Сите понекогаш даваме ветувања што не ги исполнуваме, но за некои луѓе тоа не е исклучок, туку правило.

За нив ветувањето не е свет збор, туку само случајна реченица во момент на емоции, ентузијазам или потреба да им се допадне на другите.

Таквите личности често не размислуваат лошо – тие едноставно не размислуваат долгорочно, брзо се предомислуваат или забораваат што кажале.

Иако можеби немаат лоши намери, нивното однесување може да предизвика разочарување и губење на довербата. Според астрологијата, луѓето родени под овие два хороскопски знаци најчесто се опишуваат како оние кои лесно даваат ветувања и уште полесно ги прекршуваат.

Близнаци
Луѓето родени во знакот Близнаци се познати по својата дволичност, брзо размислување и немирен дух. Тие обично даваат ветувања во моментот кога нешто им изгледа интересно, но веќе следниот ден може да имаат сосема нов план или идеја.

Нивните намери честопати не се лоши – тие едноставно се понесени од сегашниот бран на мисли, желби и околности. Тешко е да се „доловат“ во една верзија од себе бидејќи постојано се менуваат.

Проблемот е што нивните најблиски често ги сфаќаат овие ветувања посериозно отколку тие. Кога недостасува исполнетост, Близнаците се познати по тоа што велат дека „сè се сменило“ или дека „заборавиле“ – и навистина веруваат дека тоа не е голема работа.

За нив ветувањата не се цврсти одлуки, туку насоки. Ако не се врзани со одговорност или емоции, лесно ќе остават ветување без многу каење.

Стрелец
Стрелците се оптимисти, големи сонувачи и љубители на слободата – што често значи дека ветуваат од ентузијазам, но без вистинска намера да ги исполнат на долг рок. Во моментот кога ќе ветат нешто, тие целосно веруваат дека ќе го сторат тоа.

Но, штом се чини дека тоа ги ограничува или попречува, тие губат интерес и бараат излез. Нивната природна потреба да бидат слободни е поважна од чувството на обврска.

Ова може да ги направи несигурни, особено во односите каде што се очекува континуитет, посветеност или точност.

Стрелците ретко ги прекршуваат ветувањата од лоши намери – едноставно им е тешко да останат фокусирани на една работа. И додека тие често се забавни, шармантни и искрени во своите емоции, нивната непредвидливост може да ги разочара другите.

Во седмата деценија таа воодушевува не само со актерскиот талент туку и со својот изглед.

Иако неодамна го прослави својот 67-ми роденден, славната Шерон Стоун продолжува да привлекува внимание со својот младешки изглед и неверојатната фигура.

Тајната на нејзината убавина лежи во едноставните ритуали, изборот на квалитетни производи и негувањето на внатрешниот мир.

Таа редовно во интервјуата ја нагласуваше важноста на здрав начин на живот, ментално здравје и прифаќање на процесот на стареење.

Кога станува збор за нега на кожата, за Шерон најважно е рутината да не е комплицирана и да биде фокусирана на основните чекори.

Треба да се спомене и дека актерката секојдневно користи креми со заштитен фактор и други мерки за заштита од сонце кои се незаменлив дел од нејзината рутина за убавина.

Трик за убавина кој вреди да се проба, а во кој се колне убавата Шерон е многу едноставен.

Во едно претходно интервју таа истакна дека наутро се мие само со вода. Доколку се шминка, откако темелно ќе ја отстрани, повторно го мие лицето со млака вода.

Сака разни пилинзи за цело тело, не само за лице.

Хидратацијата на кожата е најважниот чекор, а од својата 12-та година е верна на „Rich Moisture Cream“ на брендот Avon, познат по пристапните цени.

Таа откри и дека не е љубител на секојдневно миење на косата, туку тоа го прави на секои три до четири дена.

Актерот и музичар Џек Блек во понеделникот гостуваше во „Вечерното шоу“, а уште на почетокот доживеа незгода која ги насмеа сите во студиото. Водителот Џими Фалон го најави својот гостин кој влезе во салата свирејќи на гитара.

Блек почна да свири, а потоа се спушти до бендот. Откако заврши со играњето, отиде кај Фалон. Тогаш пред сите му паднаа панталоните под кои носеше шарени боксерки. Фалон почна да се смее, како и публиката, а на Џек изгледа воопшто не му пречеше.

Откако го прегрна домаќинот, Блек ги облече панталоните и почна заводливо да ги ниша колковите и го изведе својот препознатлив потег.

„Носиш топлина, носиш енергија!“, рече Џими, а Џек се пошегува: „Не донесов ремен. Тоа е она што не го донесов“.

Блек моментално го промовира својот нов филм „Мајнкрафт“.

Џек минатата година се најде во центарот на вниманието, откако неговиот колега Кајл Гас, даде непримерен коментар на нивниот концерт. Џек и Кајл настапуваа во Сиднеј, а Гас тој ден го прославуваше својот роденден. Во оваа прилика на сцената му донесоа торта и му рекоа да си посака жена. „Немојте да го промашите Трамп следниот пат“, рече тој, алудирајќи на обидот за убиство на американскиот претседател Доналд Трамп во јули. Иако по изјавата го продолжија концертот, Џек подоцна се извини и го откажа остатокот од турнејата.

„Бев изненаден од она што беше кажано. Никогаш не би толерирал говор на омраза или поттикнување политичко насилство од каков било вид. По многу размислување, мислам дека не е соодветно да се продолжи со турнејата, а сите идни планови се ставени во мирување. Благодарен сум на фановите за нивната поддршка и разбирање”, напиша тој.