака да биде со мене и дека долго време не ме сака. Беше ужасно. Планот беше да се венчаме во август 2016 година, но моравме да го одложиме до март 2017 година бидејќи отидов на операција. Ние разговаравме за тоа дека може да се замрзнат моите јајце клетки за еден ден да можеме да имаме деца со помош на медицински асистирано оплодување“, рече таа.
Oh my god
Gepostet von Joanne Nicholson am Montag, 21. Januar 2019
Пред страшната болест, Емили беше многу тенка и се занимаваше со моделирање. Свршеникот го запознала во Австралија, каде што се преселила во 2012 година со родителите и братот. Таму работела како менаџер и промотор на клуб. Тој е од Нов Зеланд.
Дека нешто не е во ред со неа се посомневале по серијата напади, но првично мислеле дека тоа е од многу работа и стрес.
Тие се вратија во Велика Британија, а сега на страницата GoFundMe.com се обидуваат да соберат пари за пионерска вакцина, имунотерапија што може да ѝ помогне, а чини 30 000 фунти. Емили успеа да живее подолго отколку што предвидуваа лекарите и се надева дека ќе добие уште повеќе време со вакцината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) „Ви благодарам на сите за честитките“: партнерката на Кијану Ривс проговори за венчавката

Откако веста дека Кијану Ривс и неговата долгогодишна партнерка Александра Грант наводно се венчале во тајност се прошири со огромна брзина, а потоа ПР-от на актерот проговори и објасни дека тоа не се случило и дека е само гласина, понежната половина на холивудскиот заводник и еден од омилените актери на денешницата „се вмеша“.
Александра Грант не можеше да одолее да не ги икоментира гласините дека се омажила за Кијану по седум години врска, а на тие тврдења директно одговори преку социјалните мрежи.
„Ова е вистинска фотографија. Не е објава за свршувачка или свадба… Едноставно, бакнеж! (Иако можеби момент порано или подоцна… со оглед на глупавите изрази на нашите лица!)“, изјави Александра.
„Го споделувам ова овде за да им се заблагодарам на сите за честитките за нашата свадба. Освен што не се венчавме. Добрите вести се многу потребни овие денови, но ова е сепак лажна вест, затоа бидете внимателни. Па еве ви вистинска среќа“, рече партнерката на Кијану Ривс.
фото: принтскрин
Забава
(Фото) Есента веќе пристигна за фаталната русокоса

Скарлет Јохансон веќе некое време го привлекува вниманието на јавноста. Неодамна имавме можност да ја видиме во дамско издание, а сега во облека што го најавува доаѓањето на есента.
Холивудската актерка неодамна беше фотографирана на улиците на Њујорк, каде што, според медиумите, имала закажано гостување во ТВ емисија.
За оваа пригода, убавицата одлучила да облече кафеав кожен капут, кој го комбинирала со панталони во малку посветла нијанса и црна кошула.
Својот стајлинг го надополнила со црна чантичка, а кога станува збор за шминка, се одлучила за „природни“ нијанси што го заокружиле овој есенски изглед.
Скарлет покажа како ја комбинира најпопуларната боја на оваа есен – кафеавата.
фото: принтскрин
Забава
(Фото) Ким Кардашијан во проѕирен тесен сив комбинезон: луѓето се прашуваат како воопшто го облекла

Ким Кардашијан секогаш знае како да привлече внимание и тоа го прави добро со години, но… сигурни сме дека понекогаш не е баш удобно во гардеробата во која се појавува, па сите очи се вперени во неа. Меѓу тие парчиња е секако необичниот комбинезон што го носеше на отворањето на заедничката продавница на Skims и Nike во Њујорк.
Не е ни чудо што апсолутно сите гледаа во Ким Кардашијан, бидејќи нема да можете да го тргнете погледот од комбинезонот што го носеше, кој изгледа како футуристичка облека. Станува збор за проѕирен тесен сив комбинезон, кој не само што ги оцртува нејзините облини, туку и ги нагласува максимално.
Оваа комбинација е еден од првите модели од колекцијата создадена во соработка помеѓу брендот Nike и брендот на ријалити ѕвездата – Skims.
Секој детаљ од нејзиното тело беше истакнат, а дизајнот на комбинезонот е таков што изгледа како да носи долна облека преку облеката. Белите странични ленти на ракавите и ногавиците даваат впечаток на спортска елеганција, а Ким носеше сиви зашилени чевли и сива марама на главата со ова иновативно парче.
Иако овој стајлинг на Ким Кардашијан предизвика мешани реакции кај јавноста, па на некои им се допаѓа затоа што е оригинален, а на други го сметаат за бизарен и претерано, таа успеа во она што секогаш го очекува – да ги помести границите и да биде во центарот на вниманието. Веќе сме навикнати на храброста да носиме вакви изданија во јавност.
фото: принтскрин