Забава
Крис Нот призна дека бил неверен, но целосно ги отфрли наводите за сексуални напади

Крис Нот категорично ги демантира наводите за недолично сексуално однесување во своето прво интервју за обвинувањата, кои неславно ја прекинаа неговата кариера.
Актерот (68), кој тврди дека сè уште е близок со своите поранешни колешки од „Сексот и градот“, изјави за „Ју-ес-еј тудеј“ дека сите средби што ги имал надвор од бракот биле консензуални.
„Залутав од сопругата и тоа е поразително за неа и не е многу убава слика“, изјави тој за весникот. „Но, тоа не е злосторство“.
Поранешната ѕвезда на „Закон и ред“ е во брак со Тара Вилсон (38) од 2012 година. Двојката беше заедно 10 години пред да се венчаат. Тие се родители на Орион (15) и Китс (3). Нот откри за весникот дека разговарал со својот тинејџер за ситуацијата.
Нот го призна своето неверство: „Си ги даваш истите оправдувања како и многу мажи, тоа е само мал танц на страна и забавно е“.
„Се правдав со тоа што си велев: не повредуваш никого, никој нема да знае за ова, сексот е само задоволство“.
„И, одеднаш, многу сакаат да имаат секс со тебе. Тоа е како: па, нема повторно да ја добијам оваа шанса“.
Четири жени раскажаа различни приказни за своите искуства со ѕвездата на „Сексот и градот“. Во декември 2021 година, само неколку недели откако неговиот лик (Мистер Биг) починува во продолжението на „Сексот и градот“, две жени излегоа во јавноста со своите наводи за сексуален напад. Една од нив тврдеше дека ја силувал во 2015 година откога го запознала актерот додека работела во ноќен клуб. Втората изјави за „Холивуд репортер“ дека ја силувал во 2004 година. Третата се огласи набргу по написот и во разговор со „Дејли бист“ рече дека актерот ја нападнал кога имала 18 години во ресторан во Њујорк. Нот ги негира ваквите наводи заедно со тврдењата на четвртата жена, која исто така го обвини за недолично однесување.
Претставникот на актерот ги нарече наводите целосно лажни.
Харизматичниот Мистер Биг, беше „убиен“ во првата епизода од новото поглавје на култната серија, потег што беше планиран како дел од заплетот. Во сцената Мистер Биг, љубовта на Кери Бредшо, умира од срцев удар додека вози статичен велосипед.
Сè заврши со неколку написи во весниците. Против актерот не беа поднесени никакви тужби, но обвинувањата ѝ нанесоа сериозен удар на неговата кариера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Уапсен е мажот кој ја прогонуваше Скарлет Јохансон

Мажот кој Скарлет Јохансон го обвини дека ја демнел е уапсен поради закани со бомба.
Мајкл Бранхам, кој беше уапсен од њујоршката полиција во средата, наводно се заканил дека ќе активира бомба поставена во студиото на шоуто „Сатрдеј најт лајв“, каде со години работи Колин Џост, кој е во брак со Јохансон од 2020 година.
Ен-Би-Си објави дека Бранхам на сослушувањето се изјаснил за невин за лажното пријавување на инцидентот и заканата со бомба.
Јохансон во ноември 2023 година побара забрана за приближување против Мајкл Бранхам во Калифорнија. Актерката во документите навела дека Бранхам ја демнел од август 2022 година.
Судот минатата година го одби нејзиното барање. Покрај тоа, се тврди дека мажот споделил неколку објави за Скарлет Јохансон на социјалните мрежи во текот на изминатиот месец. Меѓу нив наводно има и селфи на кое е прикажана тетоважа со срце на која е испишано името на актерката.
Забава
Принцот Хари се жалел за време на крунисувањето на Чарлс

Иако тоа се случи пред речиси 2 години, повеќето луѓе сè уште се сеќаваат на крунисувањето на кралот Чарлс. Некои и до ден денес го анализираат, а меѓу нив е и читачот на усни Џереми Фримен, кој тврди дека принцот Хари се пожалил за време на церемонијата.
Хари седеше до Џек Бруксбанк, сопругот на неговата братучетка, принцезата Јуџин. Според „Сан“, принцот му рекол: „Преку глава ми е од начинот на кој се однесуваат со мене. Тоа не е идеална ситуација“. Иако не го спомна Чарлс, многумина веруваат дека тој мислел на кралското семејство.
Крунисувањето на Чарлс беше првпат Хари да се фотографира со кралското семејство откако се пресели во Калифорнија со неговата сопруга Меган Маркл. Повеќето веруваат дека принцот сакал максимално да ја скрати посетата на Велика Британија, бидејќи веднаш по церемонијата се упатил кон аеродромот за да се врати во Америка.
Односите меѓу Хари и кралското семејство се затегнати со години. Сè започна кога Хари и Меган се откажаа од своите службени должности во 2020 година и се преселија во САД. Оттогаш, Хари ја посети Велика Британија само неколку пати, а освен за крунисувањето на Чарлс, тоа го направи и за погребот на кралицата Елизабета Втора. и кога на Чарлс му беше дијагностициран рак.
Забава
Трите најдоминантни хороскопски знаци

Има луѓе кои тивко го набљудуваат светот околу себе, не се наметнуваат и не бараат внимание… А потоа се оние другите. Оние кои знаат што сакаат, ја водат играта, донесуваат одлуки и не се откажуваат додека не ги постигнат своите цели.
Нивното присуство се чувствува веднаш штом ќе влезат во просторијата, а кога ќе кажат нешто – сите слушаат. Ако некогаш сте се запрашале кои хороскопски знаци владеат со секоја ситуација, откријте ги трите најдоминантни знаци.
Лав
Ако постои знак роден да доминира, тоа е Лавот. Овие харизматични, моќни поединци не само што знаат да преземат контрола, туку и уживаат. Лaв не е некој што ќе чека некој друг да му даде зелено светло – тој го пали рефлекторот и самиот излегува на сцената. Лавовите сакаат да бидат лидери, шефови и главни лица во секое општество, а ако се обидете да ги ставите во втор план – подгответе се за драма од епски размери. Нивната самодоверба е заразна, а енергијата неодолива, па не е ни чудо што сите сакаат да ги следат.
Шкорпија
За разлика од Лавот, кој доминира отворено, Шкорпијата владее од сенка. Овие мистериозни поединци не бараат внимание – но моќта е секогаш на нивна страна. Нивната сила лежи во интелигенцијата, страста и способноста да ги „читаат“ луѓето за неколку секунди. Тие секогаш се три чекори пред вас. Шкорпиите се оние луѓе кои ги знаат сите ваши тајни, а вие речиси ништо не знаете за нив. Имаат неверојатна моќ на контрола и се исклучително стратешки настроени – во деловниот свет се незапирливи, а во приватниот живот фатални и неодоливи.
Јарец
Ако Лавот сака да биде крал, а Шкорпијата е куклар во сенка, тогаш Јарецот е император кој ја гради својата империја. Овој знак е амбициозен, упорен и неверојатно дисциплиниран. За разлика од другите знаци кои сакаат да доминираат поради егото или моќта, Јарецот го прави тоа затоа што знаат дека се најдобри. Нивната доминација доаѓа преку работа, труд и непоколеблива волја. Јарецот е оној кој секогаш има план и никогаш не се откажува, дури и кога сите други креваат раце. Не сакаат да губат време на неважни работи – ако нешто не носи резултати или не ги води до целта, едноставно не им е грижа.