Забава
Кои се најголемите паничари меѓу хороскопските знаци

Кога станува збор за хороскопските знаци кои не се справуваат со стресни ситуации, Ракот несомнено е на врвот на листата.
Овие чувствителни водени знаци се познати по нивните емоции кои брзо се разгоруваат, не само кога се заљубени или тажни, туку и кога треба да паничат. Раковите едноставно имаат неверојатна способност да направат голема работа од мува, а сето тоа со доза на драма која би можела да им парира на најдобрите сапунски опери.
Раковите се исклучително емотивни и сочувствителни, а нивната интуиција понекогаш функционира дури и кога тоа не е потребно. Кога ќе почувствуваат дека нешто не е во ред, дури и ако тоа е само мало недоразбирање на работа или порака што доцни пет минути, нивниот мозок автоматски оди во најлошите сценарија. Ракот нема само да размислува дали се е во ред, туку ќе развие цела драма во нивната глава: „Што ако ова значи дека нешто не е во ред? Можеби сум згрешил. Или некој ми се лути?”.
Тие паничат тивко, но интензивно. Не се тие што ќе викаат гласно и ќе мавтаат со рацете, нивната паника е внатрешен хаос. Ќе се повлечат во својот свет, ќе го анализираат секое можно сценарио и можеби ќе испратат неколку пасивно-агресивни пораки со надеж дека ќе добијат потврда дека се е во ред. Ако го видите Ракот како молчи и ги гризе ноктите, знајте дека неговиот мозок моментално е во петта брзина.
Иако Раковите сакаат да паничат, нивната грижа секогаш доаѓа од љубовното место. Ги фаќа паника затоа што се грижат за својата работа, за семејството, за пријателите. Нивната хиперемотивна природа често ги тера да се грижат за работи кои никој друг не би ги забележал, но токму затоа луѓето ги сакаат. Кога ќе помине хаосот, Ракот секогаш ќе биде тој што ќе си се смее и ќе рече: „Можеби пак малку претерав“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.